บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[112] 22 Ekam samayam bhagava vajjisu viharati hatthigame. Tatra kho bhagava bhikkhu amantesi atthahi bhikkhave acchariyehi abbhutadhammehi samannagatam uggam gahapatim hatthigamakam dharethati . idamavoca bhagava idam vatvana sugato utthayasana viharam pavisi . athakho annataro bhikkhu pubbanhasamayam nivasetva pattacivaramadaya @Footnote: 1 Si. katamehipaham. Yu. katamehipaham . 2 Ma. dharehiti. evamuparipi. Yena uggassa gahapatino hatthigamakassa nivesanam tenupasankami upasankamitva pannatte asane nisidi . athakho uggo gahapati hatthigamako yena so bhikkhu tenupasankami upasankamitva tam bhikkhum abhivadetva ekamantam nisidi . ekamantam nisinnam kho uggam gahapatim hatthigamakam so bhikkhu etadavoca atthahi kho tvam gahapati acchariyehi abbhutadhammehi samannagato bhagavata byakato katame te gahapati attha acchariya abbhutadhamma yehi tvam samannagato bhagavata byakatoti. {112.1} Na kho aham bhante janami katamehi atthahi acchariyehi abbhutadhammehi samannagato bhagavata byakato api ca bhante ye me attha acchariya abbhutadhamma samvijjanti te sunahi sadhukam manasikarohi bhasissamiti . evam gahapatiti kho so bhikkhu uggassa gahapatino hatthigamakassa paccassosi . uggo gahapati hatthigamako etadavoca yadaham bhante nagavane paricaranto bhagavantam pathamam duratova addasam saha dassaneneva me bhante bhagavato cittam pasidi suramado ca pahiyyi ayam kho me bhante pathamo acchariyo abbhutadhammo samvijjati. {112.2} So kho aham bhante pasannacitto bhagavantam payirupasim tassa me bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi yada mam bhagava annasi kallacittam muducittam vinivaranacittam udaggacittam pasannacittam atha ya buddhanam samukkamsika Dhammadesana tam pakasesi dukkham samudayam nirodham maggam seyyathapi nama suddhavattham apagatakalakam sammadeva rajanam patigganheyya evameva kho me tasmimyeva asane virajam vitamalam dhammacakkhum udapadi yankinci samudayadhammam sabbantam nirodhadhammanti so kho aham bhante ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthu sasane tattheva buddhanca dhammanca sanghanca saranam agamasim brahmacariyapancamani ca sikkhapadani samadayim ayam kho me bhante dutiyo acchariyo abbhutadhammo samvijjati. {112.3} Tassa mayham bhante catasso komariyo pajapatiyo ahesum athakhvaham bhante yena ta pajapatiyo tenupasankamim upasankamitva ta pajapatiyo etadavocam maya kho bhaginiyo brahmacariyapancamani sikkhapadani samadinnani ya icchati sa imeva bhoge bhunjatu punnani ca karotu sakani va natikulani gacchatu hoti va pana purisadhippayo kassa vo dammiti evam vutte sa bhante jettha pajapati mam etadavoca itthannamassa mam ayyaputta purisassa dehiti athakho aham bhante tam purisam pakkosapetva vamena hatthena pajapatim gahetva dakkhinena hatthena bhingaram gahetva tassa purisassa onojesim komarim kho panaham bhante danam pariccajanto nabhijanami cittassa annathattam ayam kho me bhante tatiyo acchariyo abbhutadhammo samvijjati . samvijjanti Kho pana me bhante kule bhoga te ca kho appativibhatta silavantehi kalyanadhammehi ayam kho me bhante catuttho acchariyo abbhutadhammo samvijjati. {112.4} Yam kho panaham bhante bhikkhum payirupasami sakkaccamyeva payirupasami no asakkaccam so ce me ayasma dhammam desesi 1- sakkaccamyeva sunami no asakkaccam no ce me ayasma dhammam desesi 1- ahamassa dhammam desemi ayam kho me bhante pancamo acchariyo abbhutadhammo samvijjati. {112.5} Anacchariyam kho pana me bhante sanghe nimantite devata upasankamitva arocenti asoko gahapati bhikkhu ubhatobhagavimutto asoko pannavimutto asoko kayasakkhi asoko ditthippatto asoko saddhavimutto asoko dhammanusari asoko saddhanusari asoko silava kalyanadhammo asoko dussilo papadhammoti sangham kho panaham bhante parivisanto nabhijanami evam cittam uppadento imassa va thokam demi imassa va bahukanti athakhvaham bhante samacittova demi ayam kho me bhante chattho acchariyo abbhutadhammo samvijjati. {112.6} Anacchariyam kho pana mam bhante devata upasankamitva arocenti svakkhato gahapati bhagavata dhammoti evam vutte aham bhante ta devata evam vadami vadeyyatha va evam kho tumhe devate no va vadeyyatha athakho svakkhato bhagavata dhammoti na kho panaham bhante abhijanami tatonidanam cittassa unnanti mam va devata upasankamanti aham @Footnote: 1 Ma. deseti. Va devatahi saddhim sallapami ayam kho me bhante sattamo acchariyo abbhutadhammo samvijjati. {112.7} Sace kho panaham bhante bhagavata 1- pathamataram kalam kareyyam anacchariyam kho panetam yammam bhagava evam byakareyya natthi tam samyojanam yena samyojanena samyutto uggo gahapati hatthigamako puna imam lokam agaccheyyati ayam kho me bhante atthamo acchariyo abbhutadhammo samvijjati. {112.8} Ime kho bhante attha acchariya abbhutadhamma samvijjanti na ca kho aham janami katamehi caham atthahi acchariyehi abbhutadhammehi samannagato bhagavata byakatoti. {112.9} Athakho so bhikkhu uggassa gahapatino hatthigamakassa nivesane pindapatam gahetva utthayasana pakkami athakho so bhikkhu pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho so bhikkhu yavatako ahosi uggena gahapatina hatthigamakena saddhim kathasallapo tam sabbam bhagavato arocesi . sadhu sadhu bhikkhu yatha tam uggo gahapati hatthigamako samma byakaramano byakareyya imeheva kho bhikkhu atthahi acchariyehi abbhutadhammehi samannagato uggo gahapati hatthigamako maya byakato imehi ca pana bhikkhu atthahi acchariyehi abbhutadhammehi samannagatam uggam gahapatim hatthigamakam dharethati. @Footnote: 1 Ma. bhagavato.The Pali Tipitaka in Roman Character Volume 23 page 215-219. http://84000.org/tipitaka/pitaka_item/roman_item_s.php?book=23&item=112&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=23&item=112&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=112&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=112&items=1&modeTY=2 Study Atthakatha :- http://84000.org/tipitaka/attha/attha.php?b=23&i=112 The Pali Atthakatha in Thai :- http://84000.org/tipitaka/atthapali/read_th.php?B=16&A=5514 The Pali Atthakatha in Roman :- http://84000.org/tipitaka/atthapali/read_rm.php?B=16&A=5514 Contents of The Tipitaka Volume 23 http://84000.org/tipitaka/read/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]