ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๕๔.

      วรเมตนฺติอาทิ วิปฺปฏิสารสฺส อุปฺปนฺนาการสฺส ทสฺสนํ. ภาตุ จ ปน
เอกปุตฺตกํ สาปเตยฺยสฺส การณา ชีวิตา โวโรเปสีติ ตทา กิรสฺส อวิภตฺเตเยว
กุฏุมฺเพ มาตาปิตโร จ เชฏฺฐภาตา จ กาลมกํสุ. โส ภาตุชายาย สทฺธึเยว
สํวาสํ กปฺเปสิ. ภาตุ ปนสฺส เอโก ปุตฺโต โหติ, ตํ วีถิยา กีฬนฺตํ มนุสฺสา
วทนฺติ "อยํ ทาโส อยํ ทาสี อิทํ ยานํ อิทํ ธนํ ตว สนฺตกนฺ"ติ. โส เตสํ
กถํ คเหตฺวา "อยนฺทานิ ๑- มยฺหนฺ"ติอาทีนิ ๒- กเถติ.
       อถสฺส จูฬปิตา จินฺเตสิ "อยํ ทารโก อิทาเนว เอวํ กเถติ, ๓-
มหลฺลกกาเล กุฏุมฺพํ มชฺเฌ ฉินฺทาเปยฺย, ๔-  อิทาเนวสฺส กตฺตพฺพํ กริสฺสามี"ติ
เอกทิวสํ วาสึ อาทาย "เอหิ ปุตฺต อรญฺญํ คจฺฉามา"ติ ตํ อรญฺญํ เนตฺวา
วิรวนฺตํ วิรวนฺตํ มาเรตฺวา อาวาเฏ ปกฺขิปิตฺวา ปํสุนา ปฏิจฺฉาเทสิ. อิทํ
สนฺธาเยตํ วุตฺตํ. สตฺตกฺขตฺตุนฺติ สตฺต วาเร. ปุพฺพปจฺฉิมเจตนาวเสน เจตฺถ
อตฺโถ เวทิตพฺโพ. เอกปิณฺฑปาตทานสฺมึ หิ เอกาว เจตนา เทฺว ปฏิสนฺธิโย
น เทติ, ปุพฺพปจฺฉิมเจตนาหิ ปเนส สตฺตกฺขตฺตุํ สคฺเค, สตฺตกฺขตฺตุํ เสฏฺฐิกุเล
นิพฺพตฺโต. ปุราณนฺติ ปจฺเจกพุทฺธสฺส ทินฺนปิณฺฑปาตเจตนากมฺมํ.
       ปริคฺคหนฺติ ปริคฺคหิตวตฺถุ. อนุชีวิโนติ เอกํ มหากุลํ นิสฺสาย
ปณฺณาสมฺปิ สฏฺฐีปิ กุลานิ ชีวนฺติ, เต มนุสฺเส สนฺธาเยตํ วุตฺตํ. สพฺพนฺนาทาย
คนฺตพฺพนฺติ สพฺพเมตํ น อาทิยิตฺวา คนฺตพฺพํ. สพฺพํ นิกฺเขปคามินนฺติ ๕-
สพฺพเมตํ นิกฺเขปสภาวํ, ๖- ปริจฺจชิตพฺพสภาวเมวาติ อตฺโถ. ทสมํ.
                           ทุติโย วคฺโค.
                           ----------
@เชิงอรรถ:  ฉ.ม. อยํ ทาโส, สี. อยํ ทาสี    ฉ.ม. มยฺหํ สนฺตกนฺติอาทีนิ    ฉ.ม. กเถสิ
@ ฉ.ม., อิ. ภินฺทาเปยฺย   ฉ.ม. สพฺพํ นิกฺขิปฺปคามินนฺติ
@ ฉ.ม. นิกฺขิปฺปสภาวํ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๕๔. http://84000.org/tipitaka/read/attha_page.php?book=11&page=154&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4018&modeTY=2&pagebreak=1 http://84000.org/tipitaka/atthapali/th_line.php?B=11&A=4018&modeTY=2&pagebreak=1#p154


จบการแสดงผล หน้าที่ ๑๕๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]