บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[157] Tena kho pana samayena bhikkhu anupariveniyam patimokkham uddisanti asanketena . agantuka bhikkhu na jananti kattha va 1- ajja uposatho kariyissatiti . bhagavato etamattham arocesum. Na bhikkhave anupariveniyam patimokkham uddisitabbam asanketena yo uddiseyya apatti dukkatassa . anujanami bhikkhave uposathagaram sammannitva uposatham katum yam sangho akankhati viharam va addhayogam va pasadam va hammiyam va guham va. Evanca pana bhikkhave sammannitabbam. Byattena bhikkhuna patibalena sangho napetabbo {157.1} sunatu me bhante sangho yadi sanghassa pattakallam sangho itthannamam viharam uposathagaram sammanneyya. Esa natti. {157.2} Sunatu me bhante sangho sangho itthannamam viharam uposathagaram sammannati . yassayasmato khamati itthannamassa viharassa uposathagarassa sammati so tunhassa yassa nakkhamati so bhaseyya . sammato sanghena itthannamo viharo uposathagaram. Khamati sanghassa tasma tunhi. Evametam dharayamiti. @Footnote: 1 ayam saddo atireko viya khayati. [158] Tena kho pana samayena annatarasmim avase dve uposathagarani sammatani honti . bhikkhu ubhayattha sannipatanti idha uposatho kariyissati idha uposatho kariyissatiti . bhagavato etamattham arocesum . na bhikkhave ekasmim avase dve uposathagarani sammannitabbani yo sammanneyya apatti dukkatassa . Anujanami bhikkhave ekam samuhanitva ekattha uposatham katum . Evanca pana bhikkhave samuhantabbam . byattena bhikkhuna patibalena sangho napetabbo {158.1} sunatu me bhante sangho yadi sanghassa pattakallam sangho itthannamam uposathagaram samuhaneyya. Esa natti. {158.2} Sunatu me bhante sangho sangho itthannamam uposathagaram samuhanati . yassayasmato khamati itthannamassa uposathagarassa samugghato so tunhassa yassa nakkhamati so bhaseyya . samuhatam sanghena itthannamam uposathagaram . khamati sanghassa tasma tunhi. Evametam dharayamiti. [159] Tena kho pana samayena annatarasmim avase atikhuddakam uposathagaram sammatam hoti . tadahuposathe mahabhikkhusangho sannipatito hoti . bhikkhu asammataya bhumiya nisinna patimokkham assosum . Athakho tesam bhikkhunam etadahosi bhagavata pannattam uposathagaram sammannitva uposatho katabboti mayancamha asammataya bhumiya nisinna patimokkham assumha 1- kato nu kho amhakam uposatho @Footnote: 1 Yu. assosumha. Akato nu khoti . bhagavato etamattham arocesum. Sammataya va bhikkhave bhumiya nisinno 1- asammataya va yato patimokkham sunati kato vassa uposatho tenahi bhikkhave sangho yavamahantam uposathamukham 2- akankhati tavamahantam uposathamukham sammannatu . evanca pana bhikkhave sammannitabbam . pathamam nimitta kittetabba nimitte kittetva byattena bhikkhuna patibalena sangho napetabbo {159.1} sunatu me bhante sangho yavata samanta nimitta kittita yadi sanghassa pattakallam sangho etehi nimittehi uposathamukham sammanneyya. Esa natti. {159.2} Sunatu me bhante sangho yavata samanta nimitta kittita sangho etehi nimittehi uposathamukham sammannati . Yassayasmato khamati etehi nimittehi uposathamukhassa sammati so tunhassa yassa nakkhamati so bhaseyya . sammatam sanghena etehi nimittehi uposathamukham . khamati sanghassa tasma tunhi . evametam dharayamiti. [160] Tena kho pana samayena annatarasmim avase tadahuposathe navaka bhikkhu pathamataram sannipatitva na tava thera agacchantiti pakkamimsu . uposatho vikalo 3- ahosi . bhagavato etamattham arocesum . anujanami bhikkhave tadahuposathe therehi bhikkhuhi pathamataram sannipatitunti @Footnote: 1 Ma. Yu. nisinna . 2 sabbattha pamukham . 3 Ma. Yu. vikale. [161] Tena kho pana samayena rajagahe sambahula avasa samanasima honti . tattha bhikkhu vivadanti amhakam avase uposatho kariyatu 1- amhakam avase uposatho kariyatuti . Bhagavato etamattham arocesum . idha pana bhikkhave sambahula avasa samanasima honti tattha bhikkhu vivadanti amhakam avase uposatho kariyatu amhakam avase uposatho kariyatuti tehi bhikkhave bhikkhuhi sabbeheva ekajjham sannipatitva uposatho katabbo yattha va pana thero bhikkhu viharati tattha sannipatitva uposatho katabbo na tveva vaggena sanghena uposatho katabbo yo kareyya apatti dukkatassati.The Pali Tipitaka in Roman Character Volume 4 page 211-214. http://84000.org/tipitaka/pitaka_item/roman_item_s.php?book=4&item=157&items=5&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=4&item=157&items=5&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=157&items=5&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=157&items=5&modeTY=2 Study Atthakatha :- http://84000.org/tipitaka/attha/attha.php?b=4&i=157 Contents of The Tipitaka Volume 4 http://84000.org/tipitaka/read/?index_4
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]