บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[88] Athakho bhagava apane yathabhirantam viharitva yena kusinara tena carikam pakkami mahata bhikkhusanghena saddhim addhaterasehi bhikkhusatehi . assosum kho kosinaraka malla bhagava kira kusinaram agacchati mahata bhikkhusanghena saddhim addhaterasehi bhikkhusatehiti . te sangaram akamsu yo bhagavato paccuggamanam @Footnote: 1 Po. aggihutam mukha. Na karissati panca satani dandoti . tena kho pana samayena rojo mallo ayasmato anandassa sahayo hoti . athakho bhagava anupubbena carikam caramano yena kusinara tadavasari . [1]- kosinaraka malla bhagavato paccuggamanam akamsu . athakho rojo mallo bhagavato paccuggamanam karitva yenayasma anando tenupasankami upasankamitva ayasmantam anandam abhivadetva ekamantam atthasi . ekamantam thitam kho rojam mallam ayasma anando etadavoca ularam kho te idam avuso roja yam tvam bhagavato paccuggamanam akasiti . naham bhante ananda bahukato buddhena va dhammena va sanghena va apica natihi sangaro kato yo bhagavato paccuggamanam na karissati panca satani dandoti so kho aham 2- bhante ananda natinam dandabhaya evam 3- bhagavato paccuggamanam akasinti. {88.1} Athakho ayasma anando anattamano ahosi katham hi nama rojo mallo evam vakkhatiti . athakho ayasma anando yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho ayasma anando bhagavantam etadavoca ayam bhante rojo mallo abhinnato natamanusso mahiddhiko kho pana evarupanam natamanussanam imasmim dhammavinaye pasado 4- sadhu bhante bhagava @Footnote: 1 Po. Ma. Yu. athakho. 2 Yu. sa kho aham. 3 Si. Ma. Yu. evaham. 4 Po. @dhammavinayenabhipasado. Tatha karotu yatha rojo mallo imasmim dhammavinaye pasideyyati . Na kho tam ananda dukkaram tathagatena yatha rojo mallo imasmim dhammavinaye pasideyyati . athakho bhagava rojam mallam mettena cittena pharitva utthayasana viharam pavisi . athakho rojo mallo bhagavato mettena cittena phuttho seyyathapi nama gavi tarunavaccha evameva viharena viharam parivenena parivenam upasankamitva bhikkhu pucchati kaham nu kho bhante etarahi so bhagava viharati araham sammasambuddho dassanakama hi mayam tam bhagavantam arahantam sammasambuddhanti . Esavuso roja [1]- viharo samvutadvaro tena appasaddo upasankamitva ataramano alindam pavisitva ukkasitva aggalam akotehi vivarissati te bhagava dvaranti. {88.2} Athakho rojo mallo yena so viharo samvutadvaro tena appasaddo upasankamitva ataramano alindam pavisitva ukkasitva aggalam akoteti . vivari bhagava dvaram . athakho rojo mallo viharam pavisitva bhagavantam abhivadetva ekamantam nisidi . ekamantam nisinnassa kho rojassa mallassa bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . Yada bhagava annasi rojam mallam kallacittam muducittam vinivaranacittam udaggacittam pasannacittam atha ya buddhanam samukkamsika @Footnote: 1 Po. yena. Dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva kho rojassa mallassa tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti . athakho rojo mallo ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthu sasane bhagavantam etadavoca sadhu bhante ayya mamanneva patigganheyyum civarapindapatasenasanagilanapaccayabhesajjaparikkharam no annesanti . yesam kho roja sekkhena 1- nanena sekkhena dassanena dhammo dittho seyyathapi taya tesampi evam hoti aho nuna ayya amhakanneva patigganheyyum civarapindapatasenasana- gilanapaccayabhesajjaparikkharam no annesanti tenahi roja tava ceva patigganhissanti annesancati. {88.3} Tena kho pana samayena kusinarayam panitanam bhattanam bhattapatipati atthita hoti . athakho rojassa mallassa patipatim alabhantassa etadahosi yannunaham bhattaggam olokeyyam yam bhattagge nassa 2- tam patiyadeyyanti. Athakho rojo mallo bhattaggam olokento dve naddasa dakanca pitthakhadaniyanca . athakho rojo mallo yenayasma anando tenupasankami upasankamitva ayasmantam @Footnote: 1 Si. Yu. sekhena. 2 Po. Ma. Yu. naddasam. Anandam etadavoca idha me bhante ananda patipatim alabhantassa etadahosi yannunaham bhattaggam olokeyyam yam bhattagge nassa 1- tam patiyadeyyanti so kho aham bhante ananda bhattaggam olokento dve naddasam dakanca pitthakhadaniyanca sacaham bhante ananda patiyadeyyam dakanca pitthakhadaniyanca patigganheyya me bhagavati . Tenahi roja bhagavantam patipucchissamiti . athakho ayasma anando bhagavato etamattham arocesi . tenahi ananda patiyadetuti . Tenahi roja patiyadehiti. {88.4} Athakho rojo mallo tassa rattiya accayena pahutam dakanca pitthakhadaniyanca patiyadapetva bhagavato upanamesi patigganhatu me bhante bhagava dakanca pitthakhadaniyancati . Tenahi roja bhikkhunam dehiti . bhikkhu kukkuccayanta nappatigganhanti. Patigganhatha bhikkhave paribhunjathati . athakho rojo mallo buddhappamukham bhikkhusangham pahutehi dakehi ca pitthakhadaniyehi ca sahattha santappetva sampavaretva bhagavantam dhotahattham onitapattapanim ekamantam nisidi . Ekamantam nisinnam kho rojam mallam bhagava dhammiya kathaya sandassetva samadapetva samuttejetva sampahamsetva utthayasana pakkami . Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave sabbanca dakam sabbanca pitthakhadaniyanti. @Footnote: 1 Po. Ma. Yu. naddasam.The Pali Tipitaka in Roman Character Volume 5 page 124-128. http://84000.org/tipitaka/pitaka_item/roman_item_s.php?book=5&item=88&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=5&item=88&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=88&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=88&items=1&modeTY=2 Study Atthakatha :- http://84000.org/tipitaka/attha/attha.php?b=5&i=88 The Pali Atthakatha in Thai :- http://84000.org/tipitaka/atthapali/read_th.php?B=3&A=4166 The Pali Atthakatha in Roman :- http://84000.org/tipitaka/atthapali/read_rm.php?B=3&A=4166 Contents of The Tipitaka Volume 5 http://84000.org/tipitaka/read/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]