Supatipanno, patipada bhaddika, ime ca pana mahajana vatte sutta
nappatibujjhantiti devata aha. Sambuddhati samma hetuna karanena buddha.
Cattaro hi buddha sabbannubuddho paccekabuddho catusaccabuddho sutabuddhoti.
Tattha samatimsa paramiyo puretva sammasambodhim patto sabbannubuddho nama.
Kappasatasahassadhikani dve asankheyyani paramiyo puretva sayambhutam patto
paccekabuddho nama. Avasesakhinasava catusaccabuddha nama. Bahussuto sutabuddho
nama. 1- Imasmim atthe tayopi purima vattanti. Sammadannati samma hetuna
karanena janitva. Caranti visame samanti visame va lokasannivase visame va
sattakaye visame va kilesajate samam carantiti.
Appatividitasuttavannana nitthita.
---------------
8. Susammutthasuttavannana
[8] Atthame susammutthati pannaya appatividdhabhaveneva sammuttha. 2-
Yatha hi dve khettani kasitva ekam vapitva bahudhannam adhigatassa avapitakhettato
aladdham sandhaya "bahum me dhannam natthan"ti vadanto aladdhameva "natthan"ti
vadati, evamidhapi appatividitaya 3- susammuttha nama. Asammutthati pannaya
patividdhabhaveneva amuttha. 4- Sesam purimasadisamevati.
Susammutthasuttavannana nitthita.
---------------------
9. Manakamasuttavannana
[9] Navame manakamassati manam kamentassa icchantassa. Damoti
evarupassa puggalassa samadhipakkhiko damo natthiti vadati. "saccena danto damasa
upeto, vedantagu vusitabrahmacariyo"ti 5- ettha hi indriyasamvaro damoti vutto.
"yadi sacca dama caga, khantya bhiyyodha vijjati"ti 6- ettha panna. "danena
@Footnote: 1 i. bahussuta sutabuddha nama 2 cha.Ma., i. sunattha 3 cha.Ma., i. appatividitava
@4 cha.Ma., i. anattha 5 sam. saga. 15/195/201 sundarikasutta
@6 sam. saga. 15/246/259 alavakasutta, khu.sutta. 25/191/370 alavakasutta
The Pali Atthakatha in Roman Character Volume 11 Page 25.
http://84000.org/tipitaka/read/attha_page.php?book=11&page=25&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=638&modeTY=2&pagebreak=1
http://84000.org/tipitaka/atthapali/rm_line.php?B=11&A=638&modeTY=2&pagebreak=1#p25
