8. *- katamorakatissakasuttavannana
[179] Atthame akissavanti kissava vuccati panna, nippannoti
attho. Atthamam.
9. *- tudubrahmasuttavannana
[180] Navame abadhikoti "sasapamattihi pilakahi"tiadina nayena
anantarasutte agatena abadhena abadhiko. Balhagilanoti adhimattagilano.
Tuduti 1- kokalikassa upajjhayo tudutthero nama anagamaphalam patva brahmaloke
nibbatto. So bhummatthakadevata adim katva "ayuttam kokalikena katam
aggasavake antimavatthuna abbhacikkhantena"ti paramparaya brahmalokasampattam
kokalikassa papakammam sutva "ma mayham passantassa 2- varako nassi, ovadissami
nam theresu cittapasadatthaya"ti agantva tassa purato atthasi. Tam sandhaya
vuttam "tudupaccekabrahma"ti. Pesalati piyasila. Kosi tvam avusoti nipannakova
kavarakkhini ummiletva evamaha. Passa yavanca teti passa yattakam taya
aparaddham, attano nalate mahagandam apassanto sasapamattaya pilakaya mam
codetabbam mannasiti aha.
Atha nam "aditthipatto ayam varako, gilaviso viya kassaci vacanam na karissati"ti
natva purisassa hitiadimaha. Tattha kudhariti 3- kudharisadisa pharusa vaca. Chindatiti
kusalamulasankhate muleyeva nikantati. Nindiyanti ninditabbam dussilapuggalam.
Pasamsatiti uttamatthe sambhavetva khinasavoti vadati. Tam va nindati yo
pasamsiyoti yo va pasamsitabbo khinasavo, tam antimavatthuna codento "dussilo
ayan"ti vadati. Vicinati mukhena so kalinti so tam aparadham mukhena vicinati
nama. Kalina tenati tena aparadhena sukham na vindati. Nindiyapasamsaya hi
pasamsiyanindaya ca samakova vipako.
@Footnote: 1 cha.Ma. turuti 2 cha.Ma. passantasseva 3 cha.Ma., i. kuthari
@* cha.Ma. katamodaka... * cha.Ma. turu...
The Pali Atthakatha in Roman Character Volume 11 Page 204.
http://84000.org/tipitaka/read/attha_page.php?book=11&page=204&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=5296&modeTY=2&pagebreak=1
http://84000.org/tipitaka/atthapali/rm_line.php?B=11&A=5296&modeTY=2&pagebreak=1#p204
