ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๒๙๒.

      กาเม จชิตฺวานาติ ทุวิเธปิ กาเม ปหาย. ปุนราคจฺฉเตติ วิพฺภมนวเสน
อาคจฺฉติ. ปุน ชีวํ มโต หิ โสติ อุปฺปพฺพชิตฺวา ปุน ชีวนฺโตปิ โส มตโกว,
ตสฺมา ตํปิ โรทนฺตีติ วทติ.
      อิทานิสฺส ฆราวาเส อาทีนวํ ทสฺเสนฺตี กุกฺกุฬาติอาทิมาห. ตตฺถ กุกฺกุฬาติ
ฆราวาโส กิร อุณฺหฏฺเฐน กุกฺกุฬา นาม โหติ. กสฺส อุชฺฌาปยามเสติ
"อภิธาวถ, ภทฺทนฺเต โหตู"ติ เอวํ วตฺวา "ยํ ตฺวํ วิพฺภมิตุกาโม ยกฺเขน
ปาปิโต, อิมํ วิปฺปการํ กสฺส มยํ อุชฺฌาปยาม นิชฺฌาปยาม อาโรจยามา"ติ
วทติ. ปุน ฑยฺหิตุมิจฺฉสีติ อาทิตฺตฆรโต นิพฺภตํ ภณฺฑํ ๑- วิย ฆรา นีหริตฺวา
พุทฺธสาสเน ปพฺพชิตฺวา ๒- ปุน มหาฑาหสทิเส ฆราวาเส ฑยฺหิตุํ อิจฺฉสีติ อตฺโถ.
โส มาตริ กเถนฺติยา สลฺลกฺเขตฺวา หิโรตฺตปฺปํ ปฏิลภิตฺวา "นตฺถิ มยฺหํ
คิหิภาเวน อตฺโถ"ติ อาห. อถสฺส มาตา "สาธุ ตาตา"ติ ตุฏฺฐา ปณีตโภชนํ
โภเชตฺวา "กติวสฺโสสิ ตาตา"ติ ปุจฺฉิ. ปริปุณฺณวสฺโสมฺหิ อุปาสิเกติ. "เตนหิ
ตาต อุปสมฺปทํ กโรหี"ติ จีวรสาฏเก อทาสิ. โส ติจีวรํ กาเรตฺวา อุปสมฺปนฺโน
พุทฺธวจนํ อุคฺคณฺหนฺโต ติปิฏโก ๓- หุตฺวา สีลาทีนิ อาคตฏฺฐาเน ตํ ตํ ปูเรนฺโต
นจิรสฺเสว อรหตฺตํ ปตฺวา มหาธมฺมกถิโก หุตฺวา  วีสวสฺสสตํ ฐตฺวา สกลชมฺพูทีปํ
โขเภตฺวา ปรินิพฺพายิ. ปญฺจมํ.
                        ๖. ปิยงฺกรสุตฺตวณฺณนา
      [๒๔๐] ฉฏฺเฐ เชตวเนติ เชตวนสฺส ปจฺจนฺเต โกสมฺพกุฏิกา ๔- นาม
อตฺถิ, ตตฺถ วิหรติ. ธมฺมปทานีติ อิธ ปาฏิเยกฺกํ สงฺคหํ อารุฬฺหา ฉพฺพีสติวคฺคา
ตนฺติ อธิปฺเปตา. ตตฺร เถโร ตสฺมึ สมเย อนฺโตวิหาเร นิสินฺโน มธุรสฺสเรน
สรภญฺญํ กตฺวา อปฺปมาทวคฺคํ ภาสติ. เอวํ โตเสสีติ สา กิร ปุตฺตํ ปิยงฺกรํ
องฺเกนาทาย เชตวนสฺส ปจฺฉิมภาคโต ปฏฺฐาย โคจรํ ปริเยสนฺตี อนุปุพฺเพน
นคราภิมุขี หุตฺวา อุจฺจารปสฺสาวเขฬสิงฺฆาณิกทุพฺโภชนานิ ปริเยสมานา เถรสฺส
วสนฏฺฐานํ ปตฺวา มธุรสฺสรํ อสฺโสสิ. ตสฺสา โส สทฺโท ฉวิจมฺมาทีนิ ๕- เฉตฺวา
@เชิงอรรถ:  ฉ.ม. นีหตภณฺฑํ      ฉ.ม. ปพฺพชิโต        ฉ.ม. เตปิฏโก
@ ฉ.ม. โกสมฺพกกุฏิ          ฉ.ม. ฉวิอาทีนิ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๙๒. http://84000.org/tipitaka/read/attha_page.php?book=11&page=292&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7531&modeTY=2&pagebreak=1 http://84000.org/tipitaka/atthapali/th_line.php?B=11&A=7531&modeTY=2&pagebreak=1#p292


จบการแสดงผล หน้าที่ ๒๙๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]