ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๐๐.

จาติ สมเณหิ อุปาเสวิตพฺพํ ๑- สมณูปานํ ๒- อฏฺฐตึสเภทํ กมฺมฏฺฐานํ, ตํ ๓-
สิกฺเขยฺย ภาเวยฺยาติ อตฺโถ. พหุสฺสุตานํ วา ภิกฺขูนํ อุปสงฺกมนํปิ ๔- สมณูปาสนํ,
ตํปิ "กึ ภนฺเต กุสลนฺ"ติอาทินา ปญฺหปุจฺฉเนน ปญฺญาพุทฺธตฺถํ ๕- สิกฺเขยฺย.
จิตฺตวูปสมสฺส จาติ อฏฺฐสมาปตฺติวเสน จ จิตฺตวูปสมํ สิกฺเขยฺย. อิติ เทวปุตฺเตน
ติสฺโส สิกฺขา กถิตา โหนฺติ. ปุริมปเทน หิ อธิสีลสิกฺขา กถิตา, ทุติยปเทน
อธิปญฺญาสิกฺขา, จิตฺตวูปสเมน อธิจิตฺตสิกฺขาติ เอวํ อิมาย คาถาย สกลํปิ สาสนํ
ปกาสิตเมว โหติ. ปฐมํ.
                       ๒. ทุติยกสฺสปสุตฺตวณฺณนา
     [๘๓] ทุติเย ฌายีติ ทฺวีหิ ฌาเนหิ ฌายี. วิมุตฺตจิตฺโตติ กมฺมฏฺฐานวิมุตฺติยา
วิมุตฺตจิตฺโต. หทยสฺสานุปตฺตินฺติ อรหตฺตํ. โลกสฺสาติ สงฺขารโลกสฺส.
อนิสฺสิโตติ ตณฺหาทิฏฺฐีหิ อนิสฺสิโต, ตณฺหาทิฏฺฐิโย วา อนิสฺสิโต. ตทานิสํโสติ
อรหตฺตานิสํโส. อิทํ วุตฺตํ โหติ:- อรหตฺตานิสํโส ภิกฺขุ อรหตฺตํ ปตฺเถนฺโต
ฌายี ภเวยฺย, สุวิมุตฺตจิตฺโต ภเวยฺย, โลกสฺส อุทยพฺพยํ ญตฺวา อนิสฺสิโต
ภเวยฺย. ตนฺติธมฺโม ปน อิมสฺมึ สาสเน สพฺพปุพฺพภาโคติ. ๖- ทุติยํ.
                       ๓-๔. มาฆสุตฺตาทิวณฺณนา
     [๘๔-๘๕]  ตติเย มาโฆติ สกฺกสฺเสตํ นามํ. เสฺวว วตฺเตน ๗- อญฺญํ ๘-
อภิภวิตฺวา เทวิสฺสริยํ ปตฺโตติ วตฺรภู, วตฺรนามกํ วา อสุรํ อภิภวตีติ วตฺรภู.
ตติยํ. จตุตฺถํ วุตฺตตฺถเมว. จตุตฺถํ.
                         ๕. ทามลิสุตฺตวณฺณนา
     [๘๖] ปญฺจเม น เตนาสีสเต ภวนฺติ เตน การเณน ยํกิญฺจิ ภวํ น
ปตฺเถติ. อายตฺตปคฺคาโห ๙- นาเมส เทวปุตฺโต, ขีณาสวสฺส กิจฺจโวสานํ นตฺถิ.
ขีณาสเวน หิ  อาทิโต อรหตฺตปฺปตฺติยา วิริยํ กตํ, อปรภาเค มยา อรหตฺตํ
@เชิงอรรถ:  ฉ.ม., อิ. อุปาสิตพฺพํ     ฉ.ม. สมญูปาสนํ นาม    ฉ.ม., อิ. ตมฺปิ
@ ฉ.ม. อุปาสนมฺปิ, อิ. อุปาสนํ  ฉ.ม. ปญฺญาวุทฺธตฺถํ   ฉ.ม. ปุพฺพภาโคติ
@ ฏีกา. วเตน   ฉ.ม., อิ. อญฺเญ
@ ฉ.ม. อายตปคฺคโห, สี. อายติปคฺคโห, อิ. อยนปคฺคโห



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๐๐. http://84000.org/tipitaka/read/attha_page.php?book=11&page=100&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2616&modeTY=2&pagebreak=1 http://84000.org/tipitaka/atthapali/th_line.php?B=11&A=2616&modeTY=2&pagebreak=1#p100


จบการแสดงผล หน้าที่ ๑๐๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]