paliTIPITAKA Volume 33 - Sutta Pitaka 25

Ekavisatimo vessabhubuddhavamso [22] |22.1| Tattheva mandakappamhi asamo appatipuggalo vessabhu nama namena loke uppajji so ^3- jino. |22.2| Adittam ida ^4- ragaggi tanhanam vijitam janam ^5- nagova bandhanam chetva patto sambodhimuttamam. |22.3| Dhammacakkam pavattesi vessabhu lokanayako asitikotisahassanam pathamabhisamayo ahu. |22.4| Pakkante carikam ratthe lokajetthe narasabhe sattatikotisahassanam dutiyabhisamayo ahu. |22.5| Mahaditthim vinodento patiheram ^6- karoti so samagata naramaru dasasahassisadevake. @Footnote: ¹ Ma. pavassetva. Yu. dhammamegho pavassetva. ² Yu. dussaranamhi. ³ Ma. @nayako. ⁴ Ma. vata. Yu. adittam ti ca. ⁵ Ma. tada. Yu. sada. ⁶ Yu. patihiram.

--------------------------------------------------------------------------------------------- page525.

|22.6| Mahaacchariyam disva abbhutam lomahamsanam deva ceva manussa ca bujjhare satthikotiyo. |22.7| Sannipata tayo asum vessabhussa mahesino khinasavanam vimalanam santacittana tadinam. |22.8| Asitikotisahassanam pathamo asi samagamo sattatibhikkhusahassanam dutiyo asi samagamo. |22.9| Satthibhikkhusahassanam tatiyo asi samagamo jaradibhayabhitanam orasanam mahesino ^1-. |22.10| Tassa buddhassa asamassa cakkam vattitamuttamam sutvana panitam dhammam pabbajjamabhirocayi. |22.11| Ahantena samayena sudassano nama khattiyo annapanena vatthena sasangham jinamapujayim. |22.12| Mahadanam pavattetva rattindivamatandito pabbajjam gunasampannam pabbajim jinasantike. |22.13| Acaragunasampanno vattasilasamahito sabbannutam gavesanto ramami jinasasane. |22.14| Saddhapitim uppadetva buddham vandami sattharam piti uppajjati mayham bodhiyayeva karana. |22.15| Anivattamanasam natva sambuddho etadabravi ekattimse ito kappe ayam buddho bhavissati. @Footnote: ¹ Yu. mahesinam.

--------------------------------------------------------------------------------------------- page526.

|22.16| Ahu kapilavhaya ramma nikkhamitva tathagato padhanam padahitvana katva dukkarakarikam. |22.17| Ajapalarukkhamulasmim nisiditva tathagato tattha payasam paggayha neranjaramupehiti. |22.18| Neranjaraya tiramhi payasam adi so jino patiyattavaramaggena bodhimulamhi ehiti. |22.19| Tato padakkhinam katva bodhimandam anuttaram assattharukkhamulamhi bujjhissati mahayaso. |22.20| Imassa janika mata maya nama bhavissati pita suddhodano nama ayam hessati gotamo. |22.21| Kolito upatisso ca agga hessanti savaka anasava vitaraga santacitta samahita anando namupatthako upatthissatimam jinam. |22.22| Khema uppalavanna ca agga hessanti savika anasava vitaraga santacitta samahita. |22.23| Bodhi tassa bhagavato assatthoti pavuccati citto ca hatthalavako agga hessantupatthaka. |22.24| Nandamata ca uttara agga hessantupatthika ayu vassasatam tassa gotamassa yasassino.

--------------------------------------------------------------------------------------------- page527.

|22.25| Idam sutvana vacanam asamassa mahesino amodita naramaru buddhavijankuro ayam. |22.26| Ukkutthisadda vattanti apphotenti hasanti ca katanjali namassanti dasasahassi sadevaka. |22.27| Yadimassa lokanathassa virajjhissama sasanam anagatamhi addhane hessama sammukha imam. |22.28| Yatha manussa nadim taranta patitittham virajjhiya hetthatittham gahetvana uttaranti mahanadim. |22.29| Evameva mayam sabbe yadi muncamimam jinam anagatamhi addhane hessama sammukha imam. |22.30| Tassaham vacanam sutva bhiyyo cittam pasadayim uttarim vattamadhitthasim dasaparamipuriya. |22.31| Anomam nama nagaram suppatito nama khattiyo mata yasavati nama vessabhussa mahesino. |22.32| Chabbassasahassani ^1- agaram ajjhavasi so ruci surati vaddhaka ^2- tayo pasadamuttama. |22.33| Anunatimsasahassani nariyo samalankata sucitta nama sa nari suppabuddho nama atrajo. |22.34| Nimitte caturo disva sivikayabhinikkhami chamasam padhanacaram acari purisuttamo. @Footnote: ¹ Ma. cha ca vassasahassani agaram ajjha so vasi. evamuparipi. ² Ma. ruci suruci

--------------------------------------------------------------------------------------------- page528.

|22.35| Brahmuna yacito santo vessabhu lokanayako vattacakko ^1- mahaviro arunepi ^2- naruttamo. |22.36| Sono ca uttaro ceva ahesum aggasavaka upasanto namupatthako vessabhussa mahesino. |22.37| Rama ceva samala nama ^3- ahesum aggasavika bodhi tassa bhagavato mahasaloti vuccati. |22.38| Sotthiko ceva rammo ca ahesum aggupatthaka gotami ca sirima ca ahesum aggupatthika. |22.39| Satthiratanamubbedho hemayupasamupamo kaya niccharati ramsi rattimva pabbate sikhi. |22.40| Satthivassasahassani ayu tassa mahesino tavata titthamano so taresi janatam bahum. |22.41| Dhammam vittharikam katva vibhajjitva mahajanam dhammanavam thapetvana nibbuto so sasavako. |22.42| Dassaneyyam sabbajanam viharam iriyapatham sabbam samantarahitam nanu ritta sabbasankharati. |22.43| Vessabhu jinavaro sattha khemaramamhi nibbuto dhatuvittharakam asi tesu tesu padesatoti. Vessabhubuddhavamso ekavisatimo. @Footnote: ¹ Ma. vatti cakkam. ² Ma. arunarame. ³ Ma. ca. Yu. dama ceva samala ca.

The Pali Tipitaka in Roman Character Volume 33 page 524-528. http://84000.org/tipitaka/pitaka_item/roman_item_s.php?book=33&item=202&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=33&item=202&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=202&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=202&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=33&i=202 The Pali Atthakatha in Thai :- http://84000.org/tipitaka/atthapali/read_th.php?B=51&A=7896 The Pali Atthakatha in Roman :- http://84000.org/tipitaka/atthapali/read_rm.php?B=51&A=7896 Contents of The Tipitaka Volume 33 http://84000.org/tipitaka/read/?index_33