TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

           |123.81| Devamanussarajjani           suttaso anusasiya
                            baranasisamasanne        jato keniyajatiya.
           |123.82| Satasahassaparivaro            sapajapatiko aham
                            pancapaccekabuddhanam       satani samupatthahim.
           |123.83| Temasam bhojayitvana         acchadampi 2- ticivaram
                            tato cuta mayam sabbe       ahumha tidasupaga.
           |123.84| Puno sabbe manussattam     agatamha tato cuta
                            kukkutamhi pure jata       himavantassa passato.
@Footnote: 1 Ma. muditasayo. 2 Po. acchadimhi .  Ma. pacchadamha. Yu. pacchadammi.
---------------------------------------------------------------------------------------------
page188.
           |123.85| Kappino namaham asim        rajaputto mahayaso
                            sesamaccakule jata        mameva parivarayum.
           |123.86| Maharajjasukham patto           sabbakamasamiddhimo 1-
                            vanijehi samakkhatam          buddhuppadamaham sunim.
           |123.87| Buddho loke samuppanno   asamo ekapuggalo
                            so pakaseti saddhammam       amatam sukhamuttamam.
           |123.88| Suyutta tassa sissa ca     sumutta ca anasava
                            sutva nesampi 2- vacanam       sakkaritvana vanije.
           |123.89| Pahaya 3- rajjam samacco   nikkhamim buddhamamako
                            nadim disva mahacandam       puritam samatittikam.
           |123.90| Appatittham analambam        duttaram sighabahinim
                            gunam saritva buddhassa        sotthina samatikkamim.
           |123.91| Bhavasotam sace buddho           tinno lokantagu vidu
                            etena saccavajjena           gamanam me samijjhatu.
           |123.92| Yadi santigamo maggo        mokkhadam 4- santikam sukham
                            etena saccavajjena           gamanam me samijjhatu.
           |123.93| Sangho ce tinnakantaro   punnakhetto anuttaro
                            etena saccavajjena           gamanam me samijjhatu.
           |123.94| Saha kate saccavare              magga apagatam jalam
                            tato sukhena uttinno      naditire manorame.
@Footnote: 1 Ma. Yu. ...dhima. 2 Ma. Yu. suvacanam. 3 Yu. vihaya. 4 Yu. ca santikam.
---------------------------------------------------------------------------------------------
page189.
           |123.95| Nisinnam addasam buddham        udentamva pabhankaram
                            jalantam hemaselamva             diparukkhamva jotitam.
           |123.96| Sasimva 1- tarasahitam          savakehi purakkhatam
                            vasavam viya vassantam            devena 2- jananandanam.
           |123.97| Vanditvana sahamacco      ekamantam upavisim
                            tato 3- ajjhasayam natva buddho dhammamadesayi.
           |123.98| Sutvana dhammam vimalam           avocumha mayam jinam
                            pabbajehi mahavira          otinnamha 4- bhave mayam.
           |123.99| Svakkhato bhikkhave dhammo  dukkhantassa 5- karaya vo
                           caratha brahmacariyam               iccaha muni sattamo.
           |123.100| Saha vacaya sabbepi       bhikkhuvesadhara mayam
                              ahumha upasampanna      sotapannava sasane.
           |123.101| Tato jetavanam gantva      anusasi vinayako
                              anusittho jinenaham        arahattam apapunim.
           |123.102| Tato bhikkhusahassani       anusasimaham tada
                              mamanusasanakara           tepi  asum anasava.
           |123.103| Jino tasmim gune tuttho    etadagge thapesi mam
                              bhikkhuovadakanaggo      kappinoti mahajane 6-.
           |123.104| Satasahasse katam kammam      phalam dassesi me idha
                              sumutto saravegova           kilese jhapayim mama.
@Footnote: 1 Po. sasamva. Yu. sasiva. 2 Ma. desana jaladantaram. Yu. desana jalanandanam.
@3 Ma. Yu. tato no asayam. 4 Ma. nibbindamha. Yu. nibbinnamha. 5 Ma. Yu.
@dukkhantakaranaya vo. 6 Yu. mahajino.
---------------------------------------------------------------------------------------------
page190.
           |123.105| Kalesa jhapita mayham    bhava sabbe samuhata
                             nagova bandhanam chetva     viharami anasavo.
           |123.106| Svagatam vata me asi       mama buddhassa santike
                              tisso vijja anuppatta  katam buddhassa sasanam.
           |123.107| Patisambhida catasso       vimokkhapica atthime
                             chalabhinna sacchikata      katam buddhassa sasananti.
   Ittham sudam ayasma mahakappino thero ima gathayo abhasitthati.
                             Mahakappinattherassa apadanam samattam.


             The Pali Tipitaka in Roman Character Volume 33 page 187-190.
https://84000.org/tipitaka/pitaka_item/roman_read.php?B=33&A=3707&w=suttaso&modeTY=2&pagebreak=1
             Compare with The Pali Tipitaka in Thai Character :-
https://84000.org/tipitaka/pitaka_item/pali_read.php?B=33&A=3707&modeTY=2&pagebreak=1
             Compare with The Royal Version of Thai Tipitaka :-
https://84000.org/tipitaka/read/byitem.php?book=33.1&item=123&items=1
             Compare with The MCU Version of Thai Tipitaka :-
https://84000.org/tipitaka/pitaka_item/m_siri.php?B=33&siri=123
             Study Atthakatha :-
https://84000.org/tipitaka/attha/attha.php?b=33&i=123
             The Pali Atthakatha in Thai :-
https://84000.org/tipitaka/atthapali/read_th.php?B=50&A=5748
             The Pali Atthakatha in Roman :-
https://84000.org/tipitaka/atthapali/read_rm.php?B=50&A=5748
             Contents of The Tipitaka Volume 33
https://84000.org/tipitaka/read/?index_33
https://84000.org/tipitaka/english/?index_33