บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 108.
8-10. Kakudhasuttādivaṇṇanā [99-101] Aṭṭhame kakudho devaputatoti ayaṃ kira kolanagare mahāmog- gallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālakato brahmaloke uppajji. Tatrāpi naṃ kakudho brahmātveva jānanti. 1- Nandasīti tussi. 2- Kiṃ laddhāti tuṭṭhī nāma kiñci manāpaṃ labhitvā hoti, tasmā evamāha. Kiṃ jiyitthāti yassa 3- hi kiñci manāpaṃ cīvarādivatthu jiṇṇaṃ 4- hoti, so socati, tasmā evamāha. Aratī nābhikīratīti ukkaṇṭhikā 5- nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandijātassāti jātataṇhassa. Aghanti evarūpassa hi vaṭṭadukkhaṃ āgatameva hoti. "dukkhī sukhaṃ patthayatī"ti hi vuttaṃ. Iti aghajātassa nandi hoti, sukhapariṇāme 6- pana dukkhaṃ āgatamevāti nandijātassa aghaṃ hoti. Aṭṭhamaṃ. Navamaṃ vuttatthameva. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ. Dutiyo vaggo. --------- 3. Nānātitthiyavagga 1-2. Sivasuttādivaṇṇanā [102-103] Tatiyavaggassa paṭhamaṃ vuttatthameva. Dutiye paṭikaccevāti paṭhamaṃyeva. Akkhacchinnovajjhāyatīti akkhacchinno avajjhāyati, balavacittaṃ 7- cinteti. Dutiyagāthāya akkhacchinnovāti akkhacchinno viya. Dutiyaṃ. 3-4. Serīsuttādivaṇṇanā [104-105] Tatiye dāyakoti dānasīlo. Dānapatīti yaṃ dānaṃ demi, tassa pati hutvā demi, na dāso na sahāyo. Yo hi attanā madhuraṃ bhuñjati, @Footnote: 1 cha.Ma., i. sañjānanti 2 cha.Ma., i.tussasi 3 Sī. yo 4 Sī. cīvarādivatthu jiṇṇo @5 cha.Ma. ukkaṇṭhitā 6 cha.Ma. sukhavipariṇāmena 7 cha.Ma., i. balavacintanaṃThe Pali Atthakatha in Roman Character Volume 11 Page 108. http://84000.org/tipitaka/read/attha_page.php?book=11&page=108&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2827&pagebreak=1 http://84000.org/tipitaka/atthapali/rm_line.php?B=11&A=2827&pagebreak=1#p108
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]