บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 30.
Ye na passanti nandananti ye tatra pancakamagunanubhavanavasena nandanavanam na passanti. Naradevananti devanaranam, devapurisananti attho. Tidasananti tikkhattum dasannam. Yasassinanti parivarasankhatena yasena sampannanam. Annatara devatati eka ariyasavika devata. Paccabhasiti "ayam baladevata imam sampattim niccam acalam mannati, nassa chedanabhedanaviddhamsanadhammatam janati"ti adhippayam vivattetva dassenti "na tvam bale"ti imaya gathaya patiabhasi. Yatha arahatam vacoti yatha arahantanam vacanam, tatha tvam na janasiti. Evam tassadhippayam patikkhipitva idani arahantanam vacanam dassenti aniccatiadimaha. Tattha anicca vata sankharati sabbe tebhumikasankhara hutva abhavatthena anicca. Uppadavayadhamminoti uppadavayasabhava. Uppajjitva nirujjhantiti idam purimassa vevacanam. Yasma va uppajjitva nirujjhanti, tasma uppadavayadhamminoti. Uppadavayaggahanena cettha tadantara vemajjhatthanam 1- gahitameva hoti. Tesam vupasamo sukhoti tesam sankharanam vupasamasankhatam nibbanameva sukham. Idam arahatam vacoti. Nandanasuttavannana nitthita. ------------------ 2. Nandatisuttavannana [12] Dutiye nandatiti tussati attamano hoti. Puttimati bahuputta. 2- Tassa hi ekacce putta kasikammam katva dhannassa kotthe purenti, ekacce vanijjam katva hirannasuvannam aharanti, ekacce rajanam upatthahitva yanavahanagamanigamadini labhanti. Atha tesam anubhavasambhutam 3- sirim anubhavamana mata va pita va nandati. Chanadivasadisu va manditapasadite 4- putte sampattim anubhavamane 5- disva nandati iti sandhaya nandati puttimati 5- aha. Gohi tathevati yatha puttima puttehi, tatha gomikopi 6- sampunnam 7- gomandalam disva @Footnote: 1 ka. tadanantaram thanam, Si. tadanantaratthanam 2 cha.Ma., i. bahuputto @3 cha.Ma. anubhavasankhatam 5 cha.Ma....pasadhite @5-5 cha.Ma. disva nandatiti "nandati puttehi puttima"ti, idisva nandatiti tam @sandhaya nandatiputtehi puttimati. 6 cha.Ma., i. gosamikopi 7 cha.Ma. sampannamThe Pali Atthakatha in Roman Character Volume 11 Page 30. http://84000.org/tipitaka/read/attha_page.php?book=11&page=30&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=771&modeTY=2&pagebreak=1 http://84000.org/tipitaka/atthapali/rm_line.php?B=11&A=771&modeTY=2&pagebreak=1#p30
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]