บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 173.
Nama pancakamagunanidanam, tam yatonidanam hotiti 1- evam yo addakkhi. Katham nameyyati so jantu tesu dukkhassa nidanabhutesu kamesu kena karanena nameyya. Upadhim viditvati kamagunaupadhim "sango eso, lagganametanti evam viditva. Tasseva jantu vinayaya sikkheti tasseva upadhissa vinayaya sikkheyya. Dasamam. Dutiyo vaggo. ----------- 3. Tatiyavagga 1. Sambahulasuttavannana [157] Tatiyavaggassa pathame jatanduvenati jatacumbitena. 2- Ajinakkhipanivatthoti sukhuram 3- ajinacammam ekam nivattho ekam paruto. Udumbaradandanti appicchabhavappakasanattham isakam vankam udumbaradandam gahetva. Etadavocati loke brahmanassa vacanam nama sussusanti, brahmanesupi pabbajitassa, pabbajitesupi mahallakassati mahallakabrahmnapabbajitavesam gahetva padhanabhumiyam kammam karonte te bhikkhu upasankamitva hatthe ukkhipitva etam "dahara bhavanto"tiadivacanam avoca. Okampetvati hanukena udaram 4- paharanto adhonatam katva. Jivham nillaletvati kavaramahajivham niharitva uddhamadho ubhayapassesu ca palapetva. 5- Tivisakhanti tisakham. Nalatikanti bhakutim, nalate utthitam valittayanti attho. Pakkamiti tumhe janantanam vacanam akatva attanova tele pavisathati 6- vatva ekam maggam gahetva gato. Pathamam. 2. Samiddhisuttavannana [158] Dutiye labha vata me, suladdham vata meti evarupassa satthu ceva dhammassa ca brahmacarinam ca laddhatta mayham labha mayham suladdhanti. So kirayasma paccha mulakammatthanam sammasitva "arahattam gahessami"ti pasadikam tava @Footnote: 1 cha.Ma. hoti 2 cha.Ma., i. jatacumbatakena 3 cha.Ma., i. sakhuram @4 cha.Ma., i. uram 5 cha.Ma., i.laletva 6 cha.Ma., i. paccissathatiThe Pali Atthakatha in Roman Character Volume 11 Page 173. http://84000.org/tipitaka/read/attha_page.php?book=11&page=173&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=4510&modeTY=2&pagebreak=1 http://84000.org/tipitaka/atthapali/rm_line.php?B=11&A=4510&modeTY=2&pagebreak=1#p173
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]