paliTIPITAKA Volume 33 - Sutta Pitaka 25

page225.

Tatiyam sivalittherapadanam (543) [133] |133.54| Padumuttaro nama jino sabbadhammesu cakkhuma ito satasahassamhi kappe uppajji nayako. |133.55| Silantassa asankheyyam samadhi vajirupamo asankheyyam nanavaram vimutti ca anopama. |133.56| Manujamarunaganam ^1- brahmananca samagame samanabrahmanakinne dhammam desesi nayako. |133.57| Sasavakam mahalabhim punnavantam jutindharam thapesi etadaggamhi parisasu visarado. |133.58| Tadaham khattiyo asim nagare hamsasavhaye sutva jinassa tam vakyam savakassa gunam bahum. |133.59| Nimantayitva sattaham bhojayitva sasavakam mahadanam daditvana tam thanam abhipatthayim. |133.60| Tada mam vinatam pade disvana purisasabho sarena mahata dhiro imam vacanamabravi. |133.61| Tato jinassa vacanam sotukama mahajana devata atha gandhabba ^2- brahmano ^3- ca mahiddhika. |133.62| Samanabrahmana ceva namassimsu katanjali namo te purisajanna namo te purisuttama. @Footnote: ¹ Ma. Yu. manujamaranaganam. ² Ma. Yu. devadanavagandhabba. ³ Yu. brahmuna.

--------------------------------------------------------------------------------------------- page226.

|133.63| Khattiyena mahadanam dinnam sattahakadhikam ^1- sotukama phalam tassa byakarohi mahamuni. |133.64| Tato avoca bhagava sunatha mama bhasitam appameyyamhi buddhamhi sasanghamhi patitthita ^2-. |133.65| Dakkhinadaya ^3- ko vatta appameyyaphala hi sa apicesa mahabhogo thanam pattheti uttamam. |133.66| Labhi vipulalabhanam yatha bhikkhu sudassano tathahampi bhaveyyanti lacchasetam anagate. |133.67| Satasahasse ito kappe okkakakulasambhavo gotamo nama namena sattha loke bhavissati. |133.68| Tassa dhammesu dayado oraso dhammanimmito sivali nama namena hessati satthusavako. |133.69| Tena kammena sukatena cetanapanidhihi ca jahitva manusam deham tavatimsam aganchaham. |133.70| Ekanavute ito kappe vipassi lokanayako uppajji carunayano ^4- sabbadhammavipassako. |133.71| Tadaham bandhumatiya kulassannatarassa ca dayito vutthito ^5- ceva asim kammantabyavato ^6-. |133.72| Tada annataro puggo ^7- vipassissa mahesino parivenam ^8- akaresi mahantamiti vissutam @Footnote: ¹ Ma. sattahikampi vo. Yu. satatahikam vibho. ² Yu. sanghamhi suppatitthita. @³ Ma. dakkhina taya. ⁴ Ma. carudassano. ⁵ Ma. passito. Yu. patthito. @⁶ Ma. kammantavavato. ⁷ Ma. Yu. pugo. ⁸ Ma. parivesam.

--------------------------------------------------------------------------------------------- page227.

|133.73| Nitthite ca mahadanam dadum khajjakasannutam navam dadhim madhunceva vicinam neva addasum. |133.74| Tadahantam ^1- gahetvana navadadhim madhumpica kammasamigharam gacchim tamesanta ^2- mamaddasum. |133.75| Sahassamapi datvana nalabhittha ^3- satadvayam tatohameva cintesim netam hessati orakam. |133.76| Yatha ime jana sabbe sakkaronti tathagatam ahampi karam karissami sasanghe lokanayake. |133.77| Tadahameva netvana ^4- dadhim madhunca ekato madditva lokanathassa sasanghassa adasaham. |133.78| Tena kammena sukatena cetanapanidhihi ca jahitva manusam deham tavatimsam aganchaham. |133.79| Punaham baranasiyam raja hutva mahayaso sattukassa tada duttho ^5- dvararodham akarayim. |133.80| Tada tapassino ruddha ekaham rakkhita ahum tato tassa vipakena papittham ^6- nirayam bhusam. |133.81| Pacchime ca bhave dani jatoham lokiye pure suppavasava ^7- me mata mahalilicchavi me pita. |133.82| Khattiye punnakammena dvararodhassa vahasa sattavassani nivasim matukucchimhi dukkhito. @Footnote: ¹ Yu. tadabhattam. ² Yu. tamesantam tamaddasum. ³ Ma. nalabhimsu ca tamdvayam. @⁴ Ma. Yu. tadahamevam cintetva. ⁵ Yu. buddho. ⁶ Ma. papatim. Yu. papattam. @⁷ Ma. Yu. ca.

--------------------------------------------------------------------------------------------- page228.

|133.83| Sattaham dvaramulhoham mahadukkhasamappito mata me chandadanena evam asi sudukkhita. |133.84| Suvatthitoham nikkhanto buddhena anukampito nikkhantadivaseyeva pabbajim anagariyam. |133.85| Upajjhayo sariputto me moggallano mahiddhiko kese oropayanto me anusasi mahamati. |133.86| Kesesu chijjamanesu arahattam apapunim deva naga manussa ca paccaye upanenti me. |133.87| Padumuttaranamanca vipassinca vinayakam yam pujayim pamudito paccayehi visesato. |133.88| Tato tesam visesena kammanam vipuluttamam labham labhami sabbattha vane game jale thale. |133.89| Revatam dassanatthaya yada yati vinayako timsabhikkhusahassehi saha lokagganayako. |133.90| Tada devopanitehi mamatthaya mahamati paccayehi mahaviro sasangho lokanayako. |133.91| Upatthito maya buddho gantva revatamaddasa tato jetavanam gantva etadagge thapesi mam. |133.92| Labhinam sivali aggo mama sissesu bhikkhavo sabbalokahito sattha kittayi parisasu mam.

--------------------------------------------------------------------------------------------- page229.

|133.93| Kilesa jhapita mayham bhava sabbe samuhata nagova bandhanam chetva viharami anasavo. |133.94| Svagatam vata me asi mama buddhassa santike tisso vijja anuppatta katam buddhassa sasanam. |133.95| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma sivali thero ima gathayo abhasitthati. Sivalittherassa apadanam samattam.

The Pali Tipitaka in Roman Character Volume 33 page 225-229. http://84000.org/tipitaka/pitaka_item/roman_item_s.php?book=33&item=133&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=33&item=133&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=133&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=133&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=33&i=133 The Pali Atthakatha in Thai :- http://84000.org/tipitaka/atthapali/read_th.php?B=50&A=6476 The Pali Atthakatha in Roman :- http://84000.org/tipitaka/atthapali/read_rm.php?B=50&A=6476 Contents of The Tipitaka Volume 33 http://84000.org/tipitaka/read/?index_33