ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๒๔.

ปหานตฺถาย จ อุตฺตรึ อติเรกํ วิเสสํ ภาเวนฺโต สทฺธาปญฺจมานิ อินฺทฺริยานิ
ภาเวยฺยาติ อตฺโถ ปญฺจ สงฺคาตีโตติ ราคสงฺโค โทสสงฺโค โมหสงฺโค มานสงฺโค
ทิฏฺฐิสงฺโคติ อิเม ปญฺจ สงฺเค อติกฺกนฺโต. โอฆติณฺโณติ วุจฺจตีติ จตุโรฆติณฺโณติ
กถียติ. อิมาย จ ปน คาถาย ปญฺจินฺทฺริยานิ โลกิยโลกุตฺตรานิ กถิตานีติ.
                      กติฉินฺทสุตฺตวณฺณนา นิฏฺฐิตา.
                      --------------------
                         ๖. ชาครสุตฺตวณฺณนา
       [๖] ฉฏฺเฐ ชาครตนฺติ ชาครนฺตานํ. ปญฺจ ชาครตนฺติ วิสฺสชฺชนคาถายํ
ปน สทฺธาทีสุ ปญฺจสุ อินฺทฺริเยสุ ชคฺคนฺเตสุ ๑- ปญฺจ นีวรณา สุตฺตา นาม.
กสฺมา? ยสฺมา ตํสมงฺคีปุคฺคโล ยตฺถ กตฺถจิ นิสินฺโน วา ฐิโต วา อรุณํ
อุฏฺฐเปนฺโตปิ ปมาทตาย อกุสลสมงฺคิตาย สุตฺโต นาม โหติ. เอวํ สุตฺเตสุ
ปญฺจสุ นีวรเณสุ ปญฺจินฺทฺริยานิ ชคฺคนฺติ นาม. ๒- กสฺมา? ยสฺมา ตํสมงฺคีปุคฺคโล
ยตฺถ กตฺถจิ นิปชฺชิตฺวา นิทฺทายนฺโตปิ อปฺปมาทตาย กุสลสมงฺคิตาย ชาคโร นาม
โหติ. ปญฺจหิ ปน นีวรเณเหว กิเลสรชํ อาทิยติ คณฺหาติ ปรามสติ. ปุริมา
หิ กามจฺฉนฺทาทโย ปจฺฉิมานํ ปจฺจยา โหนฺตีติ ปญฺจหิ อินฺทฺริเยหิ ปริสุชฺฌตีติ
อยมตฺโถ เวทิตพฺโพ. อิธาปิ ปญฺจินฺทฺริยานิ โลกิยโลกุตฺตราเนว กถิตานีติ.
                   ชาครสุตฺตวณฺณนา นิฏฺฐิตา.
                   ------------------
                   ๗. อปฺปฏิวิทิตสุตฺตวณฺณนา
       [๗] สตฺตเม ธมฺมาติ จตุสจฺจธมฺมา. อปฺปฏิวิทิตาติ ญาเณน อปฺปฏิวิทฺธา.
ปรวาเทสูติ ทฺวาสฏฺฐิทิฏฺฐิคตวาเทสุ. เตหิ อิโต ปเรสํ ติตฺถิยานํ
วาทตฺตา ปรวาทา นาม. นียเรติ อตฺตโน ธมฺมตายปิ คจฺฉนฺติ, ปเรนปิ
นียนฺติ. ตตฺถ สยเมว สสฺสตาทีนิ คณฺหนฺตา คจฺฉนฺติ นาม, ปรสฺส วจเนน
ตานิ คณฺหนฺตา นียนฺติ นาม. กาโล เตสํ ปพุชฺฌิตุนฺติ เตสํ ปุคฺคลานํ
ปพุชฺฌิตุํ อยํ กาโล. โลกสฺมิมฺหิ พุทฺโธ อุปฺปนฺโน, ธมฺโม เทสิยติ, สํโฆ
@เชิงอรรถ:  ฉ.ม., อิ. ชาครนฺเตสุ       ม. ชาครนฺติ นาม, ฉ.ม., อิ. ชาครานิ นาม



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๔. http://84000.org/tipitaka/read/attha_page.php?book=11&page=24&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=612&modeTY=2&pagebreak=1 http://84000.org/tipitaka/atthapali/th_line.php?B=11&A=612&modeTY=2&pagebreak=1#p24


จบการแสดงผล หน้าที่ ๒๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]