PaliRoman Vol.21

page190.

Catutthapannasako indriyavaggo pathamo [151] Cattarimani bhikkhave indriyani katamani cattari saddhindriyam viriyindriyam samadhindriyam pannindriyam ^1- imani kho bhikkhave cattari indriyaniti. [152] Cattarimani bhikkhave balani katamani cattari saddhabalam viriyabalam samadhibalam pannabalam ^2- imani kho bhikkhave cattari balaniti. [153] Cattarimani bhikkhave balani katamani cattari pannabalam viriyabalam anavajjabalam sangahakabalam ^3- imani kho bhikkhave cattari balaniti. [154] Cattarimani bhikkhave balani katamani cattari satibalam samadhibalam anavajjabalam sangahakabalam imani kho bhikkhave cattari balaniti. [155] Cattarimani bhikkhave balani katamani cattari patisankhanabalam bhavanabalam anavajjabalam sangahakabalam imani kho bhikkhave cattari balaniti. [156] Cattarimani bhikkhave kappassa asankheyyani katamani cattari yada bhikkhave kappo samvatto ^4- titthati ^5- tam na sukaram @Footnote: ¹ Ma. Yu. satindriyam. ² Ma. Yu. satibalam. ³ Ma. sangahabalam. Yu. sangahabalam. @Yu. samvattati. ⁵ Ma. Yu. ayam patho natthi.

--------------------------------------------------------------------------------------------- page191.

Sankhatum ettakani vassaniti va ettakani vassasataniti va ettakani vassasahassaniti va ettakani vassasatasahassaniti va yada bhikkhave kappo samvattatthayi ^1- titthati tam na sukaram sankhatum ettakani vassaniti va ettakani vassasataniti va ettakani vassasahassaniti va ettakani vassasatasahassaniti va yada bhikkhave kappo vivatto ^2- titthati tam na sukaram sankhatum ettakani vassaniti va ettakani vassasataniti va ettakani vassasahassaniti va ettakani vassasatasahassaniti va yada bhikkhave kappo vivattatthayi ^3- titthati tam na sukaram sankhatum ettakani vassaniti va ettakani vassasataniti va ettakani vassasahassaniti va ettakani vassasatasahassaniti va imani kho bhikkhave cattari kappassa asankheyyaniti. [157] Dveme bhikkhave roga katame dve kayiko ca rogo cetasiko ca rogo dissanti bhikkhave satta kayikena rogena ekampi vassam arogam ^4- patijanamana dvepi vassani arogam patijanamana tinipi vassani arogam patijanamana cattaripi vassani arogam patijanamana pancapi vassani arogam patijanamana dasapi vassani arogam patijanamana visampi vassani arogam patijanamana timsampi vassani arogam patijanamana cattalisampi vassani arogam patijanamana pannasampi vassani arogam patijanamana vassasatampi bhiyyopi arogam @Footnote: ¹ Ma. Yu. samvatto. ² Ma. Yu. vivattati. ³ Ma. Yu. vivatto. ⁴ Ma. Yu. @ arogyam. ito param idisameva.

--------------------------------------------------------------------------------------------- page192.

Patijanamana . te bhikkhave satta dullabha ^1- lokasmim ye cetasikena rogena muhuttampi arogam patijananti annatra khinasavehi. {157.1} Cattarome bhikkhave pabbajitassa roga katame cattaro idha bhikkhave bhikkhu mahiccho hoti vighatava asantuttho itaritaracivarapindapatasenasanagilanapaccayabhesajjaparikkharena so mahiccho samano vighatava asantuttho itaritaracivarapindapata- senasanagilanapaccayabhesajjaparikkharena papikam iccham panidahati anavannapatilabhaya ^2- labhasakkarasilokapatilabhaya so utthahati ghatati vayamati anavannapatilabhaya labhasakkarasilokapatilabhaya so sankhaya kulani upasankamati sankhaya nisidati sankhaya dhammam bhasati sankhaya uccarapassavam sandhareti ime kho bhikkhave cattaro pabbajitassa roga. {157.2} Tasmatiha bhikkhave evam sikkhitabbam na mahiccha bhavissama vighatacitta ^3- asantuttha itaritaracivarapindapatasenasanagilanapaccaya- bhesajjaparikkharena na papikam iccham panidahissama anavannapatilabhaya labhasakkarasilokapatilabhaya na utthahissama na ghatayissama na vayamissama anavannapatilabhaya labhasakkarasilokapatilabhaya khama bhavissama sitassa unhassa jighacchaya pipasaya damsamakasavatatapa- sirimsapasamphassanam duruttanam duragatanam vacanapathanam uppannanam saririkanam vedananam dukkhanam tibbanam kharanam katukanam asatanam amanapanam panaharanam adhivasakajatika bhavissamati evam hi vo @Footnote: ¹ Po. Ma. sdullabha. ² Po. anavajjannapatilabhaya. ito param idisameva. @³ Ma. Yu. vighatavanto.

--------------------------------------------------------------------------------------------- page193.

Bhikkhave sikkhitabbanti. [158] Tatra kho ayasma sariputto bhikkhu amantesi avuso bhikkhavoti . avusoti kho te bhikkhu ayasmato sariputtassa paccassosum . ayasma sariputto etadavoca yo hi koci avuso bhikkhu va bhikkhuni va cattaro dhamme attani samanupassati nitthamettha gantabbam parihayami kusalehi dhammehi parihanametam vuttam bhagavata katame cattaro ragavepullatam ^1- dosavepullatam mohavepullatam gambhiresu kho panassa thanathanesu pannacakkhum nakkamati yo hi koci avuso bhikkhu va bhikkhuni va ime cattaro dhamme attani samanupassati nitthamettha gantabbam parihayami kusalehi dhammehi parihanametam vuttam bhagavata yo hi koci avuso bhikkhu va bhikkhuni va cattaro dhamme attani samanupassati nitthamettha gantabbam na parihayami kusalehi dhammehi aparihanametam vuttam bhagavata katame cattaro ragatanuttam dosatanuttam mohatanuttam gambhiresu kho panassa thanathanesu pannacakkhum kamati yo hi koci avuso bhikkhu va bhikkhuni va ime cattaro dhamme attani samanupassati nitthamettha gantabbam na parihayami kusalehi dhammehi aparihanametam vuttam bhagavatati. [159] Ekam samayam ayasma anando kosambiyam viharati @Footnote: ¹ Ma. ragavepullattam ... mohavepullattam.

--------------------------------------------------------------------------------------------- page194.

Ghositarame . athakho annatara bhikkhuni annataram purisam amantesi ehi tvam ambho purisa yena ayyo anando tenupasankama upasankamitva mama vacanena ayyassa anandassa pade sirasa vanda itthannama bhante bhikkhuni abadhikini dukkhita balhagilana sa ^1- ayyassa ^2- anandassa pade sirasa vandatiti evanca vadehi sadhu kira bhante ayyo anando yena bhikkhunupassayo yena sa bhikkhuni tenupasankamatu anukampam upadayati . evam ayyeti kho so puriso tassa bhikkhuniya patissunitva yenayasma anando tenupasankami upasankamitva ayasmantam anandam abhivadetva ekamantam nisidi ekamantam nisinno kho so puriso ayasmantam anandam etadavoca itthannama bhante bhikkhuni abadhikini dukkhita balhagilana sa ayyassa anandassa pade sirasa vandati evanca vadeti sadhu kira bhante ayyo ^3- anando yena bhikkhunupassayo yena sa bhikkhuni tenupasankamatu anukampam upadayati. Adhivasesi kho ayasma anando tunhibhavena. {159.1} Athakho ayasma anando pubbanhasamayam ^4- nivasetva pattacivaramadaya yena bhikkhunupassayo tenupasankami . addasa kho sa bhikkhuni ayasmantam anandam duratova agacchantam disva sasisam parupitva mancake nipajji . athakho ayasma anando yena sa bhikkhuni tenupasankami upasankamitva pannatte asane nisidi . @Footnote: ¹ Yu. ayam patho natthi . ² Ma. ayasmato. ito param idisameva. @³ Po. Ma. ayasma . ⁴ Ma. Yu. ayam patho natthi.

--------------------------------------------------------------------------------------------- page195.

Nisajja kho ayasma anando tam bhikkhunim etadavoca aharasambhuto ayam bhagini kayo aharam nissaya aharo pahatabbo tanhasambhuto ayam bhagini kayo tanham nissaya tanha pahatabba manasambhuto ayam bhagini kayo manam nissaya mano pahatabbo methunasambhuto ayam bhagini kayo methuno pahatabbo ^1- methuno ^2- setughato vutto bhagavata. {159.2} Aharasambhuto ayam bhagini kayo aharam nissaya aharo pahatabboti iti kho panetam vuttam kincetam paticca vuttam idha bhagini bhikkhu patisankha yoniso aharam ahareti neva davaya na madaya na mandanaya na vibhusanaya yavadeva imassa kayassa thitiya yapanaya vihimsuparatiya brahmacariyanuggahaya iti purananca vedanam patihankhami navanca vedanam na uppadessami yatra ca me bhavissati anavajjata ca phasuviharo cati so aparena samayena aharam nissaya aharam pajahati aharasambhuto ayam bhagini kayo aharam nissaya aharo pahatabboti iti yantam vuttam idametam paticca vuttam. {159.3} Tanhasambhuto ayam bhagini kayo tanham nissaya tanha pahatabbati iti kho panetam vuttam kincetam paticca vuttam idha bhagini bhikkhu sunati itthannamo kira bhikkhu asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti tassa evam hoti kadassu ^3- nama @Footnote: ¹ Ma. Yu. ayam patho natthi. ² Ma. methune ca. Yu. methuno ca. @³ Ma. Yu. kudassu nama.

--------------------------------------------------------------------------------------------- page196.

Ahampi asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharissamiti so aparena samayena tanham nissaya tanham pajahati tanhasambhuto ayam bhagini kayo tanham nissaya tanha pahatabbati iti yantam vuttam idametam paticca vuttam. {159.4} Manasambhuto ayam bhagini kayo manam nissaya mano pahatabboti iti kho panetam vuttam kincetam paticca vuttam idha bhagini bhikkhu sunati itthannamo kira bhikkhu asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti tassa evam hoti so hi nama ayasma asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharissati kimangam panahanti so aparena samayena manam nissaya manam pajahati manasambhuto ayam bhagini kayo manam nissaya mano pahatabboti iti yantam vuttam idametam paticca vuttam. {159.5} Methunasambhuto ayam bhagini kayo methuno pahatabbo methuno setughato vutto bhagavatati . athakho sa bhikkhuni mancaka vutthahitva ekamsam uttarasangam karitva ayasmato anandassa padesu sirasa nipatitva ayasmantam anandam etadavoca accayo mam bhante accagama yathabalam yathamulham yathaakusalam yaham evamakasim tassa me bhante ayyo anando accayam accayato patigganhatu

--------------------------------------------------------------------------------------------- page197.

Ayatim samvarayati . taggha tam ^1- bhagini accayo accagama yathabalam yathamulham yathaakusalam ya tvam evamakasi yato ca kho tvam bhagini accayam accayato disva yathadhammam patikarosi tante mayam patigganhama vuddhihesa bhagini ariyassa vinaye ya ^2- accayam accayato disva yathadhammam patikaroti ayatim samvaram apajjatiti. [160] Sugato va bhikkhave loke titthamano sugatavinayo va tadassa bahujanahitaya bahujanasukhaya lokanukampaya atthaya hitaya sukhaya devamanussanam katamo ca bhikkhave sugato idha bhikkhave tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ayam bhikkhave sugato. {160.1} Katamo ca bhikkhave sugatavinayo so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti ayam bhikkhave sugatavinayo . evam ^3- sugato va bhikkhave loke titthamano sugatavinayo va tadassa bahujanahitaya bahujanasukhaya lokanukampaya atthaya hitaya sukhaya devamanussanam ^4-. Cattarome bhikkhave dhamma saddhammassa sammosaya antaradhanaya samvattanti katame cattaro idha bhikkhave bhikkhu duggahitam suttantam pariyapunanti dunnikkhittehi padabyanjanehi dunnikkhittassa bhikkhave @Footnote: ¹ Yu. tvam. ² Po. Ma. Yu. yo. ³ Yu. evamsaddo natthi. ⁴ Po. Ma. @ devamanussananti.

--------------------------------------------------------------------------------------------- page198.

Padabyanjanassa atthopi dunnayo hoti ayam bhikkhave pathamo dhammo saddhammassa sammosaya antaradhanaya samvattati. {160.2} Puna caparam bhikkhave bhikkhu dubbaca honti dovacassakaranehi dhammehi samannagata akkhama appadakkhinaggahino anusasanim ayam bhikkhave dutiyo dhammo saddhammassa sammosaya antaradhanaya samvattati. {160.3} Puna caparam bhikkhave ye te bhikkhu bahussuta agatagama dhammadhara vinayadhara matikadhara te na sakkaccam suttantam param vacenti tesam accayena chinnamulako suttanto hoti appatissarano ayam bhikkhave tatiyo dhammo saddhammassa sammosaya antaradhanaya samvattati. {160.4} Puna caparam bhikkhave thera bhikkhu bahullika honti sathalika okkamane pubbangama paviveke nikkhittadhura na viriyam arabhanti appattassa pattiya anadhigatassa adhigamaya asacchikatassa sacchikiriyaya tesam pacchima janata ditthanugatim apajjati sapi hoti bahullika sathalika okkamane pubbangama paviveke nikkhittadhura na viriyam arabhati appattassa pattiya anadhigatassa adhigamaya asacchikatassa sacchikiriyaya ayam bhikkhave catuttho dhammo saddhammassa sammosaya antaradhanaya samvattati . ime kho bhikkhave cattaro dhamma saddhammassa sammosaya antaradhanaya samvattanti ^1-. {160.5} Cattarome bhikkhave dhamma saddhammassa thitiya asammosaya anantaradhanaya samvattanti katame cattaro idha bhikkhave bhikkhu suggahitam suttantam pariyapunanti sunikkhittehi padabyanjanehi sunikkhittassa bhikkhave padabyanjanassa atthopi @Footnote: ¹ Po. Ma. Yu. samvattantiti.

--------------------------------------------------------------------------------------------- page199.

Sunayo hoti ayam bhikkhave pathamo dhammo saddhammassa thitiya asammosaya anantaradhanaya samvattati. {160.6} Puna caparam bhikkhave bhikkhu suvaca honti sovacassakaranehi dhammehi samannagata khama padakkhinaggahino anusasanim ayam bhikkhave dutiyo dhammo saddhammassa thitiya asammosaya anantaradhanaya samvattati. {160.7} Puna caparam bhikkhave ye te bhikkhu bahussuta agatagama dhammadhara vinayadhara matikadhara te sakkaccam suttantam param vacenti tesam accayena acchinnamulako suttanto hoti sappatissarano ayam bhikkhave tatiyo dhammo saddhammassathitiya asammosaya anantaradhanaya samvattati. {160.8} Puna caparam bhikkhave thera bhikkhu na bahullika honti na sathalika okkamane nikkhittadhura paviveke pubbangama viriyam arabhanti appattassa pattiya anadhigatassa adhigamaya asacchikatassa sacchikiriyaya tesam pacchima janata ditthanugatim apajjati sapi hoti na bahullika na sathalika okkamane nikkhittadhura paviveke pubbangama viriyam arabhati appattassa pattiya anadhigatassa adhigamaya asacchikatassa sacchikiriyaya ayam bhikkhave catuttho dhammo saddhammassa thitiya asammosaya anantaradhanaya samvattati . ime kho bhikkhave cattaro dhamma saddhammassa thitiya asammosaya anantaradhanaya samvattantiti. Indriyavaggo pathamo ^[1]- ------------ @Footnote: ¹ Ma. indriyani saddha panna satisankhanapancamam @ kappo rogo parihani bhikkhuni sugatena cati.