อรรถกถาเล่มที่ ๑๑ หน้าที่ ๒๗๙.

มชฺฌนฺติเก อุฏฺฐาย ธมฺมกรเกน ^๑- อุทกํ คเหตฺวา อกฺขีนิ ปุญฺฉิตฺวา ^๒- ปิณฺฑาย จริตฺวา ยาวทตฺถํ ภุญฺชิตฺวา มชฺฌนฺติเก วีติวตฺเต ปฏิกฺกมติ. ทิวา จ อาคนฺตฺวาติ อติกาเล ปวิฏฺเฐน นาม อญฺเญหิ ภิกฺขูหิ ปฐมตรํ อาคนฺตพฺพํ โหติ, ตฺวํ ปน อติวิย ทิวา อาคนฺตฺวา อาคตาสีติ ^๓- ภายามิ นาคทตฺตนฺติ ตํ นาคทตฺตํ อหํ ภายามิ. สุปฺปคพฺภนฺติ สุฏฺฐุ ปคพฺภํ. กุเลสูติ ขตฺติยกุลาทิอุปฏฺฐากกุเลสุ. สตฺตมํ. ๘. กุลฆรณีสุตฺตวณฺณนา [๒๒๘] อฏฺฐเม อชฺโฌคาฬฺหปฺปตฺโตติ โอคาหปฺปโต. โส กิร สตฺถุ สนฺติเก กมฺมฏฺฐานํ คเหตฺวา ตํ วนสณฺฑํ ปวิสิตฺวา ทุติยทิวเส คามํ ปิณฺฑาย ปาวิสิ ปาสาทิเกหิ อภิกฺกนฺตาทีหิ. อญฺญตรํ กุลํ ตสฺส อิริยาปเถ ปสีทิตฺวา ปญฺจปติฏฺฐิเตน วนฺทิตฺวา ปิณฺฑปาตํ อทาสิ. ภตฺตานุโมทนํ ปุน สุตฺวา อติเรกตรํ ปสีทิตฺวา "ภนฺเต นิจฺจกาลํ อิเธว ภิกฺขํ คณฺหถา"ติ นิมนฺเตสิ. เถโร อธิวาเสตฺวา เตสํ อาหารํ ปริภุญฺชมาโน วิริยํ ปคฺคยฺห ฆเฏนฺโต อรหตฺตํ ปตฺวา จินฺเตสิ "พหูปการํ เม เอตํ กุลํ, อญฺญตฺถ คนฺตฺวา กึ กริสฺสามี"ติ ผลสมาปตฺติสุขํ อนุภวนฺโต ตตฺเถว วสิ. อชฺฌภาสีติ สา กิร เถรสฺส ขีณาสวภาวํ อชานนฺตี จินฺเตสิ "อยํ เถโร เนว อญฺญํ คามํ คจฺฉติ, น อญฺญํ ฆรํ, น รุกฺขมูลอาสนสาลาทีสุ นิสีทติ, นิจฺจกาลํ ฆรํ ปวิสิตฺวาว นิสีทติ, อุโภ เจเต ^๔- โอคาธปฺปตฺตา ปติคาธปฺปตฺตา, กทาจิ เอส อิมํ กุลํ ทูเสยฺย, โจเทสฺสามิ นนฺ"ติ. ตสฺมา อภาสิ. สณฺฐาเนติ นครทฺวารสฺส อาสนฺเน ^๕- มนุสฺสานํ ภณฺฑกํ โอตาเรตฺวา วิสมนฏฺฐาเน. สงฺคมฺมาติ สมาคนฺตฺวา. มนฺเตนฺตีติ กเถนฺติ. มญฺจ ตญฺจาติ มํ จ กเถนฺติ, ตํ จ กเถนฺติ. กิมนฺตรนฺติ กึ การณํ. พหู หิ สทฺทา ปจฺจูหาติ พหุกา เอเต โลกสฺมึ ปฏิโลมสทฺทา. น เตนาติ เตน การเณน, เตน วา ตปสฺสินา น มงฺกุ โหตพฺพํ. น หิ เตนาติ น หิ เตน ปเรหิ วุตฺตวจเนน @เชิงอรรถ: ^๑ สี. ธมฺมการเกน, ฉ.ม. ธมมกรเณน ^๒ ฉ.ม. ปมชฺชิตฺวา, อิ. สมฺมชฺชิตฺวา @^๓ สี., อิ. คโตติ ^๔ ฉ.ม.,อิ. อุโภ เปเต ^๕ สี.อาสนฺเน ฐาเน

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๗๙. http://84000.org/tipitaka/read/attha_page.php?book=11&page=279&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7211&modeTY=2&pagebreak=1 http://84000.org/tipitaka/atthapali/th_line.php?B=11&A=7211&modeTY=2&pagebreak=1#p279