PaliRoman Vol.1

@hoti. tattha hi evam vuttam athakho darugaheganakassa etadahosi @ime kho samana sakyaputtiya .pe. dinnanti vattunti. athakho @darugaheganako ayasmantam dhaniyam kumbhakaraputtam etadavoca harapetha @bhanteti. Anattamano ahosi katham hi nama devo devagahanadaruni nagarapatisankharikani apadatthaya nikkhittani dhaniyassa kumbhakaraputtassa dassatiti . Athakho vassakaro brahmano magadhamahamatto yena raja magadho seniyo bimbisaro tenupasankami upasankamitva rajanam magadham seniyam bimbisaram etadavoca saccam kira ^1- devena devagahanadaruni nagarapatisankharikani apadatthaya nikkhittani dhaniyassa kumbhakaraputtassa dinnaniti . ko evamahati . darugaheganako devati . Tenahi brahmana darugaheganakam anapehiti . athakho vassakaro brahmano magadhamahamatto darugaheganakam bandham anapesi. [82] Addasa kho ayasma dhaniyo kumbhakaraputto darugaheganakam bandham niyamanam ^2- disvana darugaheganakam etadavoca kissa tvam avuso bandho niyasiti ^3- . tesam bhante darunam kiccati. Gacchavuso ahampi gacchamiti . eyyasi bhante puraham hannamiti . Athakho ayasma dhaniyo kumbhakaraputto yena ranno magadhassa seniyassa bimbisarassa nivesanam tenupasankami upasankamitva pannatte asane nisidi . athakho raja magadho seniyo bimbisaro yenayasma dhaniyo kumbhakaraputto tenupasankami upasankamitva @Footnote: ¹ tesu dvisu potthakesu devati alapanam atthi. ² Yu. Ma. @niyyamanam. ³ Yu. Ma. niyyasiti. Ayasmantam dhaniyam kumbhakaraputtam abhivadetva ekamantam nisidi . Ekamantam nisinno kho raja magadho seniyo bimbisaro ayasmantam dhaniyam kumbhakaraputtam etadavoca saccam kira maya bhante devagahanadaruni nagarapatisankharikani apadatthaya nikkhittani ayyassa dinnaniti . Evam maharajati . mayam kho bhante rajano nama bahukicca bahukaraniya datvapi na sareyyama ingha bhante sarapehiti . sarasi tvam maharaja pathamabhisitto evarupim vacam bhasita dinnanneva samanabrahmananam tinakatthodakam paribhunjantuti . saramaham bhante santi bhante samanabrahmana lajjino kukkuccaka sikkhakama tesam appamattakepi kukkuccam uppajjati tesam maya sandhaya bhasitam tanca kho aranne apariggahitam so tvam bhante tena lesena daruni adinnam haritum mannasi katham hi nama madisa samanam va brahmanam va haneyyum va bandheyyum va pabbajeyyum va ^1- gaccha bhante lomena tvam muttosi ma punapi evarupam akasiti. [83] Manussa ujjhayanti khiyanti ^2- vipacenti alajjino ime samana sakyaputtiya dussila musavadino ime hi nama dhammacarino @Footnote: ¹ yuropiyamarammapotthakesu katham hi nama madiso samanam va brahmanam @va vijite vasantam haneyya va bandheyya va pabbajeyya vati ekavacanavasena @payogo kato. ² yebhuyyena khiyyantiti pathanti. Samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam samannam kuto imesam brahmannam apagata ime samanna apagata ime brahmanna rajanampi ime vancenti kim pana anne manusseti . Assosum kho bhikkhu tesam manussanam ujjhayantanam khiyantanam ^1- vipacentanam . ye te bhikkhu appiccha santuttha lajjino kukkuccaka sikkhakama te ujjhayanti khiyanti vipacenti katham hi nama ayasma dhaniyo kumbhakaraputto ranno daruni adinnam adiyissatiti. {83.1} Athakho te bhikkhu bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva ayasmantam dhaniyam kumbhakaraputtam patipucchi saccam kira tvam dhaniya ranno daruni adinnam adiyasiti ^2- . saccam bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tvam moghapurisa ranno daruni adinnam adiyissasi netam moghapurisa appasannanam va pasadaya pasannanam va bhiyyobhavaya athakhvetam moghapurisa appasannananceva appasadaya pasannananca ekaccanam annathattayati . tena kho pana samayena annataro puranavohariko @Footnote: ¹ yebhuyyena khiyyantananti pathanti. ² Yu. adiyiti. Mahamatto bhikkhusu pabbajito bhagavato avidure nisinno hoti . Athakho bhagava tam bhikkhum etadavoca kittakena nu kho bhikkhu raja magadho seniyo bimbisaro coram gahetva hanati va bandhati va pabbajeti vati. Padena va bhagava padarahena va atirekapadena vati. Tena kho pana samayena rajagahe pancamasako pado hoti . Athakho bhagava ayasmantam dhaniyam kumbhakaraputtam anekapariyayena vigarahitva dubbharataya .pe. Viriyarambhassa vannam bhasitva bhikkhunam tadanucchavikam tadanulomikam dhammim katham katva bhikkhu amantesi .pe. evanca pana bhikkhave imam sikkhapadam uddiseyyatha {83.2} yo pana bhikkhu adinnam theyyasankhatam adiyeyya yatharupe adinnadane rajano coram gahetva haneyyum va bandheyyum va pabbajeyyum va corosi balosi mulhosi thenositi tatharupam bhikkhu adinnam adiyamano ayampi parajiko hoti asamvasoti. {83.3} Evancidam bhagavata bhikkhunam sikkhapadam pannattam hoti.

The Pali Tipitaka in Roman Character Volume 1 page 79-83. https://84000.org/tipitaka/pitaka_item/roman_read.php?B=1&A=1531&w=etadahosi&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=1&A=1531&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=81&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=14 Study Atthakatha :- https://84000.org/tipitaka/attha/attha.php?b=1&i=79 The Pali Atthakatha in Thai :- https://84000.org/tipitaka/atthapali/read_th.php?B=1&A=7185 The Pali Atthakatha in Roman :- https://84000.org/tipitaka/atthapali/read_rm.php?B=1&A=7185 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1