paliTIPITAKA Volume 3 - Vinaya Pitaka 3

Chattupahanavaggassa sattamasikkhapadam [466] Tena samayena buddho bhagava savatthiyam viharati jetavane @Footnote: ¹ Yu. vasitakam. Anathapindikassa arame . tena kho pana samayena bhikkhuniyo bhikkhuniya ummaddapentipi parimaddapentipi . manussa viharacarikam ahindanta passitva ujjhayanti khiyanti vipacenti katham hi nama bhikkhuniyo bhikkhuniya ummaddapessantipi parimaddapessantipi seyyathapi gihiniyo kamabhoginiyoti. {466.1} Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo bhikkhuniya ummaddapessantipi parimaddapessantipiti .pe. saccam kira bhikkhave bhikkhuniyo bhikkhuniya ummaddapentipi parimaddapentipiti . saccam bhagavati. {466.2} Vigarahi buddho bhagava katham hi nama bhikkhave bhikkhuniyo bhikkhuniya ummaddapessantipi parimaddapessantipi netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {466.3} ya pana bhikkhuni bhikkhuniya ummaddapeyya va parimaddapeyya va pacittiyanti. [467] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . bhikkhuniyati annaya bhikkhuniya . Ummaddapeyya vati ummaddapeti apatti pacittiyassa . Parimaddapeyya vati sambahapeti apatti pacittiyassa. [468] Anapatti gilanaya apadasu ummattikaya adikammikayati.

The Pali Tipitaka in Roman Character Volume 3 page 250-251. http://84000.org/tipitaka/pitaka_item/roman_item_s.php?book=3&item=466&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=3&item=466&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=466&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=466&items=3&modeTY=2 Study Atthakatha :- http://84000.org/tipitaka/attha/attha.php?b=3&i=466 The Pali Atthakatha in Thai :- http://84000.org/tipitaka/atthapali/read_th.php?B=2&A=11907 The Pali Atthakatha in Roman :- http://84000.org/tipitaka/atthapali/read_rm.php?B=2&A=11907 Contents of The Tipitaka Volume 3 http://84000.org/tipitaka/read/?index_3