Naroti matu naro kucchigato, 1- kucchiya abbhantaragatoti attho. Iti bhagava
"evam kho yakkha ayam satto anupubbena matu kucchiyam vaddhati, na ekappahareneva
nibbattati"ti dasseti. Pathamam.
2. Sakkanamasuttavannana
[236] Dutiye sakkanamakoti evamnamako eko yakkho, eso 2- kira
marapakkhiko yakkho. 3- Vippamuttassati tihi bhavehi vimuttassa. 4- Yadannanti yam
annam. Vannenati karanena. Samvasoti ekato vaso, sakhidhammo mittadhammoti
attho. Sappannoti supanno sambuddho. Dutiyam.
3. Sucilomasuttavannana
[237] Tatiye gayayanti gayagame, gayaya avidure nivitthagamam upanissayati
attho. Tankitamanceti dighamance padamajjhe vijjhitva ataniyo pavesetva
katamance. Tassa "idam upari, idam hettha"ti natthi, parivattetva atthatopi
tadisova hoti, tam devatthane thapenti. Catunnam pasananam upari pasanam attharitva
katageham 5- "tankitamanco"ti vuccati. Sucilomassati kathinasucisadisalomassa.
So kira kassapassa bhagavato sasane pabbajitva duratthanato agato sedamalaggahitena
gattena supannattam samghikamancam anadarena apaccattharitva nipajji, tassa
parisuddhasilassa tam kammam suddhavatthe kalakam viya ahosi. So tasmim attabhave visesam
nibbattetum asakkonto kalam katva gayagamadvare sankaratthane yakkho hutva
nibbatti nibbattamattasseva cassa sakalasariram kathinasucihi gavaccitam 6- viya jatam.
Athekadivasam bhagava paccusasamaye lokam volokento tam yakkham pathamavajjanasseva 7-
apatham agatam disva "ayam ekam buddhantaram mahadukkham anubhavi,
kinnu khvassa mam agamma sotthikaranam bhaveyya"ti avajjento pathamamaggassa
@Footnote: 1 cha.Ma., i. matuya tirokucchigato 2 cha., i. so 3 cha.Ma. marapakkhikayakkho
@4 cha.Ma. vippamuttassa 5 cha.Ma. katagehampi
@6 Si., i. avijjhitam, cha.Ma. gavicchivijjhitam 7 Ma. pathamavajjantasseva
The Pali Atthakatha in Roman Character Volume 11 Page 286.
http://84000.org/tipitaka/read/attha_page.php?book=11&page=286&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=7376&modeTY=2&pagebreak=1
http://84000.org/tipitaka/atthapali/rm_line.php?B=11&A=7376&modeTY=2&pagebreak=1#p286
