paliTIPITAKA Volume 5 - Vinaya Pitaka 5

[97] Kathanca bhikkhave anatthatam hoti kathinam . Na ullikhitamattena atthatam hoti kathinam . na dhovanamattena atthatam hoti kathinam . na civaravicaranamattena atthatam hoti kathinam . na chedanamattena atthatam hoti kathinam . na bandhanamattena atthatam hoti kathinam . na ovattika- karanamattena atthatam hoti kathinam . na kandasakaranamattena atthatam hoti kathinam . na dalhikammakaranamattena atthatam hoti kathinam . na anuvatakaranamattena atthatam hoti kathinam . na paribhandakaranamattena atthatam hoti kathinam . na ovatteyyakaranamattena ^1- atthatam hoti kathinam . na kambalamaddanamattena atthatam hoti kathinam . na nimittakatena atthatam hoti kathinam . na parikathakatena atthatam hoti kathinam. Na kukkukatena atthatam hoti kathinam . na sannidhikatena atthatam hoti kathinam . na nissaggiyena atthatam hoti kathinam . na akappakatena atthatam hoti @Footnote: ¹ Si. Yu. ovaddheyyakaranamattena. Ma. ovadeyyakaranamattena. Kathinam . na annatra sanghatiya atthatam hoti kathinam . na annatra uttarasangena atthatam hoti kathinam . na annatra antaravasakena atthatam hoti kathinam . na annatra pancakena va atirekapancakena va tadaheva sanchinnena samandalikatena atthatam hoti kathinam . na ^1- annatra puggalassa atthara atthatam hoti kathinam . na samma ceva atthatam hoti kathinam . tance nissimattho anumodati evampi anatthatam hoti kathinam . evam kho bhikkhave anatthatam hoti kathinam. [98] Kathanca bhikkhave atthatam hoti kathinam . ahatena atthatam hoti kathinam . ahatakappena atthatam hoti kathinam . pilotikaya atthatam hoti kathinam . pamsukulena atthatam hoti kathinam . papanikena atthatam hoti kathinam . animittakatena atthatam hoti kathinam . Aparikathakatena atthatam hoti kathinam . akukkukatena atthatam hoti kathinam . asannidhikatena atthatam hoti kathinam . anissaggiyena atthatam hoti kathinam . kappakatena atthatam hoti kathinam . sanghatiya atthatam hoti kathinam . uttarasangena atthatam hoti kathinam . Antaravasakena atthatam hoti kathinam . pancakena va atirekapancakena va tadaheva sanchinnena samandalikatena atthatam hoti kathinam . Puggalassa atthara atthatam hoti kathinam . samma ceva atthatam hoti kathinam . tance simattho anumodati evampi atthatam @Footnote: ¹ Ma. Yu. nasaddo natthi. Hoti kathinam. Evam kho bhikkhave atthatam hoti kathinam. [99] Kathanca bhikkhave ubbhatam hoti kathinam . atthima bhikkhave matika kathinassa ubbharaya pakkamanantika nitthanantika sannitthanantika nasanantika savanantika asavacchedika simatikkantika sahubbharati.

The Pali Tipitaka in Roman Character Volume 5 page 137-139. http://84000.org/tipitaka/pitaka_item/roman_item_s.php?book=5&item=97&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=5&item=97&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=97&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=97&items=3&modeTY=2 Study Atthakatha :- http://84000.org/tipitaka/attha/attha.php?b=5&i=97 Contents of The Tipitaka Volume 5 http://84000.org/tipitaka/read/?index_5