ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
                     Dhammapadagathaya chabbisatimo brahmanavaggo
     [36] |36.383| 26 Chinda sotam parakkamma        kame panuda brahmana
                       sankharanam khayam natva         akatannusi brahmana.
      |36.384| Yada dvayesu dhammesu          paragu hoti brahmano
                       athassa sabbe samyoga         attham gacchanti janato.
      |36.385| Yassa param aparam va           paraparam na vijjati
                       vitaddaram visannuttam            tamaham brumi brahmanam.
      |36.386| Jhayim virajamasinam                katakiccam anasavam
                       uttamattham anuppattam          tamaham brumi brahmanam.
      |36.387| Diva tapati adicco            rattimabhati candima
                       sannaddho khattiyo tapati      jhayi tapati brahmano
                       atha sabbamahorattim             buddho tapati tejasa.
            |36.388| Bahitapapo hi brahmano
                             samacariya samanoti vuccati
                             pabbajayamattano malam
                             tasma pabbajitoti vuccati.
      |36.389| Na brahmanassa pahareyya   nassa muncetha brahmano
                       dhi brahmanassa hantaram     tato dhi yassa muncati.
            |36.390| Na brahmanassetadakinci seyyo
                             yadanisedho manaso piyehi
                             yato yato himsamano nivattati
                             tato tato sammatimeva dukkham.
      |36.391| Yassa kayena vacaya          manasa natthi dukkatam
                       samvutam tihi thanehi               tamaham brumi brahmanam.
      |36.392| Yamha dhammam vijaneyya       sammasambuddhadesitam
                       sakkaccam nam namasseyya        aggihuttamva brahmano.
      |36.393| Na jatahi na gottehi 1-     na jacca hoti brahmano
                       yamhi saccanca dhammo ca     so suci 2- so ca brahmano.
      |36.394| Kinte jatahi dummedha         kinte ajinasatiya
                       abbhantarante gahanam         bahiram parimajjasi.
      |36.395| Pamsukuladharam jantum                 kisandhamanisanthatam
                       ekam vanasmim jhayantam         tamaham brumi brahmanam.
      |36.396| Na caham brahmanam brumi     yonijam mattisambhavam
                       bhovadi nama so hoti        sa ve hoti sakincano
                       akincanam anadanam           tamaham brumi brahmanam.
      |36.397| Sabbasamyojanam chetva          yo ve na paritassati
@Footnote: 1 Po. Ma. Yu. gotutena .   2 Yu. sukhi.
                       Sangatigam visamyuttam             tamaham brumi brahmanam.
      |36.398| Chetva naddhim 1- varattanca  sandanam 2- sahanukkamam
                       ukkhittapaligham buddham           tamaham brumi brahmanam.
      |36.399| Akkosam vadhabandhanca          aduttho yo titikkhati
                       khantibalam balanikam             tamaham brumi brahmanam.
      |36.400| Akkodhanam vatavantam              silavantam anussadam
                       dantam antimasariram             tamaham brumi brahmanam.
      |36.401| Vari pokkharapatteva            araggeriva sasapo
                       yo na limpati kamesu         tamaham brumi brahmanam.
      |36.402| Yo dukkhassa pajanati        idheva khayamattano
                       pannabharam visannuttam        tamaham brumi brahmanam.
      |36.403| Gambhirapannam medhavim          maggamaggassa kovidam
                       uttamattham anuppattam         tamaham brumi brahmanam.
      |36.404| Asamsattham gahatthehi             anagarehi cubhayam
                       anokasarim appiccham           tamaham brumi brahmanam.
      |36.405| Nidhaya dandam bhutesu           tasesu thavaresu ca
                       yo na hanti na ghateti        tamaham brumi brahmanam.
      |36.406| Aviruddham viruddhesu               attadandesu nibbutam
                       sadanesu anadanam         tamaham brumi brahmanam.
      |36.407| Yassa rago ca doso ca        mano makkho ca patito
@Footnote: 1 Yu. nandi .  2 Yu. sandamam. Ma. Po. sandhanam.
                       Sasaporiva aragga          tamaham brumi brahmanam.
      |36.408| Akakkasam vinnapanim          giram saccam udiraye
                       yaya nabhisaje kanci         tamaham brumi brahmanam.
      |36.409| Yodha digham va rassam va         anum thulam subhasubham
                       loke adinnam nadiyati        tamaham brumi brahmanam.
      |36.410| Asa yassa na vijjanti       asmim loke paramhi ca
                       nirasayam 1- visamyuttam          tamaham brumi brahmanam.
      |36.411| Yassalaya na vijjanti        annaya akathankathi
                       amatogadham anuppattam          tamaham brumi brahmanam.
      |36.412| Yodha punnanca papanca ubho sangam upaccaga
                       asokam virajam suddham               tamaham brumi brahmanam.
      |36.413| Candamva vimalam suddham              vippasannamanavilam
                       nandibhavaparikkhinam              tamaham brumi brahmanam.
      |36.414| Yo imam palipatham duggam          samsaram mohamaccaga
                       tinno paragato jhayi      anejo akathankathi
                       anupadaya nibbuto          tamaham brumi brahmanam.
      |36.415| Yodha kame pahantvana       anagaro paribbaje
                       kamabhavaparikkhinam               tamaham brumi brahmanam.
      |36.416| Yodha tanham pahantvana      anagaro paribbaje
@Footnote: 1 nirasasantipi.
                       Tanhabhavaparikkhinam            tamaham brumi brahmanam.
      |36.417| Hitva manusakam yogam          dibbam yogam upaccaga
                       sabbayogavisamyuttam             tamaham brumi brahmanam.
      |36.418| Hitva ratinca aratinca       sitibhutam nirupadhim
                       sabbalokabhibhum viram             tamaham brumi brahmanam.
      |36.419| Cutim yo vedi sattanam          upapattinca sabbaso
                       asattam sugatam buddham            tamaham brumi brahmanam.
      |36.420| Yassa gatim na jananti          deva gandhabbamanusa
                       khinasavam arahantam              tamaham brumi brahmanam.
      |36.421| Yassa pure ca paccha ca         majjhe ca natthi kincanam
                       akincanam anadanam           tamaham brumi brahmanam.
      |36.422| Usabham pavaram viram                   mahesim vijitavinam
                       anejam nhatakam buddham         tamaham brumi brahmanam.
      |36.423| Pubbenivasam yo vedi         saggapayanca passati
                       atho jatikkhayam patto        abhinna vosito muni
                       sabbavositavosanam            tamaham brumi brahmanam.
                               Brahmanavaggo chabbisatimo.
                                 Dhammapadagathaya uddanam
     [37] 27 Yamakam appamadam cittam               puppham balena panditam
                  arahantam sahassena                 papam dandena te dasa.
                  Jara atta ca loko ca            buddham sukham piyena ca
                  kodham malanca dhammattham            maggavaggena visati.
                  Pakinnam nirayam nago              tanham bhikkhu ca brahmano
                  ete chabbisati vagga             desitadiccabandhuna.
                  Yamake visati gatha                 appamadamhi dvadasa
                  ekadasa cittavagge             pupphavaggamhi solasa
                  bale sattarasa gatha           panditamhi catuddasa
                  arahante dasa gatha             sahasse honti solasa
                  terasa papavaggamhi             dandamhi dasa satta ca
                  ekadasa jaravagge              attavaggamhi dvadasa
                  dvadasa lokavaggamhi           buddhavaggamhi solasa
                  sukhe ca piyavagge ca                 gathayo honti dvadasa
                  cuddasa kodhavaggamhi             malavaggekavisati
                  sattarasa ca dhammatthe             maggavaggamhi 1- solasa
                  pakinne solasa gatha           niraye nage cuddasa
                  dvavisa 2- tanhavaggamhi    tevisa bhikkhuvaggaka
                  cattalisa ca gathayo            brahmane vaggamuttame
                  gathasatani cattari              tevisa ca punapare
                  dhammapade nipatamhi              desitadiccabandhuna.
                                    Dhammapadam nitthitam.
@Footnote: 1 maggavagge addhaattharasa gathati dissati .  2 tanhavagge sattavisati gathati
@dissati.



             The Pali Tipitaka in Roman Character Volume 25 page 67-72. http://84000.org/tipitaka/pitaka_item/roman_item_s.php?book=25&item=36&items=2&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=25&item=36&items=2&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=36&items=2&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=36&items=2&modeTY=2              Study Atthakatha :- http://84000.org/tipitaka/attha/attha.php?b=25&i=36              The Pali Atthakatha in Thai :- http://84000.org/tipitaka/atthapali/read_th.php?B=25&A=2016              The Pali Atthakatha in Roman :- http://84000.org/tipitaka/atthapali/read_rm.php?B=25&A=2016              Contents of The Tipitaka Volume 25 http://84000.org/tipitaka/read/?index_25

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :