paliTIPITAKA Volume 20 - Sutta Pitaka 12

[563] 124 Ekam samayam bhagava kusinarayam viharati baliharane vanasande . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum . bhagava etadavoca idha bhikkhave bhikkhu annataram gamam va nigamam va upanissaya viharati tamenam gahapati va gahapatiputto va upasankamitva svatanaya bhattena nimanteti akankhamano bhikkhave bhikkhu adhivaseti so tassa rattiya accayena pubbanhasamyam nivasetva pattacivaramadaya yena tassa gahapatissa va gahapatiputtassa va nivesanam tenupasankamati upasankamitva pannatte asane nisidati tamenam so gahapati va gahapatiputto va panitena khadaniyena bhojaniyena sahattha santappeti sampavareti tassa evam hoti sadhu vata mayam ^1- gahapati va gahapatiputto va panitena khadaniyena bhojaniyena sahattha santappeti sampavaretiti evampissa hoti aho vata mayam gahapati va gahapatiputto va ayatimpi evarupena panitena khadaniyena bhojaniyena sahattha @Footnote: ¹ Ma. mayayam. ito param idisameva.

--------------------------------------------------------------------------------------------- page354.

Santappeyya sampavareyyati so tam pindapatam gadhito ^1- mucchito ajjhopanno ^2- anadinavadassavi anissaranapanno paribhunjati so tattha kamavitakkampi vitakketi byapadavitakkampi vitakketi vihimsavitakkampi vitakketi {563.1} evarupassaham bhikkhave bhikkhuno dinnam na mahapphalam ^3- vadami tam kissa hetu pamatto hi bhikkhave bhikkhu viharati idha pana bhikkhave bhikkhu annataram gamam va nigamam va upanissaya viharati tamenam gahapati va gahapatiputto va upasankamitva svatanaya bhattena nimanteti akankhamano bhikkhave bhikkhu adhivaseti so tassa rattiya accayena pubbanhasamayam nivasetva pattacivaramadaya yena tassa gahapatissa va gahapatiputtassa va nivesanam tenupasankamati upasankamitva pannatte asane nisidati tamenam so gahapati va gahapatiputto va panitena khadaniyena bhojaniyena sahattha santappeti sampavareti tassa na evam hoti sadhu vata mayam gahapati va gahapatiputto va panitena khadaniyena bhojaniyena sahattha santappeti sampavaretiti evampissa na hoti aho vata mayam gahapati va gahapatiputto va ayatimpi evarupena panitena khadaniyena bhojaniyena sahattha santappeyya sampavareyyati so tam pindapatam agadhito amucchito anajjhopanno adinavadassavi nissaranapanno paribhunjati so tattha nekkhammavitakkampi vitakketi abyapadavitakkampi vitakketi avihimsavitakkampi vitakketi evarupassaham bhikkhave bhikkhuno dinnam @Footnote: ¹ Ma. gathito . ² Po. ajjhapanno . ³ Ma. Yu. mahapphalanuti. @ito param idisameva.

--------------------------------------------------------------------------------------------- page355.

Mahapphalam vadami tam kissa hetu appamatto hi bhikkhave bhikkhu viharatiti.

The Pali Tipitaka in Roman Character Volume 20 page 353-355. http://84000.org/tipitaka/pitaka_item/roman_item_s.php?book=20&item=563&items=1&pagebreak=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=20&item=563&items=1&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=563&items=1&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=563&items=1&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=20&i=563 The Pali Atthakatha in Thai :- http://84000.org/tipitaka/atthapali/read_th.php?B=15&A=6127 The Pali Atthakatha in Roman :- http://84000.org/tipitaka/atthapali/read_rm.php?B=15&A=6127 Contents of The Tipitaka Volume 20 http://84000.org/tipitaka/read/?index_20