romanATTHA book 11 Page 169.

Patigho uppajjati. Iti dhammakathiko anurodhavirodhesu sajjati nama. Tuvam evam ma sajjitthati ^1- vadati. Yadannamanusasatiti yam annam anusasati, tam. Sambuddho hitanukampi hitena anukampati. Yasma ca hitanukampi, tasma anurodhavirodhehi vippamutto tathagatoti. Catuttham. 5. Manasasuttavannana [151] Pancame akase carantepi bandhatiti antalikkhacaro. Pasoti ragapaso. Manasoti manasampayutto. Pancamam. 6. Puttasuttavannana [152] Chatthe pancannam upadanakkhandhanam upadayati panca upadanakkhandhe adiyitva, sabhavasamannalakkhanavasena nanappakarato vibhajitva dassento. Sandassetiti khandhanam sabhavalakkhanadini dasseti. Samadapetiti ganhapeti. Samuttejetiti samadanamhi ussaham janeti. Sampahamsetiti patividdhagunena vodapeti jotapeti. Atthikatvati ^2- atthikatva, ^3- "ayanno adhigantabbo attho"ti evam sallakkhetva taya desanaya atthika hutva. Manasikatvati citte thapetva. Sabbacetaso ^4- samannaharitvati sabbena tena kammakarakacittena samannaharitva. Ohitasotati thapitasota. Abbhokase nikkhittati otapanatthaya thapita. Rupam vedayitam sannanti ^5- ete rupadayo tayo khandhe. ^6- Yanca sankhatanti imina sankharakkhandho gahito. Evam tattha virajjatiti "eso aham na homi, etam mayham na hoti"ti passanto evam tesu khandhesu virajjati. Khemattanti khemibhutam attabhavam. Imina phalakkhanam ^7- dasseti. Anvesanti bhavayonigatithitisattavasasankhatesu sabbatthanesu pariyesamana. Najjhagati na passiti. Chattham. @Footnote: ¹ cha.Ma. lajjittho ² cha.Ma. atthim katva ³ cha.Ma. atthikam katva ⁴ cha.Ma. sabbacetasa @⁵ cha.Ma. sannati ⁶ cha.Ma. khandha ⁷ Si. phalalakkhanam

The Pali Atthakatha in Roman Character Volume 11 Page 169. http://84000.org/tipitaka/read/attha_page.php?book=11&page=169&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=4409&modeTY=2&pagebreak=1 http://84000.org/tipitaka/atthapali/rm_line.php?B=11&A=4409&modeTY=2&pagebreak=1#p169