ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๐๒.

      เต เฉตฺวา มจฺจุโน ชาลนฺติ เย รตฺตินฺทิวํ อินฺทฺริยูปสเม รตา, เต
ทุสฺสมาทหํ จิตฺตํ สมาทหนฺติ. เย จ สมาหิตจิตฺตา, เต จตุปจฺจยสนฺโตสํ
ปูเรนฺตา น กิลมนฺติ. เย สนฺตุฏฺฐา, เต สีลํ ปูเรนฺตา น  กิลมนฺติ. เย
สีเล ปติฏฺฐิตา สตฺต เสกฺขา, เต อริยา มจฺจุโน ชาลสงฺขาตํ กิเลสชาลํ
ฉินฺทิตฺวา คจฺฉนฺติ. ทุคฺคโมติ สพฺพเมตํ ๑- ภนฺเต, เย อินฺทฺริยูปสเม รตา, เต
ทุสฺสมาทหํ สมาทหนฺติ ฯเปฯ เย สีเล ปติฏฺฐิตา, เต มจฺจุโน ชาเล ๒- ฉินฺทิตฺวา
คจฺฉนฺติ, กึ น คมิสฺสนฺติ, ๓- อยํ ปน ทุคฺคโม ภควา วิสโม มคฺโคติ อาห.
ตตฺถ กิญฺจาปิ อริยมคฺโค เนว ทุคฺคโม น วิสโม, ปุพฺพภาคปฏิปทาย ปนสฺส
พหู ปริสฺสยา โหนฺติ. ตสฺมา เอวํ วุตฺโต. อวํสิราติ ญาณสิเรน อโธสิรา
หุตฺวา ปปตนฺติ. อริยมคฺคํ อาโรหิตุํ อสมตฺถตาเยว จ เต ๔- อนริยมคฺเค
ปตนฺตีติ จ วุจฺจนฺติ. อริยานํ สโม มคฺโคติ เสฺวว มคฺโค อริยานํ สโม
โหติ. วิสเม สมาติ วิสเม หิ ๕-  สตฺตกาเย สมาเยว. ฉฏฺฐํ.
                       ๗. ปญฺจาลจณฺฑสุตฺตวณฺณนา
     [๘๘] สตฺตเม สมฺพาเธติ นีวรณสมฺพาธํ กามคุณสมฺพาธนฺติ เทฺว
สมฺพาธา. เตสุ อิธ นีวรณสมฺพาธํ อธิปฺเปตํ. โอกาสนฺติ ฌานสฺเสตํ นามํ.
ปฏิลีนนิสโภติ ปฏิลีนเสฏฺโฐ. ปฏิลีนา นาม ปหีนมานา วุจฺจนฺติ. ๖- ยถาห:-
กถญฺจ ภิกฺขเว ภิกฺขุ ปฏิลีโน โหติ. อิธ ภิกฺขเว ภิกฺขุโน อสฺมิมาโน
ปหีโน โหติ อุจฺฉินฺนมูโล ตาลาวตฺถุกโต *- อนภาวํกโต อายตึ อนุปฺปาทธมฺโม"ติ. ๗-
ปจฺจลตฺถํสูติ ปฏิลภึสุ. สมฺมา ๘- เตติ เย นิพฺพานปตฺติยา สตึ ปฏิลภึสุ, เต
โลกุตฺตรสมาธินาปิ สุสมาหิตาติ มิสฺสกชฺฌานํ กถิตํ. สตฺตมํ.
                         ๘. ตายนสุตฺตวณฺณนา
       [๘๙] อฏฺฐเม ปุราณติตฺถกโรติ ปุพฺเพ ติตฺถกโร. เอตฺถ จ ติตฺถํ
นาม ทฺวาสฏฺฐี ทิฏฺฐิโย, ติตฺถกโร นาม ตาสํ อุปฺปาทโก สตฺถา. เสยฺยถีทํ?
@เชิงอรรถ:  ฉ.ม. สจฺจเมตํ     ฉ.ม., อิ. ชาลํ       ฉ.ม., อิ. คจฺฉิสฺสนฺติ
@ สี., อิ. อสมตฺถภาวโต.  ม. อสมตฺถตายเจเต      ฉ.ม. วิสเมปิ
@ ฉ.ม. ปฏิลีโน นาม ปหีนมาโน วุจฺจติ
@*-๗ ปาลิ. กาลา...องฺ. จตุกฺก ๒๑/๓๘/๔๖, ขุ. มหา.๒๙/๓๙๖/๒๖๘ (สฺยา)
@ สี. สุสมาหิตาติ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๐๒. http://84000.org/tipitaka/read/attha_page.php?book=11&page=102&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2668&modeTY=2&pagebreak=1 http://84000.org/tipitaka/atthapali/th_line.php?B=11&A=2668&modeTY=2&pagebreak=1#p102


จบการแสดงผล หน้าที่ ๑๐๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]