paliTIPITAKA Volume 7 - Vinaya Pitaka 7

[420] Tena kho pana samayena bhikkhu bhattagge na anumodanti. Manussa ujjhayanti khiyanti vipacenti katham hi nama samana sakyaputtiya bhattagge na anumodissantiti . assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . athakho bhagava etasmim nidane etasmim pakarane ^1- dhammim katham katva bhikkhu amantesi anujanami bhikkhave bhattagge anumoditunti. [421] Athakho ^2- bhikkhunam etadahosi kena nu kho bhattagge anumoditabbanti . bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave therena bhikkhuna bhattagge anumoditunti. [422] Tena kho pana samayena annatarassa pugassa sanghabhattam @Footnote: ¹ Yu. etasmim pakaraneti pathadvayam natthi. ² Ma. tesam. Hoti . ayasma sariputto sanghathero hoti . bhikkhu bhagavata anunnatam therena bhikkhuna bhattagge anumoditunti ayasmantam sariputtam ekakam ohaya pakkamimsu . athakho ayasma sariputto te manusse patisammoditva paccha ekako agamasi . addasa kho bhagava ayasmantam sariputtam durato va ekakam ^1- agacchantam disvana ayasmantam sariputtam etadavoca kacci sariputta bhattam iddham ahositi . iddham kho bhante bhattam ahosi apica mam bhikkhu ekakam ohaya pakkantati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave bhattagge catuhi pancahi theranutherehi bhikkhuhi agametunti. [423] Tena kho pana samayena annataro thero bhattagge vaccito ^2- agameti ^3- . so vaccam sandharento ^4- mucchito papati. Bhagavato etamattham arocesum . anujanami bhikkhave sati karaniye anantarikam bhikkhum apucchitva gantunti.

The Pali Tipitaka in Roman Character Volume 7 page 223-224. http://84000.org/tipitaka/pitaka_item/roman_item_s.php?book=7&item=420&items=4&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=7&item=420&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=420&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=420&items=4&modeTY=2 Study Atthakatha :- http://84000.org/tipitaka/attha/attha.php?b=7&i=420 Contents of The Tipitaka Volume 7 http://84000.org/tipitaka/read/?index_7