บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 145.
Kokanadanti padumassevetam vevacanam. Patoti kalasseva. Siyati bhaveyya. Avitagandhanti avigatagandham. Angirasanti sammasambuddham. Bhagavato hi angato ramsiyo 1- nikkhamanti, tasma angirasoti vuccati. Yatha kokanadasankhatam padumam patova phullam avitagandham sugandham 2- siya, evameva bhagavantam angirasam tapantam adiccamiva antalikkhe virocamanam passati ayamettha sankhepattho. Bhagavantam acchadesiti bhagavato adasiti attho. Lokavoharato panettha idisam vacanam hoti. So kira upasako "ete tathagatassa gunesu pasiditva mayham panca uttarasange denti, aham ete 3- bhagavatova dassami"ti cintetva adasi. Dutiyam. 3. Donapakasuttavannana [124] Tatiye 4- donapakasudanti donapakam sudam. 4- Donassa tandulanam pakkabhattam tadupiyanca supabyanjanam bhunjatiti attho. Bhuttaviti pubbe bhattasammadam vinodetva muhuttam vissametva buddhupatthanam gacchati, tamdivasampana bhunjantova dasabalam saritva hatthe dhovitvava agamasi. Mahassasiti tassa gacchato balava bhattaparilaho udapadi, tasma mahantehi assasehi assasati, gattatopissa sedabinduni muncanti, 5- tamenam ubhosu passesu thatva yamakatalavantehi bijanti, buddhagaravena pana nipajjitum na ussahatiti idam sandhaya "mahassasi"ti vuttam. Imam gatham abhasiti raja bhojane amattannutaya kilamati, phasuviharam idanissa karissamiti cintetva abhasi. Manujassati sattassa. Kahapanasatanti patarase pannasam sayamase pannasanti evam kahapanasatam. Pariyapunitvati ranna saddhim thokam gantva "imam mangalaasim kassa dammi maharaja"ti. Asukassa namati vutte 6- so tam asim datva 7- nivattitva 8- dasabalassa santikam agamma vanditva thitakova "gatham vadatha bho gotama"ti vatva bhagavata vuttam pariyapunitvati attho. @Footnote: 1 cha.Ma., i. rasmiyo 2 cha.Ma., i. ayam patho na dissati 3 cha.Ma., i. ahampi te @4-4 cha.Ma. donapakakuranti donapakam kuram 5 cha.Ma. muccanti 6 cha.Ma., i. nama dehiti @7 Si., i. annassa datva 8 cha.Ma., i. ayam patho na dissatiThe Pali Atthakatha in Roman Character Volume 11 Page 145. http://84000.org/tipitaka/read/attha_page.php?book=11&page=145&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=3782&modeTY=2&pagebreak=1 http://84000.org/tipitaka/atthapali/rm_line.php?B=11&A=3782&modeTY=2&pagebreak=1#p145
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]