paliTIPITAKA Volume 25 - Sutta Pitaka 17

[304] |304.514| Parabhavantam purisam mayam pucchama gotamam ^1- bhagavantam putthumagamma kim parabhavato mukham. |304.515| Suvijano bhavam hoti duvijano *- parabhavo dhammakamo bhavam hoti dhammadessi parabhavo |304.516| iti hetam vijanama pathamo so parabhavo. Dutiyam bhagava bruhi kim parabhavato mukham. |304.517| Asantassa piya honti sante na kurute piyam asatam dhammam roceti tam parabhavato mukham |304.518| iti hetam vijanama dutiyo so parabhavo. Tatiyam bhagava bruhi kim parabhavato mukham. |304.519| Niddasili sabhasili anutthata ca yo naro alaso kodhapannano tam parabhavato mukham @Footnote: ¹ Po. Ma. gotama. @* ”nachaeSeachStathasSnagiti —laAachaeSea PTS peDna suvijano

--------------------------------------------------------------------------------------------- page347.

|304.520| Iti hetam vijanama tatiyo so parabhavo. Catuttham bhagava bruhi kim parabhavato mukham. |304.521| Yo mataram va ^1- pitaram va jinnakam gatayobbanam pahusanto na bharati tam parabhavato mukham |304.522| iti hetam vijanama catuttho so parabhavo. Pancamam bhagava bruhi kim parabhavato mukham. |304.523| Yo brahmanam va ^2- samanam va annam vapi vanibbakam musavadena vanceti tam parabhavato mukham |304.524| iti hetam vijanama pancamo so parabhavo. Chatthamam bhagava bruhi kim parabhavato mukham. |304.525| Pahutavitto ^3- puriso sahiranno sabhojano eko bhunjati saduni tam parabhavato mukham |304.526| iti hetam vijanama chatthamo so parabhavo. Sattamam bhagava bruhi kim parabhavato mukham. |304.527| Jatithaddho dhanathaddho gottathaddho ca yo naro sannatim atimanneti tam parabhavato mukham |304.528| iti hetam vijanama sattamo so parabhavo. Atthamam bhagava bruhi kim parabhavato mukham. |304.529| Itthidhutto suradhutto akkhadhutto ca yo naro laddham laddham vinaseti tam parabhavato mukham @Footnote: ^1-2 Ma. vasaddo natthi . ³ Ma. Yu. pahutavitto.

--------------------------------------------------------------------------------------------- page348.

|304.530| Iti hetam vijanama atthamo so parabhavo. Navamam bhagava bruhi kim parabhavato mukham. |304.531| Sehi darehi asantuttho vesiyasu padussati ^1- dussati ^2- paradaresu tam parabhavato mukham |304.532| iti hetam vijanama navamo so parabhavo. Dasamam bhagava bruhi kim parabhavato mukham. |304.533| Atitayobbano poso aneti timbarutthanim tassa issa na supati tam parabhavato mukham |304.534| iti hetam vijanama dasamo so parabhavo. Ekadasamam bhagava bruhi kim parabhavato mukham. |304.535| Itthim ^3- sondim vikiranim purisam vapi tadisam issariyasmim thapeti ^4- tam parabhavato mukham |304.536| iti hetam vijanama ekadasamo parabhavo. Dvadasamam bhagava bruhi kim parabhavato mukham. |304.537| Appabhogo mahatanho khattiye jayate kule so ^5- ca rajjam patthayati tam parabhavato mukham. |304.538| Ete parabhave loke pandito samavekkhiya ariyadassanasampanno sa lokam bhajate sivanti. Parabhavasuttam chattham. --------- @Footnote: ¹ Yu. padissati . ² Yu. dissati . ³ Yu. itthisondim . ⁴ Yu. thapeti. @⁵ Yu. sodha.

The Pali Tipitaka in Roman Character Volume 25 page 346-348. http://84000.org/tipitaka/pitaka_item/roman_item_s.php?book=25&item=304&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=25&item=304&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=304&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=304&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=25&i=304 The Pali Atthakatha in Thai :- http://84000.org/tipitaka/atthapali/read_th.php?B=28&A=4071 The Pali Atthakatha in Roman :- http://84000.org/tipitaka/atthapali/read_rm.php?B=28&A=4071 Contents of The Tipitaka Volume 25 http://84000.org/tipitaka/read/?index_25