paliTIPITAKA Volume 22 - Sutta Pitaka 14

[136] Pancahi bhikkhave angehi samannagato ranno khattiyassa muddhabhisittassa jettho putto uparajjam pattheti katamehi pancahi idha bhikkhave ranno khattiyassa muddhabhisittassa jettho putto ubhato sujato hoti matito ca pitito ca samsuddhagahaniko yava sattama pitamahayuga akkhitto anupakuttho jativadena abhirupo hoti dassaniyo pasadiko paramaya vannapokkharataya samannagato matapitunam piyo hoti manapo balakayassa piyo hoti manapo pandito hoti byatto medhavi patibalo atitanagatapaccuppanne atthe cintetum {136.1} tassa evam hoti aham khomhi ubhato sujato matito ca pitito ca samsuddhagahaniko yava sattama pitamahayuga akkhitto anupakuttho jativadena kasmaham uparajjam na pattheyyam aham khomhi abhirupo dassaniyo pasadiko paramaya vannapokkharataya samannagato kasmaham uparajjam na pattheyyam aham khomhi matapitunam piyo manapo kasmaham uparajjam na pattheyyam aham khomhi balakayassa piyo manapo kasmaham

--------------------------------------------------------------------------------------------- page174.

Uparajjam na pattheyyam aham khomhi pandito byatto medhavi patibalo atitanagatapaccuppanne atthe cintetum kasmaham uparajjam na pattheyyanti imehi kho bhikkhave pancahi angehi samannagato ranno khattiyassa muddhabhisittassa jettho putto uparajjam pattheti {136.2} evameva kho bhikkhave pancahi dhammehi samannagato bhikkhu asavanam khayam pattheti katamehi pancahi idha bhikkhave bhikkhu silava hoti .pe. Sikkhati sikkhapadesu bahussuto hoti .pe. ditthiya suppatividdha catusu satipatthanesu supatthitacitto hoti araddhaviriyo viharati akusalanam dhammanam pahanaya .pe. anikkhittadhuro kusalesu dhammesu pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya {136.3} tassa evam hoti aham khomhi silava .pe. Sikkhami sikkhapadesu kasmaham asavanam khayam na pattheyyam aham khomhi bahussuto sutadharo sutasannicayo .pe. ditthiya suppatividdha kasmaham asavanam khayam na pattheyyam aham khomhi catusu satipatthanesu supatthitacitto kasmaham asavanam khayam na pattheyyam aham khomhi araddhaviriyo viharami akusalanam dhammanam pahanaya .pe. Anikkhittadhuro kusalesu dhammesu kasmaham asavanam khayam na pattheyyam aham khomhi pannava .pe. sammadukkhakkhayagaminiya kasmaham asavanam khayam na pattheyyanti imehi kho bhikkhave pancahi dhammehi samannagato bhikkhu asavanam khayam patthetiti.

The Pali Tipitaka in Roman Character Volume 22 page 173-174. http://84000.org/tipitaka/pitaka_item/roman_item_s.php?book=22&item=136&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=22&item=136&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=136&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=136&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=22&i=136 The Pali Atthakatha in Thai :- http://84000.org/tipitaka/atthapali/read_th.php?B=16&A=1186 The Pali Atthakatha in Roman :- http://84000.org/tipitaka/atthapali/read_rm.php?B=16&A=1186 Contents of The Tipitaka Volume 22 http://84000.org/tipitaka/read/?index_22