บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 10 : PALI ROMAN Ma.A. (papaca.4) Page 224.
Dukkhe nananti savanasammasanapativedhananam, tatha dukkhasamudaye. Dukkhanirodhe savanapativedhananam vattati, tatha dukkhanirodhagaminiya patipadaya. Nekkhammasankappadisu kamapaccanikatthena kamato nissatabhavena va, kamam sammasantassa uppannoti va, kamapadaghatam kamavupasamam karonto uppannoti va, kamavivittante uppannoti va nekkhammasankapPo. Sesapadadvayepi eseva nayo. Sabbepi cete pubbabhage nanacittesu, maggakkhane ekacitte labbhanti. Tatra hi micchasankappacetanaya samugghatako ekova sankappo labbhati, na nana labbhati. Sammavacadayopi pubbabhage nanacittesu, vuttanayeneva maggakkhane ekacitte labbhanti. Ayamettha sankhepo, vittharena pana saccakathavisuddhimagge ca sammaditthisutte 1- ca vuttayevati. Papancasudaniya majjhimanikayatthakathaya saccavibhangasuttavannana nitthita. ---------------- 12. Dakkhinavibhangasuttavannana [376] Evamme sutanti dakkhinavibhangasuttam. Tattha mahapajapatigotamiti gottam. Namakaranadivase panassa laddhasakkara brahmana lakkhanasampattim disva "sace ayam dhitaram labhissati, cakkavattiranno aggamahesi bhavissati sace puttam labhissati, cakkavattiraja bhavissatiti ubhayathapi mahatiyevassa paja bhavissati"ti byakarimsu. Athassa mahapajapati namam akamsu. Idha pana gottena saddhim samsanditva mahapajapatigotamiti vuttam. Navanti ahatam. Samam vayitanti sahattheneva vayitam. Ekadivasam pana dhatiganaparivuta sippikanam vayanatthanam agantva vemakotim gahetva vayanakaram akasi. Tam sandhayetam vuttam. Kada pana gotamiya bhagavato dussayugam datum cittam uppannanti. Abhisambodhim patva pathamagamanena kapilapuram agatakale. Tathahi pindaya pavittham @Footnote: 1 Ma.mu. 12/89 adi/63The Pali Atthakatha in Roman Character Volume 10 Page 224. http://84000.org/tipitaka/read/attha_page.php?book=10&page=224&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=10&A=5697&modeTY=2&pagebreak=1 http://84000.org/tipitaka/atthapali/rm_line.php?B=10&A=5697&modeTY=2&pagebreak=1#p224
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]