ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๒๗๔.

     อิทานิสฺส กาเมสุ อาทีนวํ กถยนฺตี อนิจฺจาติอาทิมาห. ตตฺถ อสิตนฺติ
ตณฺหาทิฏฺฐินิสฺสเยน อนิสฺสิตํ. กสฺมา ปพฺพชิตํ ตเปติ เอวรูปํ ขีณาสวํ ทิวาโสปฺปํ
น ตปติ, ตาทิสํ ปน กสฺมา น ตเปสฺสตีติ วทติ. เถรสฺเสว จ ๑- เอตํ
วจนํ, ตสฺมา อยเมตฺถ อตฺโถ:- พทฺเธสุ ๒- มุตฺตํ อสิตํ มาทิสํ ขีณาสวํ ปพฺพชิตํ
กสฺมา ทิวาโสปฺปํ ตเป, น ตปตีติ. ๓- เสสคาถาสุปิ เอเสว นโย. เทวตาย หิ
วจนปกฺเข "เอวรูปํ ขีณาสวํ ปพฺพชิตํ ทิวาโสปฺปํ น ตปติ, ๔- ตาทิสํ ปน
กสฺมา ตเปสฺสติ, ตเปสฺสติเยวา"ติ อตฺโถ. ๕- เถรสฺส วจนปกฺเข "เอวรูปํ มาทิสํ
ขีณาสวํ ปพฺพชิตํ กสฺมา ทิวาโสปฺปํ ตเป, น ตปติเยวา"ติ อตฺโถ. อยํ ปเนตฺถ
อนุตฺตานปทวณฺณนา. วินยาติ วินเยน. สมติกฺกมาติ วฏฺฏมูลิกาย อวิชฺชาย
สมติกฺกเมน. ตํ ญาณนฺติ ตํ จตุสจฺจญาณํ. ปรโมทาตนฺติ ๖- ปรมปริสุทฺธํ.
ปพฺพชิตนฺติ เอวรูเปน ญาเณน สมนฺนาคตํ ปพฺพชิตํ. วิชฺชายาติ จตุตฺถมคฺควิชฺชาย.
อารทฺธวีริยนฺติ ปคฺคหิตวิริยํ ปริปุณฺณวิริยํ. ทุติยํ.
                       ๓. กสฺสปโคตฺตสุตฺตวณฺณนา
     [๒๒๓] ตติเย เฉตนฺติ ๗- เอกํ มิคลุทฺทกํ. โอวทตีติ โส กิร มิคลุทฺทโก
ปาโตว ภุญฺชิตฺวา "มิเค วธิสฺสามี"ติ อรญฺญํ ปวิฏฺโฐ เอกํ โรหิตมิคํ ทิสฺวา
"สตฺติยา นํ ปหริสฺสามี"ติ อนุพนฺธมาโน เถรสฺส ปฐมสุตฺเต วุตฺตนเยเนว
ทิวาวิหาเร ๘- นิสินฺนสฺส อวิทูเรน ปกฺกมติ. อถ นํ เถโร "อุปาสก ปาณาติปาโต
นาเมส อปายสํวตฺตนิโก อปฺปายุกสํวตฺตนิโก, สกฺกา อญฺเญนปิ กสิวณิชฺชาทินา
กมฺเมน ทาราภรณํ กาตุํ, มา เอวรูปํ กกฺขฬํ กมฺมํ กโรหี"ติ อาห. โสปิ
"มหาปํสุกูลิกตฺเถโร กเถตี"ติ คารเวน ฐตฺวา โสตุํ อารทฺโธ. อถสฺส โสตุกามตํ
ชเนสฺสามี"ติ โส ๙- องฺคุฏฺฐกํ ชาลาเปสิ. โส อกฺขีหิปิ ปสฺสติ, กณฺเณหิปิ สุณาติ,
จิตฺตํ ปนสฺส "อสุกฏฺฐานํ มิโค คโต ภวิสฺสติ, อสุกติตฺถํ โอติณฺโณ, ตตฺถ
@เชิงอรรถ:  ฉ.ม., อิ. วา   สี. ขนฺเธสุ ม., อิ. พนฺเธสุ   สี. ทิวา โสปฺปํ ตเปสฺสตีติ,
@  ฉ.ม. ตเปสฺสตีติ, อิ. ตปฺเปสฺสตีติ   อิ. ตปฺปติ
@ อิ. ตปฺปิสฺสติ ตปฺปิสฺสติ เอวาติ อตฺโถ  สี. ปรมโวทานนฺติ, ฉ.ม. ปรโมทานนฺติ
@ สี., อิ. เจตนฺติ   ฉ.ม. ทิวาวิหารํ   ฉ.ม., อิ. เถโร



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๗๔. http://84000.org/tipitaka/read/attha_page.php?book=11&page=274&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7082&modeTY=2&pagebreak=1 http://84000.org/tipitaka/atthapali/th_line.php?B=11&A=7082&modeTY=2&pagebreak=1#p274


จบการแสดงผล หน้าที่ ๒๗๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]