Ekamasiti eka asi. Rudammukhiti rudamanamukhi viya. Accantam mataputtamhiti
ettha antam atitam accantam, bhavanapumsakametam. Idam vuttam hoti:- yatha puttamaranam
antam atitam hoti, evam mataputta aham, idani mama puna puttamaranam nama
natthi. Purisa etadantikati purisapi ne etadantikava. Yo me puttamaranassa
anto, purisanampi me esevanto, abhabba aham idani purisam gavesitunti.
Sabbattha vihata nanditi sabbesu khandhaayatanadhatubhavayonigatithitinivasesu mama
tanhanandi vihata. Tamokkhandhoti avijjakkhandho. Padalitoti nanena bhinno.
Tatiyam.
4. Vijayasuttavannana
[165] Catutthe pancangikenati atatam vitatam atatavitatam ghanam susiranti
evam pancangasamannagatena. Niyyatayami tuyhevati sabbe tuyhamyeva demi. Mara
naham tenatthikati naham tena atthika. Putikayenati suvannavannopi kayo
niccam uggharitapaggharitatthena putikayova, tasma evamaha. Bhindanenati
bhijjanasabhavena. Pabhangunati cunnavicunnam apajjanadhammena. Attiyamiti attapilita
homi. Harayamiti lajjami. Santa samapattiti atthavidha lokiyasamapatti
arammanasantataya angasantataya ca santati vutta. Sabbatthati sabbesu
ruparupabhavesu, tesam dvinnam bhavanam gahitatta gahite kamabhave atthasu ca
samapattisuti etesu sabbesu thanesu mayham avijjatamopi vihatoti vadati. Catuttham.
5. Uppalavannasuttavannana
[166] Pancame supupphitagganti aggato patthaya sutthu pupphitam salarukkham.
Na catthi te dutiya vannadhatuti tava vannadhatusadisa dutiya vannadhatu natthi,
taya sadisa anna bhikkhuni natthiti vadati. Idhagata tadisika bhaveyyunti yatha
tvam idhagata kinci santhavam va sineham va na labhasi, evameva tepi tayava
sadisa bhaveyyum. Pakhumantarikayampiti dvinnam akkhinam majjhe nasavamsepi titthantim
mam na passissasi. Vasibhutamhiti vasibhuta asmi. Pancamam.
The Pali Atthakatha in Roman Character Volume 11 Page 182.
http://84000.org/tipitaka/read/attha_page.php?book=11&page=182&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=4737&modeTY=2&pagebreak=1
http://84000.org/tipitaka/atthapali/rm_line.php?B=11&A=4737&modeTY=2&pagebreak=1#p182
