|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 34 : PALI ROMAN Sutta Pitaka Vol 26 : Abhi. Dhammasaṅgaṇi
[748] Katame dhamma nivarana cha nivaranani kamacchandanivaranam byapadanivaranam thinamiddhanivaranam uddhaccakukkuccanivaranam vicikicchanivaranam avijjanivaranam. [749] Tattha katamam kamacchandanivaranam yo kamesu kamacchando kamarago kamanandi kamatanha kamasineho kamaparilaho kamamuccha kamajjhosanam idam vuccati kamacchandanivaranam. [750] Tattha katamam byapadanivaranam anattham me acariti aghato jayati anattham me caratiti aghato jayati anattham me carissatiti aghato jayati piyassa me manapassa anattham acari .pe. Anattham carati .pe. Anattham carissatiti aghato jayati appiyassa me amanapassa attham acari .pe. Attham Carati .pe. attham carissatiti aghato jayati atthane va pana aghato jayati yo evarupo cittassa aghato patighato patigham pativirodho kopo pakopo sampakopo doso padoso sampadoso cittassa byapatti manopadoso kodho kujjhana kujjhitattam doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa idam vuccati byapadanivaranam. [751] Tattha katamam thinamiddhanivaranam atthi thinam atthi middham . Tattha katamam thinam ya cittassa akalyata akammannata oliyana salliyana linam liyana liyitattam thinam thiyana thiyitattam cittassa idam vuccati thinam . tattha katamam middham ya kayassa akalyata akammannata onaho pariyonaho antosamorodho middham soppam pacalayika soppam supana supitattam idam vuccati middham . iti idanca thinam idanca middham. Idam vuccati thinamiddhanivaranam. [752] Tattha katamam uddhaccakukkuccanivaranam atthi uddhaccam atthi kukkuccam . tattha katamam uddhaccam yam cittassa uddhaccam avupasamo cetaso vikkhepo bhantattam cittassa idam vuccati uddhaccam . Tattha katamam kukkuccam akappiye kappiyasannita kappiye akappiyasannita avajje vajjasannita vajje avajjasannita yam evarupam kukkuccam kukkuccayana kukkuccayitattam cetaso vippatisaro manovilekho Idam vuccati kukkuccam . iti idanca uddhaccam idanca kukkuccam. Idam vuccati uddhaccakukkuccanivaranam. [753] Tattha katamam vicikicchanivaranam satthari kankhati vicikicchati dhamme kankhati vicikicchati sanghe kankhati vicikicchati sikkhaya kankhati vicikicchati pubbante kankhati vicikicchati aparante kankhati vicikicchati pubbantaparante kankhati vicikicchati idappaccayatapaticcasamuppannesu dhammesu kankhati vicikicchati ya evarupa kankha kankhayana kankhayitattam vimati vicikiccha dvelhakam dvedhapatho samsayo anekamsagaho asappana parisappana apariyogahana thambhitattam cittassa manovilekho idam vuccati vicikicchanivaranam. [754] Tattha katamam avijjanivaranam dukkhe annanam dukkhasamudaye annanam dukkhanirodhe annanam dukkhanirodhagaminiya patipadaya annanam pubbante annanam aparante annanam pubbantaparante annanam idappaccayatapaticcasamuppannesu dhammesu annanam yam evarupam annanam adassanam anabhisamayo ananubodho asambodho appativedho asangahana apariyogahana asamapekkhana appaccavekkhana appaccakkhakammam dummejjham balyam asampajannam moho pamoho sammoho avijja avijjogho avijjayogo avijjanusayo avijjapariyutthanam avijjalangi moho akusalam idam vuccati avijjanivaranam. Ime dhamma nivarana. [755] Katame dhamma nonivarana te dhamme thapetva avasesa kusalakusalabyakata dhamma kamavacara rupavacara arupavacara apariyapanna vedanakkhandho .pe. vinnanakkhandho sabbanca rupam asankhata ca dhatu ime dhamma nonivarana. [756] Katame dhamma nivaraniya sasava kusalakusalabyakata dhamma kamavacara rupavacara arupavacara rupakkhandho .pe. Vinnanakkhandho ime dhamma nivaraniya . katame dhamma anivaraniya apariyapanna magga ca maggaphalani ca asankhata ca dhatu ime dhamma anivaraniya. [757] Katame dhamma nivaranasampayutta tehi dhammehi ye dhamma sampayutta vedanakkhandho .pe. vinnanakkhandho ime dhamma nivaranasampayutta . katame dhamma nivaranavippayutta tehi dhammehi ye dhamma vippayutta vedanakkhandho .pe. vinnanakkhandho sabbanca rupam asankhata ca dhatu ime dhamma nivaranavippayutta. [758] Katame dhamma nivaranacevanivaraniyaca taneva nivaranani nivaranacevanivaraniyaca . katame dhamma nivaraniyacevanocanivarana tehi dhammehi ye dhamma nivaraniya te dhamme thapetva avasesa sasava kusalakusalabyakata dhamma kamavacara rupavacara arupavacara rupakkhandho .pe. Vinnanakkhandho ime dhamma nivaraniyacevanocanivarana. [759] Katame dhamma nivaranacevanivaranasampayuttaca kamacchandanivaranam avijjanivaranena nivaranancevanivaranasampayuttanca avijjanivaranam kamacchandanivaranena nivaranancevanivaranasampayuttanca byapadanivaranam avijjanivaranena nivaranancevanivaranasampayuttanca avijjanivaranam byapadanivaranena nivaranancevanivaranasampayuttanca thinamiddhanivaranam avijjanivaranena nivaranancevanivaranasampayuttanca avijjanivaranam thinamiddhanivaranena nivaranancevanivaranasampayuttanca uddhaccanivaranam avijjanivaranena nivaranancevanivaranasampayuttanca avijjanivaranam uddhaccanivaranena nivaranancevanivaranasampayuttanca kukkuccanivaranam avijjanivaranena nivaranancevanivaranasampayuttanca avijjanivaranam kukkuccanivaranena nivaranancevanivaranasampayuttanca vicikicchanivaranam avijjanivaranena nivaranancevanivaranasampayuttanca avijjanivaranam vicikicchanivaranena nivaranancevanivaranasampayuttanca {759.1} kamacchandanivaranam uddhaccanivaranena nivarananceva- nivaranasampayuttanca uddhaccanivaranam kamacchandanivaranena nivarananceva- nivaranasampayuttanca byapadanivaranam uddhaccanivaranena nivarananceva- nivaranasampayuttanca uddhaccanivaranam byapadanivaranena nivarananceva- nivaranasampayuttanca thinamiddhanivaranam uddhaccanivaranena nivarananceva- nivaranasampayuttanca uddhaccanivaranam thinamiddhanivaranena nivarananceva- nivaranasampayuttanca kukkuccanivaranam uddhaccanivaranena nivaranancevanivaranasampayuttanca Uddhaccanivaranam kukkuccanivaranena nivaranancevanivaranasampayuttanca vicikicchanivaranam uddhaccanivaranena nivaranancevanivaranasampayuttanca uddhaccanivaranam vicikicchanivaranena nivaranancevanivaranasampayuttanca avijjanivaranam uddhaccanivaranena nivaranancevanivaranasampayuttanca uddhaccanivaranam avijjanivaranena nivaranancevanivaranasampayuttanca ime dhamma nivaranacevanivaranasampayuttaca . katame dhamma nivaranasampayuttacevanocanivarana tehi dhammehi ye dhamma sampayutta te dhamme thapetva vedanakkhandho .pe. vinnanakkhandho ime dhamma nivaranasampayuttacevanocanivarana. [760] Katame dhamma nivaranavippayutta nivaraniya tehi dhammehi ye dhamma vippayutta sasava kusalabyakata dhamma kamavacara rupavacara arupavacara rupakkhandho .pe. vinnanakkhandho ime dhamma nivaranavippayutta nivaraniya . katame dhamma nivaranavippayutta anivaraniya apariyapanna magga ca maggaphalani ca asankhata ca dhatu ime dhamma nivaranavippayutta anivaraniya. ------------The Pali Tipitaka in Roman Character Volume 34 page 295-300. https://84000.org/tipitaka/pitaka_item/roman_read.php?B=34&A=5931&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=34&A=5931&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=34&item=748&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=34&siri=59 Study Atthakatha :- https://84000.org/tipitaka/attha/attha.php?b=34&i=748 The Pali Atthakatha in Thai :- https://84000.org/tipitaka/atthapali/read_th.php?B=53&A=10827 The Pali Atthakatha in Roman :- https://84000.org/tipitaka/atthapali/read_rm.php?B=53&A=10827 Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]