Tevisatimo konagamanabuddhavamso
[24] |24.1| Kukkusandhassa aparena sambuddho dipaduttamo
konagamano nama jino lokajettho narasabho.
|24.2| Dasadhamme purayitvana kantaram samatikkami
pavahaya 2- malam sabbam patto sambodhimuttamam.
|24.3| Dhammacakkam pavattente konagamane 3- vinayake
timsakotisahassanam pathamabhisamayo ahu.
|24.4| Patihiram karonte ca paravadappamaddane
visatikotisahassanam dutiyabhisamayo ahu.
|24.5| Tato vikubbanam katva jino devapuram gato
vasati tattha sambuddho silaya pandukambale.
|24.6| Pakarane satta desento vassam vasati so muni
dasakotisahassanam tatiyabhisamayo ahu.
@Footnote: 1 Yu. sihanadanca. 2 Ma. Yu. pavahiya. 3 Ma. konagamananayake. Yu. konagamane
@nayake.
|24.7| Tassapi devadevassa eko asi samagamo
khinasavanam vimalanam santacittana tadinam.
|24.8| Timsabhikkhusahassanam tada asi samagamo
oghanamatikkantanam 1- bhijjitananca maccuya.
|24.9| Ahantena samayena pabbato nama khattiyo
mittamaccehi sampanno balabahanamappakam 2-.
|24.10| Sambuddhadassanam gantva sutva dhammamanuttaram
nimantetva sajinam sangham danam datva yadicchakam.
|24.11| Pattunnam cinapatanca koseyyam kambalampica
sovannapadukanceva adasi 3- satthu savake.
|24.12| Sopi mam muni byakasi sanghamajjhe nisidiya
imasmim bhaddake kappe ayam buddho bhavissati.
|24.13| Ahu kapilavhaya ramma nikkhamitva tathagato
padhanam padahitvana katva dukkarakarikam.
|24.14| Ajapalarukkhamulasmim nisiditva tathagato
tattha payasam paggayha neranjaramupehiti.
|24.15| Neranjaraya tiramhi payasam adi so jino
patiyattavaramaggena bodhimandamhi ehiti.
|24.16| Tato padakkhinam katva bodhimandam anuttaram
assattharukkhamulamhi bujjhissati mahayaso.
@Footnote: 1 Yu. atikkantacaturoghanam. 2 Ma. Yu. anantabalavahanam. 3 Ma. Yu. adasim.
|24.17| Imassa janika mata maya nama bhavissati
pita suddhodano nama ayam hessati gotamo.
|24.18| Anasava vitaraga santacitta samahita
kolito upatisso ca agga hessanti savaka
anando namupatthako upatthissatimam jinam.
|24.19| Khema uppalavanna ca agga hessanti savika
anasava vitaraga santacitta samahita.
|24.20| Bodhi tassa bhagavato assatthoti pavuccati
citto ca hatthalavako agga hessantupatthaka.
|24.21| Nandamata ca uttara agga hessantupatthika
ayu vassasatam tassa gotamassa yasassino.
|24.22| Idam sutvana vacanam asamassa mahesino
amodita naramaru buddhavijankuro ayam.
|24.23| Ukkutthisadda vattanti apphotenti hasanti ca
katanjali namassanti dasasahassi sadevaka.
|24.24| Yadimassa lokanathassa virajjhissama sasanam
anagatamhi addhane hessama sammukha imam.
|24.25| Yatha manussa nadim taranta patitittham virajjhiya
hetthatittham gahetvana uttaranti mahanadim.
Evameva mayam sabbe yadi muncamimam jinam
Anagatamhi addhane hessama sammukha imam.
|24.26| Tassapi vacanam sutva bhiyyo cittam pasadayim
uttarim vattamadhitthasim dasaparamipuriya.
|24.27| Sabbannutam gavesanto danam datva naruttamo 1-
ohayaham maharajjam pabbajim jinasantike.
|24.28| Nagaram sobhavati nama sobho namasi khattiyo
vasati tattha nagare sambuddhassa mahakulam.
|24.29| Brahmano yannadatto ca asi buddhassa so pita
uttara nama janika konagamanassa satthuno.
|24.30| Tini vassasahassani agaram ajjhavasi so
tusitasantusitasantuttha tayo pasadamuttama.
|24.31| Anunasolasasahassani nariyo samalankata
rucigatta nama nari satthavaho nama atrajo.
|24.32| Nimitte caturo disva hatthiyanena nikkhami
chamasam padhanacaram acari purisuttamo.
|24.33| Brahmuna yacito santo konagamano 2- lokanayako
vattacakko mahaviro migadaye naruttamo.
|24.34| Bhiyyoso 3- uttaro nama ahesum aggasavaka
sotthijo namupatthako konagamanassa yasassino 4-.
@Footnote: 1 Ma. Yu. naruttame. 2 Ma. konagamananayako. 3 Ma. bhiyyaso. 4 Ma. Yu.
@satthuno.
|24.35| Samudda uttara ceva ahesum aggasavika
bodhi tassa bhagavato udumbaroti vuccati.
|24.36| Uggo ca somadevo ca ahesum aggupatthaka
sivala ceva sama ca ahesum aggupatthika.
|24.37| Uccattanena so buddho timsahatthasamuggato
ukkamukhe yatha tambam 1- evam ramsihi mandito.
|24.38| Timsavassasahassani ayu buddhassa tavade
tavata titthamano so taresi janatam bahum.
|24.39| Dhammacetiyam 2- samussitva dhammadussavibhusitam
dhammapupphagulam katva nibbuto so sasavako.
|24.40| Mahavilaso tassa jano siridhammappakasano
sabbam samantarahitam nanu ritta sabbasankharati.
|24.41| Konagamano sambuddho pabbataramamhi nibbuto
dhatuvittharikam asi tesu tesu padesatoti.
Konagamanabuddhavamso tevisatimo.
Catuvisatimo kassapabuddhavamso
[25] |25.1| Konagamanassa aparena sambuddho dipaduttamo
kassapo nama namena 3- dhammaraja pabhankaro.
@Footnote: 1 Ma. Yu. kambu. 2 Ma. dhammacetim samussetva. 3 Ma. gottena.
Sa 1- chadditam kulamulam bahunam 2- panapujitam
|25.2| datvana dayake danam purayitvana manasam
usabhovalakam 3- bhetva patto sambodhimuttamam.
|25.3| Dhammacakkam pavattente kassape lokanayake
visatikotisahassanam pathamabhisamayo ahu.
|25.4| Catumasam yada buddho loke carati carikam
dasakotisahassanam dutiyabhisamayo ahu.
|25.5| Yamakam vikubbanam katva nanadhatum pakittayi
pancakotisahassanam tatiyabhisamayo ahu.
|25.6| Sudhammadevapure 4- ramme tattha dhammam pakittayi 5-
tini kotisahassani devanam bodhayi jino.
|25.7| Naradevassa yakkhassa apare ca dhammadesane
etesanam abhisamayo 6- gananato asankhiyo 7-.
|25.8| Tassapi devadevassa eko asi samagamo
khinasavanam vimalanam santacittana tadinam.
|25.9| Visatibhikkhusahassanam tada asi samagamo
abhikkantabhavantanam 8- hirisilena tadinam.
|25.10| Aham tada manavako jotipaloti vissuto
ajjhayiko mantadharo tinnam vedana paragu.
@Footnote: 1 Ma. Yu. sanchadditam. 2 Ma. bahvannapanabhojanam. 3 Ma. Yu. usabhova alakam.
@4 Ma. sudhamma.... 5 Yu. pakasayi. 6-7 Ma. Yu. abhisamaya ... asankhiya. 8 Ma.
@atikkantabhavantanam.
|25.11| Lakkhane itihase ca saddhamme paramim gato
bhummantalikkhe 1- kusalo katavijjo anamayo.
|25.12| Kassapassa bhagavato ghatikaro namupatthako
sagaravo sappatisso nibbuto tatiye phale.
|25.13| Adaya mam ghatikaro upaganchi kassapam jinam
tassa dhammam sunitvana pabbajim tassa santike.
|25.14| Araddhaviriyo hutva vattavattesu kovido
na kvaci parihayami puremi 2- jinasasanam.
|25.15| Yavata buddhabhanitam navangasatthusasanam
sabbam pariyapunitvana sobhayim jinasasanam.
|25.16| Mama acchariyam disva sopi buddho viyakari
imamhi bhaddake kappe ayam buddho bhavissati.
|25.17| Ahu kapilavhaya ramma nikkhamitva tathagato
padhanam padahitvana katva dukkarakarikam.
|25.18| Ajapalarukkhamulamhi nisiditva tathagato
tattha payasam samadaya 3- neranjaramupehiti.
|25.19| Neranjaraya tiramhi payasam paribhunjiya
patiyattavaramaggena bodhimulamhi 4- ehiti.
|25.20| Tato padakkhinam katva bodhimandam anuttaram 5-
assatthamule sambodhim bujjhissati mahayaso.
@Footnote: 1 Ma. Yu. bhumanta.... 2 Ma. puresim. 3 Ma. Yu. paggayha. 4 Ma. Yu.
@bodhimulamupehiti. 5 Ma. Yu. anuttaro.
|25.21| Imassa janika mata maya nama bhavissati
pita suddhodano nama ayam hessati gotamo.
|25.22| Kolito upatisso ca agga hessanti savaka
anasava vitaraga santacitta samahita
anando namupatthako upatthissatimam jinam.
|25.23| Khema uppalavanna ca agga hessanti savika
anasava vitaraga santacitta samahita.
|25.24| Bodhi tassa bhagavato assatthoti pavuccati
citto ca hatthalavako agga hessantupatthaka.
|25.25| Nandamata ca uttara agga hessantupatthika
ayu vassasatam tassa gotamassa yasassino.
|25.26| Idam sutvana vacanam asamassa mahesino
amodita naramaru buddhavijankuro ayam 1-.
|25.27| Ukkutthisadda vattanti 2- apphotenti hasanti ca
katanjali namassanti dasasahassi sadevaka.
|25.28| Yadimassa lokanathassa virajjhissama sasanam
anagatamhi addhane hessama sammukha imam.
|25.29| Yatha manussa nadim taranta patitittham virajjhiya
hetthatittham gahetvana uttaranti mahanadim.
@Footnote: 1 Ma. Yu. buddhavijam kira ayam. 2 Ma. Yu. pavattanti.
|25.30| Evameva mayam sabbe yadi muncamimam jinam
anagatamhi addhane hessama sammukha imam.
|25.31| Tassapi vacanam sutva bhiyyo cittam pasadayim
uttarim vattamadhitthasim dasaparamipuriya.
|25.32| Evamaham samsaritva parivajjento anacaram
dukkaram pakatam 1- mayham bodhiyayeva karana.
|25.33| Nagaram baranasi nama kiki namasi khattiyo
vasati tattha nagare sambuddhassa mahakulam.
|25.34| Brahmano brahmadatto ca asi buddhassa so pita
mata 2- dhanavati nama kassapassa mahesino.
|25.35| Duve vassasahassani agaram ajjhavasi so
hamso yaso siricando 3- tayo pasadamuttama.
|25.36| Tisolasasahassani nariyo samalankata
sunanda nama sa nari vijitaseno nama atrajo.
|25.37| Nimitte caturo disva pasadenabhinikkhami
sattaham padhanacaram acari purisuttamo.
|25.38| Brahmuna yacito santo kassapo lokanayako
vattacakko mahaviro migadaye naruttamo.
|25.39| Tisso ca bharadvajo ca ahesum aggasavaka
sabbamitto namupatthako kassapassa mahesino.
@Footnote: 1 Ma. Yu. ca katam. 2 Ma. Yu. janika. 3 Ma. Yu. sirinando.
|25.40| Anula ca uruvela ca ahesum aggasavika
bodhi tassa bhagavato nigrodhoti pavuccati.
|25.41| Sumangalo ghatikaro ca ahesum aggupatthaka
vijitasena ca bhadda ca ahesum aggupatthika.
|25.42| Uccattanena so buddho visatiratanamuggato 1-
vijjulatthiva akase candova gahapurito.
|25.43| Visativassasahassani ayu tassa mahesino
tavata titthamano so taresi janatam bahum.
|25.44| Dhammatalakam mapayitva 2- silam datva vilepanam
dhammadussam nivasetva dhammamalam vibhajjiya 3-.
|25.45| Dhammavimalamadasam thapayitva mahajane
keci nibbanam patthenta passantu me alankaram.
|25.46| Silakancukam datvana jhanakavacacammikam 4-
dhammacammam parupitva datva sannahamuttamam.
|25.47| Satiphalakam datvana tikhinananakuntimam
dhammakhaggavaram datva silasattuppamaddanam 5-.
|25.48| Tevijjabhusam 6- datvana avelam caturo phale
chalabhinnabharanam datva dhammapupphapilandhanam.
|25.49| Saddhammapandaracchattam datva papanivaranam
mapayitva abhayam puppham nibbuto so sasavako.
@Footnote: 1 Ma. visatiratanuggato. 2 Yu. mapetva. 3 Yu. virajiya. 4 Ma. ...vammitam.
@Yu. ... vammikam. 5 Ma. Yu. silasamsaggamaddanam. 6 Ma. tevijjabhusanam datvana.
|25.50| Eso hi sammasambuddho appameyyo durasado
eso hi dhammaratano svakkhato ehipassiko.
|25.51| Eso hi sangharatano supatipanno anuttaro
sabbam samantarahitam nanu ritta sabbasankharati.
|25.52| Mahakassapo jino sattha setabyaramamhi nibbuto
tattheva tassa jinathupo yojanubbedhamuggatoti.
Kassapabuddhavamso catuvisatimo.
The Pali Tipitaka in Roman Character Volume 33 page 533-543.
http://84000.org/tipitaka/pitaka_item/roman_item_s.php?book=33&item=204&items=2&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=33&item=204&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=204&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=204&items=2&modeTY=2
Study Atthakatha :-
http://84000.org/tipitaka/attha/attha.php?b=33&i=204
The Pali Atthakatha in Thai :-
http://84000.org/tipitaka/atthapali/read_th.php?B=51&A=8225
The Pali Atthakatha in Roman :-
http://84000.org/tipitaka/atthapali/read_rm.php?B=51&A=8225
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
