paliTIPITAKA Volume 4 - Vinaya Pitaka 4

[90] Tena kho pana samayena bhikkhu ekavassapi duvassapi saddhiviharikam upasampadenti . ayasmapi upaseno vangantaputto ekavasso saddhiviharikam upasampadesi ^1- . so vassam vuttho duvasso ekavassam saddhiviharikam adaya yena bhagava tenupasankami upasankamitva bhagavantam abhivadetva ekamantam nisidi . acinnam kho panetam buddhanam bhagavantanam agantukehi bhikkhuhi saddhim patisammoditum . athakho bhagava ayasmantam upasenam vangantaputtam etadavoca kacci bhikkhave ^2- khamaniyam kacci yapaniyam kaccittha ^3- appakilamathena addhanam agatati . khamaniyam bhagava yapaniyam bhagava appakilamathena ca mayam bhante addhanam agatati . Janantapi tathagata pucchanti janantapi na pucchanti kalam viditva pucchanti kalam viditva na pucchanti atthasanhitam tathagata pucchanti no anatthasanhitam anatthasanhite setughato tathagatanam . dvihi akarehi buddha bhagavanto bhikkhu patipucchanti dhammam va desessama savakanam va sikkhapadam pannapessamati . Athakho bhagava ayasmantam upasenam vangantaputtam etadavoca kativassosi tvam bhikkhuti . duvasso aham bhagavati . ayam pana bhikkhu kativassoti . ekavasso bhagavati . kintayam bhikkhu hotiti . Saddhivihariko me bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam @Footnote: ¹ Ma. upasampadeti . ² Ma. bhikkhu . ³ Ma. kicci tavam ... agatoti. @⁴ Ma. Yu. casaddo natthi. Katham hi nama tvam moghapurisa annehi ovadiyo anusasiyo annam ovaditum anusasitum mannissasi atilahum kho ^1- tvam moghapurisa bahullaya avatto yadidam ganabandhikam netam moghapurisa appasannanam va pasadaya pasannanam va bhiyyobhavaya ^2- .pe. vigarahitva dhammim katham katva bhikkhu amantesi na bhikkhave unadasavassena upasampadetabbo yo upasampadeyya apatti dukkatassa . Anujanami bhikkhave dasavassena va atirekadasavassena va upasampadetunti. [91] Tena kho pana samayena bhikkhu dasavassamha ^3- dasavassamhati bala abyatta upasampadenti . dissanti upajjhaya bala saddhiviharika pandita dissanti upajjhaya abyatta saddhiviharika byatta dissanti upajjhaya appassuta saddhiviharika bahussuta dissanti upajjhaya duppanna saddhiviharika pannavanto . annataropi annatitthiyapubbo upajjhayena sahadhammikam vuccamano upajjhayassa vadam aropetva tamyeva titthayatanam sankami . ye te bhikkhu appiccha .pe. te ujjhayanti khiyanti vipacenti katham hi nama bhikkhu dasavassamha ^4- dasavassamhati bala abyatta upasampadenti dissanti upajjhaya bala saddhiviharika pandita dissanti upajjhaya @Footnote: ¹ Si. atilahuko . ² Yu. bhinnobhavayati . 3-4 Ma. Yu. dasavassamuha. ito @param idisameva. Abyatta saddhiviharika byatta dissanti upajjhaya appassuta saddhiviharika bahussuta dissanti upajjhaya duppanna saddhiviharika pannavantoti . athakho te bhikkhu bhagavato etamattham arocesum . saccam kira bhikkhave bhikkhu dasavassamha dasavassamhati bala abyatta upasampadenti dissanti upajjhaya bala saddhiviharika pandita dissanti upajjhaya abyatta saddhiviharika byatta dissanti upajjhaya appassuta saddhiviharika bahussuta dissanti upajjhaya duppanna saddhiviharika pannavantoti . saccam bhagavati . vigarahi buddho bhagava katham hi nama te bhikkhave moghapurisa dasavassamha dasavassamhati bala abyatta upasampadessanti dissanti upajjhaya bala saddhiviharika pandita dissanti upajjhaya abyatta saddhiviharika byatta dissanti upajjhaya appassuta saddhiviharika bahussuta dissanti upajjhaya duppanna saddhiviharika pannavanto netam bhikkhave appasannanam va pasadaya .pe. Vigarahitva dhammim katham katva bhikkhu amantesi na bhikkhave balena abyattena upasampadetabbo yo upasampadeyya apatti dukkatassa anujanami bhikkhave byattena bhikkhuna patibalena dasavassena va atirekadasavassena va upasampadetunti. [92] Tena kho pana samayena bhikkhu upajjhayesu pakkamantesupi Vibbhamantesupi kalakatesupi pakkhasankantesupi anacariyaka anovadiyamana ananusasiyamana dunnivattha dupparuta anakappasampanna pindaya caranti . manussanam ^1- bhunjamananam uparibhojanepi uttitthapattam upanamenti uparikhadaniyepi ... uparisayaniyepi ... Uparipaniyepi uttitthapattam upanamenti samam supampi odanampi vinnapetva bhunjanti bhattaggepi uccasadda mahasadda viharanti . manussa ujjhayanti khiyanti vipacenti katham hi nama samana sakyaputtiya dunnivattha dupparuta anakappasampanna pindaya carissanti manussanam bhunjamananam uparibhojanepi uttitthapattam upanamessanti uparikhadaniyepi ... uparisayaniyepi ... Uparipaniyepi uttitthapattam upanamessanti samam supampi odanampi vinnapetva bhunjissanti bhattaggepi uccasadda mahasadda viharissanti seyyathapi brahmana brahmanabhojaneti . assosum kho bhikkhu tesam manussanam ujjhayantanam khiyantanam vipacentanam . Ye te bhikkhu appiccha .pe. te ujjhayanti khiyanti vipacenti katham hi nama bhikkhu dunnivattha dupparuta anakappasampanna ... Viharissantiti . athakho te bhikkhu bhagavato etamattham arocesum .pe. Saccam kira bhikkhave bhikkhu dunnivattha dupparuta anakappasampanna ... Viharantiti . saccam bhagavati . vigarahi buddho bhagava .pe. @Footnote: ¹ ito pure Yu. Ra. tesaddo dissati. Vigarahitva dhammim katham katva bhikkhu amantesi {92.1} anujanami bhikkhave acariyam . acariyo bhikkhave antevasikamhi puttacittam upatthapessati antevasiko acariyamhi pitucittam upatthapessati evante annamannam sagarava sappatissa sabhagavuttika ^1- viharanta imasmim dhammavinaye vuddhim virulhim vepullam apajjissanti . anujanami bhikkhave dasavassam ^2- nissaya vatthum dasavassena nissayam datum . Evanca pana bhikkhave acariyo gahetabbo . ekamsam uttarasangam karitva pade vanditva ukkutikam nisiditva anjalim paggahetva evamassa vacaniyo acariyo me bhante hohi ayasmato nissaya vacchami acariyo me bhante hohi ayasmato nissaya vacchami acariyo me bhante hohi ayasmato nissaya vacchamiti . sahuti va lahuti va opayikanti va patirupanti va pasadikena samapadehiti va kayena vinnapeti vacaya vinnapeti kayena vacaya vinnapeti gahito hoti acariyo na kayena vinnapeti na vacaya vinnapeti na kayena vacaya vinnapeti na gahito hoti acariyo.

The Pali Tipitaka in Roman Character Volume 4 page 108-112. http://84000.org/tipitaka/pitaka_item/roman_item_s.php?book=4&item=90&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=4&item=90&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=90&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=90&items=3&modeTY=2 Study Atthakatha :- http://84000.org/tipitaka/attha/attha.php?b=4&i=90 The Pali Atthakatha in Thai :- http://84000.org/tipitaka/atthapali/read_th.php?B=3&A=917 The Pali Atthakatha in Roman :- http://84000.org/tipitaka/atthapali/read_rm.php?B=3&A=917 Contents of The Tipitaka Volume 4 http://84000.org/tipitaka/read/?index_4