บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Dasamam pubbakammapiloti nama buddhapadanam (390) [392] |392.64| Anotattasarasanne ramaniye silatale nanaratanapajjote nanagandhavanantare. |392.65| Mahata bhikkhusanghena pareto lokanayako asino byakari tattha pubbakammani attano. |392.66| Sunatha bhikkhave mayham yam kammam pakatam maya ekam arannikam bhikkhum disva dinnam pilotikam. |392.67| Patthitam pathamam buddham buddhattaya maya tada pilotiyassa kammassa buddhattepi vipaccati. |392.68| Gopalako pure asim gavim pajeti gocaram pivantim udakam avilam gavim disva nivarayim. |392.69| Tena kammavipakena idha pacchimake bhave pipasito yathicchakam na hi patum labhamaham. @Footnote: 1 Yu. kotivisoti so sono.--------------------------------------------------------------------------------------------- page472.
|392.70| Punali namaham dhutto pubbe annasu jatisu paccekabuddham surabhim abbhacikkhim adusakam. |392.71| Tena kammavipakena niraye samsarim ciram bahu vassasahassani dukkham vedesi vedanam. |392.72| Tena kammavasesena idha pacchimake bhave abbhakkhanam maya laddham sundarikaya karana. |392.73| Sabbabhibhussa buddhassa nando namasi savako tam abbhacikkhaya 1- niraye ciram samsaritam maya. |392.74| Dasavassasahassani niraye samsarim ciram manussalabham 2- laddhaham abbhakkhanam bahum labhim. |392.75| Tena kammavasesena cincamanavika mamam abbhacikkhi abhutena janakayassa agata 3-. |392.76| Brahmano sutava asim aham sakkatapujito mahavane pancasate mante vacemi manave. |392.77| Tatthagato isibhimo 4- pancabhinno mahiddhiko tancaham agatam disva abbhacikkhim adusakam. |392.78| Tatoham avacam sisse kamabhogi ayam isi mayhampi bhasamanassa anumodimsu manava. |392.79| Tato manavaka sabbe bhikkhamana kule kule mahajanassa ahamsu kamabhogi ayam isi. @Footnote: 1 Ma. yu ... abbhakkhaya .... 2 Ma. Yu. manussabhavam. 3 Ma. Yu. aggato. @4 Ma. isibhimo. Yu. isigano.--------------------------------------------------------------------------------------------- page473.
|392.80| Tena kammavipakena pancabhikkhusata ime abbhakkhanam labhum sabbe sundarikaya karana. |392.81| Vematu 1- bhataram pubbe dhanahetu hanim aham pakkhipim gariduggesu silaya ca apimsayim. |392.82| Tena kammavipakena devadatto silam khipi anguttham pimsayi pade mama pasanasakkhara. |392.83| Pureham darako hutva kilamano mahapathe paccekabuddham disvana magge sakalikam dahim 2-. |392.84| Tena kammavipakena idha pacchimake bhave vadhattham mam devadatto atimare payojayi. |392.85| Hattharoho pure asim paccekamunimuttamam pindaya vicarantampi 3- asadesim gajenaham. |392.86| Tena kammavipakena bhanto nalagiri gajo giribbaje puravare daruno samupagami. |392.87| Rajaham pattiko 4- asim sattiya purise 5- hanim tena kammavipakena niraye paccisam bhusam. |392.88| Kammuno tassa sesena so 6- dani sakalam mama pade chavim pakappesi na hi kammam vinassati. |392.89| Aham kevattagamasmim ahu kevattadarako macchopaghatake 7- disva janayim somanassakam. @Footnote: 1 Yu. dve mata bhataro pubbe. 2 Ma. khapim. 3 Ma. Yu. vicarantam tam. @4 Ma. Yu. patthivo. 5 Ma. Yu. purisam. 6 Ma. idani ... Yu. cadinnam .... @7 Ma. Yu. macchakoghatite disva.--------------------------------------------------------------------------------------------- page474.
|392.90| Tena kammavipakena sisadukkham ahu mama sakkesu hannamanesu yada hani vitatubho 1-. |392.91| Phussassaham pavacane savake paribhasayim yavam khadatha bhunjatha ma ca bhunjatha saliyo. |392.92| Tena kammavipakena temasam khaditam yavam nimantito brahmanena veranjayam vasim tada. |392.93| Nibbuddhe vattamanamhi mallaputtam nisedhayim 2- tena kammavipakena pitthidukkham ahu mama. |392.94| Tikicchako aham asim setthiputtam virecayim tena kammavipakena hoti pakkhandikam mama. |392.95| Avacaham jotipalo sugatam kassapam tada kuto nu bodhimandassa bodhi paramadullabha. |392.96| Tena kammavipakena acarim dukkaram bahum chabbassanuruvelayam tato bodhim apapunim. |392.97| Naham etena maggena papunim bodhimuttamam kumaggena gavesissam pubbakammena codito 3-. |392.98| Punnapapaparikkhino sabbasantapavajjito asoko anupayaso nibbayissam anasavo. |392.99| Evam jino viyakasi bhikkhusanghassa atthato 4- sabbabhinnabalappatto anotatte mahasareti. @Footnote: 1 Po. Ma. vittubho. Yu. vidudabho. 2 Ma. vihethayim. 3 Ma. varito. @Yu. karito. 4 Ma. Yu. aggato.--------------------------------------------------------------------------------------------- page475.
Ittham sudam bhagava attano pubbacaritam pubbakammapilotim 1- nama buddhapadanam dhammapariyayam abhasitthati. Pubbakammapiloti nama buddhapadanam samattam. Uddanam ambatam abujanceva udumbaramilakkhu ca pharuvalli ca kadali panaso kotivisako. Pubbakammapiloti ca apadanam mahesino gathayo ekanavuti ganitayo vibhavihi. Ambataphalavaggo ekunacattaliso. Cuddasamam bhanavaram. ---------- @Footnote: 1 Ma. Yu. kammapilotikam nama.The Pali Tipitaka in Roman Character Volume 32 page 471-475. http://84000.org/tipitaka/pitaka_item/roman_item_s.php?book=32&item=392&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=32&item=392&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=392&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=392&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=32&i=392 The Pali Atthakatha in Thai :- http://84000.org/tipitaka/atthapali/read_th.php?B=50&A=5280 The Pali Atthakatha in Roman :- http://84000.org/tipitaka/atthapali/read_rm.php?B=50&A=5280 Contents of The Tipitaka Volume 32 http://84000.org/tipitaka/read/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]