ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๐๐.

ปิวนฺติ มญฺเญ สปฺปญฺญาติ ปณฺฑิตปุริสา ปิวนฺติ วิย. วลาหกมิว ปนฺถคูติ ๑-
วลาหกนฺตรโต นิกฺขนฺตอุทกํ ฆมฺมาภิตตฺตํ ๒- ปตฺติกา วิย. นวมํ.
                     ๑๐-๑๑. ทุติยสุกฺกาสุตฺตวณฺณนา
      [๒๔๔-๒๔๕] ทสเม ปุญฺญํ วต ปสวิ พหุนฺติ พหุํ วต ปุญฺญํ
ปสวตีติ. ๓- ทสมํ. เอกาทสมํ อุตฺตานเมว.
                        ๑๒. อาฬวกสุตฺตวณฺณนา
      [๒๔๖] ทฺวาทสเม อาฬวิยนฺติ อาฬวีติ ตํ รฏฺฐํปิ นครํปิ วุจฺจติ. ๔-
ตญฺจ ภวนํ นครสฺส อวิทูเร คาวุตมตฺเต ฐิตํ, ภควา ตตฺถ วิหรนฺโต ตํ นครํ
อุปนิสฺสาย อาฬวิรฏฺเฐ ๕- วิหรตีติ วุตฺโต. อาฬวกสฺส ยกฺขสฺส ภวเนติ เอตฺถ
ปน อยํ อนุปุพฺพีกถา:- อาฬวโก กิร ราชา วิวิธนาฏกุปโภเค ฉฑฺเฑตฺวา
โจรปฏิพาหนตฺถํ ปฏิราชนิเสธนตฺถํ พฺยายามกรณตฺถญฺจ ๖- สตฺตเม ทิวเส ๗- มิควํ
คจฺฉนฺโต เอกทิวสํ พลกาเยน สทฺธึ กติกํ อกาสิ "ยสฺส ปสฺเสน มิโค ปลายติ,
ตสฺเสว โส ภาโร"ติ. อถ ตสฺเสว ปสฺเสน มิโค ปลายิ, ชวสมฺปนฺโน ราชา
ธนุํ คเหตฺวา ปตฺติโกว ติโยชนํ ตํ มิคํ อนุพนฺธิ. เอณิมิคา จ ติโยชนเวคาเอว
โหนฺติ. อถ ปริกฺขีณชวํ ตํ มิคํ อุทกฏฺฐานํ ๘- ปวิสิตฺวา ฐิตํ วธิตฺวา
ทฺวิธา เฉตฺวา อนตฺถิโกปิ มํเสน "นาสกฺขิ มิคํ คเหตุนฺ"ติ อปวาทโมจนตฺถํ
กาเชนาทาย อาคจฺฉนฺโต นครสฺสาวิทูเร พหลปตฺตปลาสํ มหานิโคฺรธํ ทิสฺวา
ปริสฺสมวิโนทนตฺถํ ตสฺส มูลมุปคโต. ตสฺมึ จ นิโคฺรเธ อาฬวโก ยกฺโข
มหาราชสนฺติกา ภวนํ ลภิตฺวา มชฺฌนฺติกสมเย ตสฺส รุกฺขสฺส ฉายาย ผุฏฺโฐกาสํ
ปวิฏฺเฐ ปาณิโน ขาทนฺโต ปฏิวสติ. โส ตํ ทิสฺวา ขาทิตุํ อุปคโต. ราชา
เตน สทฺธึ กติกํ อกาสิ "มุญฺจ มํ, อหํ เต ทิวเส ทิวเส มนุสฺสญฺเจว ๙-
ถาลิปากญฺจ เปเสสฺสามี"ติ. ยกฺโข "ตฺวํ ราชูปโภเคน ปมตฺโต น สริสฺสสิ, อหํ
@เชิงอรรถ:  สี. วลาหกมิวทฺธคูติ        ฉ.ม., อิ. ฆมฺมาภิตตฺตา    สี. ปสวีติ
@ ฉ.ม., อิ. อยํปาโฐ น ทิสฺสติ     ฉ.ม. อาฬวิยํ, อิ. อาฬวิยํ วิหรนฺโตติ
@ อิ. พฺยามกรณตฺถญฺจ       ฉ.ม., อิ. สตฺตเม สตฺตเม ทิวเส
@ ฉ.ม. ปริกฺขีณชวํ ตํ อุทกํ วิย       ฉ.ม., อิ. มนุสฺสญฺจ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๐๐. http://84000.org/tipitaka/read/attha_page.php?book=11&page=300&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7744&modeTY=2&pagebreak=1 http://84000.org/tipitaka/atthapali/th_line.php?B=11&A=7744&modeTY=2&pagebreak=1#p300


จบการแสดงผล หน้าที่ ๓๐๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]