2. Akkosasuttavannana
[188] Dutiye akkosakabharadvajoti bharadvajova so, pancamattehi
pana gathasatehi tathagatam akkosanto agatoti "akkosakabharadvajo"ti tassa
sangitikarehi namam gahitam. Kupito anattamanoti "samanena gotamena mayham
jetthakabhataram pabbajentena jani kata, pakkho bhinno"ti kodhena kupito
domanassena ca anattamano hutvati attho. Akkosatiti 1- "corosi, balosi
mulhosi, otthosi, gonosi, gadrabhosi, nerayikosi, tiracchanagatosi, natthi tuyham
sugati, duggatiyeva tuyham patikankha"ti dasahi akkosavatthuhi akkosati. 1-
Paribhasatiti "hotu mundakasamana, `adando ahan'ti karoti, idani te rajakulam gantva
dandam aropessami"tiadini vadanto paribhasati nama.
Sambhunjatiti ekato bhunjati. Vitiharatiti katassa patikaram karoti. Bhavantam
kho gotamanti kasma evamaha? "tavevetam brahmana, tavevetam brahmana"ti
kirassa sutva "isayo nama kupita sapam 2- denti kisavacchadayo viya"ti
anussavavasena "sapati mam manne samano gotamo"ti sapabhayam 3- uppajji. Tasma
evamaha.
Dantassati nibbisevanassa. Tadinoti tadilakkhanapattassa. Tasseva tena
papiyoti tasseva puggalassa tena kodhena papam hoti. Sato upasammatiti
satiya samannagato hutva adhivaseti. Ubhinnam tikicchantananti ubhinnam
tikicchatam. 4- Ayameva va patho. Yo puggalo sato upasammati, ubhinnamattham carati
tikicchati sadheti, tam puggalam jana baloti mannanti. Kidisa jana? ye dhammassa
akovidati. 5- Dhammassati pancakkhandhadhammassa va catusaccadhammassa va. Akovidati
tasmim dhamme akusala andhabalaputhujjana. Dutiyam.
@Footnote: 1-1 cha.Ma. "corosi, balosi, mulhosi, thenosi, otthosi, mendosi, gonosi,
@gadrabhosi, tiracchanagatosi, nerayikosi"ti dasahi akkosavatthuhi akkosati.
@2 cha.Ma. lapanam 3 cha.Ma., i. mahabbhayam 4 cha.Ma. tikicchantam, i. tikicchantanam
@5 cha.Ma., i. akovida
The Pali Atthakatha in Roman Character Volume 11 Page 217.
http://84000.org/tipitaka/read/attha_page.php?book=11&page=217&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=5632&modeTY=2&pagebreak=1
http://84000.org/tipitaka/atthapali/rm_line.php?B=11&A=5632&modeTY=2&pagebreak=1#p217
