TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                                           2. Silaparamita
                                       pathamam silavanagacariyam
     [11] |11.1| Yada ahosim pavane            kunjaro matuposako
                  na tada atthi mahiya               gunena mama sadiso.
       |11.2| Pavane disva vanacaro               ranno mam pativedayi
                  tavanucchavo maharaja               gajo asati 1- kanane.
       |11.3| Na tassa parikkhayattho             napi alhakakasuya 2-
                  samagahite sondaya              sayameva idhehiti.
       |11.4| Tassa tam vacanam sutva                rajapi tutthamanaso
                   pesesi hatthidamakam                  chekacariyam susikkhitam.
       |11.5| Gantva so hatthidamako           addasa padumassare
                   bhisamulalam 3- uddharantam          yapanatthaya matuya.
       |11.6| Vinnaya me silagunam               lakkhanam upadharayi
                  ehi puttati vatvana              sondaya mama aggahi.
       |11.7| Yam me tada pakatikam                sariranugatam balam
                  ajja nagasahassanam               balena samasadisam.
       |11.8| Yadihantesam pakuppeyyam           upetam 4- gahanaya mam
                  patibalo bhave tesam                   yava rajjampi manusam.
@Footnote: 1 Ma. Yu. vasati. 2 Ma. Yu. alaka.... 3 Yu. bhisamulam. 4 Ma. upetanam.
       |11.9| Apicaham silarakkhaya                silaparamipuriya
                   na karomi citte annathattam     pakkhipantam mamalhake 1-.
       |11.10| Yadi te mam tattha koteyyum       pharasuhi tomarehi ca
                     neva tesam pakuppeyyam              silakhandabhaya mamati.
                                       Silavanagacariyam 2- pathamam.


             The Pali Tipitaka in Roman Character Volume 33 page 568-569.
http://84000.org/tipitaka/pitaka_item/roman_item_s.php?book=33&item=219&items=1&modeTY=2
             Classified by [Item Number] :-
http://84000.org/tipitaka/pitaka_item/roman_item_s.php?book=33&item=219&items=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=219&items=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=219&items=1&modeTY=2
             Study Atthakatha :-
http://84000.org/tipitaka/attha/attha.php?b=33&i=219
             The Pali Atthakatha in Thai :-
http://84000.org/tipitaka/atthapali/read_th.php?B=52&A=2909
             The Pali Atthakatha in Roman :-
http://84000.org/tipitaka/atthapali/read_rm.php?B=52&A=2909
             Contents of The Tipitaka Volume 33
http://84000.org/tipitaka/read/?index_33