paliTIPITAKA Volume 8 - Vinaya Pitaka 8

page409.

Mahasangamam [1087] Sangamavacarena bhikkhuna sanghe voharantena vatthum janitabbam vipatti janitabba apatti janitabba nidanam janitabbam akaro janitabbo pubbaparam janitabbam katakatam janitabbam kammam janitabbam adhikaranam janitabbam samatho janitabbo na chandagati gantabba na dosagati gantabba na mohagati gantabba na bhayagati gantabba sannapaniye thane sannapetabbam nijjhapaniye thane nijjhapetabbam pekkhaniye thane pekkhitabbam pasadaniye thane pasadetabbam laddhapakkhomhiti paro pakkho ^1- navajanitabbo bahussutomhiti appassuto navajanitabbo therataromhiti navakataro navajanitabbo asampattam na byaharitabbam ^2- sampattam dhammato vinayato na parihapetabbam yena dhammena yena vinayena yena satthusasanena tam adhikaranam vupasammati tatha tam adhikaranam vupasametabbam. [1088] Vatthum janitabbanti atthaparajikanam ^3- vatthum janitabbam tevisasanghadisesanam vatthum janitabbam dveaniyatanam vatthum janitabbam dvecattalisanissaggiyanam vatthum janitabbam atthasitisatapacittiyanam vatthum janitabbam dvadasapatidesaniyanam vatthum janitabbam dukkatanam @Footnote: ¹ Ma. Yu. parapakkho . ² byahatabbam itipi dissati . ³ sabbattha atthannam @parajikananti dissati.

--------------------------------------------------------------------------------------------- page410.

Vatthum janitabbam dubbhasitanam vatthum janitabbam. [1089] Vipatti janitabbati silavipatti janitabba acaravipatti janitabba ditthivipatti janitabba ajivavipatti janitabba. [1090] Apatti janitabbati parajikapatti janitabba sanghadisesapatti janitabba thullaccayapatti janitabba pacittiyapatti janitabba patidesaniyapatti janitabba dukkatapatti janitabba dubbhasitapatti janitabba. [1091] Nidanam janitabbanti atthaparajikanam nidanam janitabbam tevisasanghadisesanam nidanam janitabbam dveaniyatanam nidanam janitabbam dvecattalisanissaggiyanam nidanam janitabbam atthasitisatapacittiyanam nidanam janitabbam dvadasapatidesaniyanam nidanam janitabbam dukkatanam nidanam janitabbam dubbhasitanam nidanam janitabbam. [1092] Akaro janitabboti sangho akarato janitabbo gano akarato janitabbo puggalo akarato janitabbo codako akarato janitabbo cuditako akarato janitabbo . Sangho akarato janitabboti patibalo nu kho ayam sangho imam adhikaranam vupasametum dhammena vinayena satthusasanena udahu noti evam sangho akarato janitabbo . gano akarato janitabboti patibalo nu kho ayam gano imam adhikaranam vupasametum dhammena vinayena satthusasanena udahu noti evam gano akarato

--------------------------------------------------------------------------------------------- page411.

Janitabbo . puggalo akarato janitabboti patibalo nu kho ayam puggalo imam adhikaranam vupasametum dhammena vinayena satthusasanena udahu noti evam puggalo akarato janitabbo . codako akarato janitabboti kacci nu kho ayamayasma pancasu dhammesu patitthaya param codeti udahu noti evam codako akarato janitabbo . cuditako akarato janitabboti kacci nu kho ayamayasma dvisu dhammesu patitthito sacce ca akuppe ca udahu noti evam cuditako akarato janitabbo. [1093] Pubbaparam janitabbanti kacci nu kho ayamayasma vatthuto va vatthum sankamati vipattito va vipattim sankamati apattito va apattim sankamati avajanitva va patijanati patijanitva va avajanati annena va annam paticarati udahu noti evam pubbaparam janitabbam. [1094] Katakatam janitabbanti methunadhammo janitabbo methunadhammassa anulomam janitabbam methunadhammassa pubbabhago janitabbo . Methunadhammo janitabboti dvayandvayasamapatti janitabba . Methunadhammassa anulomam janitabbanti bhikkhu attano mukhena parassa angajatam ganhati . methunadhammassa pubbabhago janitabboti vanno avanno ^1- kayasamsaggo dutthullavaca attakamaparicariya @Footnote: ¹ Ma. Yu. vannavanno.

--------------------------------------------------------------------------------------------- page412.

Vannamanuppadanam ^1-. [1095] Kammam janitabbanti solasa kammani janitabbani cattari apalokanakammani janitabbani cattari nattikammani janitabbani cattari nattidutiyakammani janitabbani cattari natticatutthakammani janitabbani. [1096] Adhikaranam janitabbanti cattari adhikaranani janitabbani vivadadhikaranam janitabbam anuvadadhikaranam janitabbam apattadhikaranam janitabbam kiccadhikaranam janitabbam. [1097] Samatho janitabboti satta samatha janitabba sammukhavinayo janitabbo sativinayo janitabbo amulhavinayo janitabbo patinnatakaranam janitabbam yebhuyyasika janitabba tassapapiyasika janitabba tinavattharako janitabbo.

The Pali Tipitaka in Roman Character Volume 8 page 409-412. http://84000.org/tipitaka/pitaka_item/roman_item_s.php?book=8&item=1087&items=11&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=8&item=1087&items=11&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=8&item=1087&items=11&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=8&item=1087&items=11&pagebreak=1&modeTY=2 Study Atthakatha :- http://84000.org/tipitaka/attha/attha.php?b=8&i=1087 The Pali Atthakatha in Thai :- http://84000.org/tipitaka/atthapali/read_th.php?B=3&A=11464 The Pali Atthakatha in Roman :- http://84000.org/tipitaka/atthapali/read_rm.php?B=3&A=11464 Contents of The Tipitaka Volume 8 http://84000.org/tipitaka/read/?index_8