บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[118] Atha kho ayasma bahiyo yena bhagava tenupasankami .pe. Ekamantam nisinno kho ayasma bahiyo bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti. {118.1} Tam kim mannasi bahiya cakkhum niccam va aniccam vati. Aniccam bhante . yam pananiccam dukkham va tam sukham vati. Dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante. Rupa nicca va anicca vati . anicca bhante . cakkhuvinnanam cakkhusamphasso .pe. Yampidam cakkhusamphassapaccaya uppajjati vedayitam sukham va dukkham va adukkhamasukham va tampi niccam va aniccam vati . aniccam bhante. Yam pananiccam dukkham va tam sukham vati. {118.2} Dukkham bhante . yam pananiccam dukkham viparinamadhammam kallam @Footnote: 1 Yu. ahosi paccapadi dhammassa candhammam na ca mam dhammadhikaranam vihesesi. @2 Ma. paccapadi dhammassanudhammam na ca mam dhammadhikaranam vihethesi. Nu tam samanupassitum etam mama esohamasmi eso me attati . No hetam bhante . evam passam bahiya sutava ariyasavako cakkhusmimpi nibbindati cakkhuvinnanepi nibbindati cakkhusamphassepi nibbindati .pe. yampidam manosamphassapaccaya uppajjati vedayitam sukham va dukkham va adukkhamasukham va tasmimpi nibbindati nibbindam virajjati viraga vimuccati . vimuttasmim vimuttamiti nanam hoti . khina jati vusitam brahmacariyam katam karaniyam naparam itthattayati pajanatiti. [119] Atha kho ayasma bahiyo bhagavato bhasitam abhinanditva anumoditva utthayasana bhagavantam abhivadetva padakkhinam katva pakkami . atha kho ayasma bahiyo eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharati 1- khina jati vusitam brahmacariyam katam karaniyam naparam itthattayati abbhannasi . annataro ca panayasma bahiyo arahatam ahositi. Chattham.The Pali Tipitaka in Roman Character Volume 18 page 80-81. https://84000.org/tipitaka/pitaka_item/roman_read.php?B=18&A=1586&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=18&A=1586&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=118&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=69 Study Atthakatha :- https://84000.org/tipitaka/attha/attha.php?b=18&i=118 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]