3. Subhasuttavannana
[139] Tatiye susamvutati supihita. Na te maravasanugati mara te
tuyham vasanuga na honti. Na te marassa paccaguti 1- te tuyham marassa
bandhapara 2- sissa antevasika na honti. Tatiyam.
4. Pathamamarapasasuttavannana
[140] Catutthe yonisomanasikarati upayamanasikarena. Yonisosammappadhanati
upayaviriyena karanaviriyena. Vimuttiti arahattaphalavimutti. Ajjhabhasiti
"ayam attana viriyam katva arahattam patvapi na tussati, idani annesampi
`papunatha'ti 3- ussaham karoti, patibahissami nan"ti cintetva abhasi.
Marapasenati kilesapasena. Ye dibba ye ca manusati ye
dibbakamagunasankhata manusakakamagunasankhata ca marapasa nama atthi, sabbehi
tehi tvam bandhoti 4- vadati. Marabandhanabandhoti marabandhanena bandho,
marabandhane va bandho. Na me samana mokkhasiti samana tvam mama visayato na
muccissasi. Catuttham.
5. Dutiyamarapasasuttavannana
[141] Pancame muttahanti mutto aham. Purimasuttam antovasse vuttam,
idam pana pavaretva vutthavassakale. Carikanti anupubbagamanacarikam. Divasam 5-
yojanaparamam gacchanta carathati vadati. Ma ekena dveti ekamaggena dve jana
ma agamittha. Evam hi gatesu ekasmim dhamme desente ekena tunhibhutena
thatabbam hoti. Tasma evamaha.
Adikalyananti adimhi kalyanam sundaram bhaddakam. Tatha majjhapariyosanesu
adimajjhapariyosanam ca nametam sasanassa ca desanaya ca vasena
dubbidham. Tattha sasanassa silam adi, samathavipassanamagga majjham, phalanibbanani
@Footnote: 1 cha.Ma. baddhagu 2 cha.Ma., baddhacara 3 cha.Ma., i. papunatha
@4 cha.Ma.,i. baddhoti. evamuparipi 5 cha.Ma., i. divase divase
The Pali Atthakatha in Roman Character Volume 11 Page 163.
http://84000.org/tipitaka/read/attha_page.php?book=11&page=163&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=4252&modeTY=2&pagebreak=1
http://84000.org/tipitaka/atthapali/rm_line.php?B=11&A=4252&modeTY=2&pagebreak=1#p163
