ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
                       Navamasikkhapadam
     [669]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana  samayena  chabbaggiya
bhikkhu    janam   tathavadina   aritthena   bhikkhuna   akatanudhammena   tam
ditthim    appatinissatthena    saddhim    sambhunjantipi    samvasantipi    sahapi
seyyam  kappenti  .  ye  te  bhikkhu  appiccha  .pe.  te  ujjhayanti
khiyanti   vipacenti  katham  hi  nama  chabbaggiya  bhikkhu  janam  tathavadina
aritthena   bhikkhuna   akatanudhammena   tam   ditthim  appatinissatthena  saddhim
sambhunjissantipi    samvasissantipi   sahapi   seyyam   kappessantiti   .pe.
Saccam   kira   tumhe   bhikkhave   janam   tathavadina  aritthena  bhikkhuna
akatanudhammena    tam    ditthim    appatinissatthena    saddhim   sambhunjathapi
samvasathapi   sahapi   seyyam   kappethati   .  saccam  bhagavati  .  vigarahi
buddho   bhagava   katham   hi  nama  tumhe  moghapurisa  janam  tathavadina
aritthena   bhikkhuna   akatanudhammena   tam   ditthim  appatinissatthena  saddhim
sambhunjissathapi    samvasissathapi    sahapi    seyyam    kappessatha   netam
moghapurisa   appasannanam   va   pasadaya  pasannanam  va  bhiyyobhavaya
.pe. Evanca pana bhikkhave imam sikkhapadam uddiseyyatha
     {669.1}  yo pana bhikkhu janam tathavadina bhikkhuna akatanudhammena tam
ditthim  appatinissatthena  saddhim  sambhunjeyya  va  samvaseyya  va  saha  va
Seyyam kappeyya pacittiyanti.
     [670]  Yo  panati  yo  yadiso  .pe. Bhikkhuti .pe. Ayam imasmim
atthe  adhippeto  bhikkhuti  .  janati  nama  samam  va  janati anne
va   tassa  arocenti  so  va  aroceti  .  tathavadinati  tathaham
bhagavata   dhammam   desitam   ajanami  yatha  yeme  antarayika  dhamma
vutta   bhagavata  te  patisevato  nalam  antarayayati  evamvadina .
Akatanudhammo    nama    ukkhitto    anosarito    .    tam    ditthim
appatinissatthena   saddhinti   etam   ditthim   appatinissatthena   saddhim  .
Sambhunjeyya   vati   sambhogo   nama   dve  sambhoga  amisasambhogo
ca   dhammasambhogo   ca   .   amisasambhogo   nama  amisam  deti  va
patigganhati    va   apatti   pacittiyassa   .   dhammasambhogo   nama
uddisati   va   uddisapeti  va  .  padena  uddisati  va  uddisapeti
va   pade   pade   apatti   pacittiyassa  .  akkharaya  uddisati  va
uddasapeti   va   akkharakkharaya   apatti   pacittiyassa  .  samvaseyya
vati   ukkhittakena   saddhim   uposatham  va  pavaranam  va  sanghakammam  va
karoti  apatti  pacittiyassa  .  saha  va seyyam kappeyyati ekacchanne
ukkhittake   nipanne   bhikkhu   nipajjati   apatti  pacittiyassa  .  bhikkhu
nipanne   ukkhittako   nipajjati   apatti   pacittiyassa   .  ubho  va
nipajjanti   apatti   pacittiyassa   .   utthahitva   punappunam   nipajjati
apatti pacittiyassa.
     [671]   Ukkhittake   ukkhittakasanni   sambhunjati  va  samvasati  va
saha  va  seyyam  kappeti  apatti  pacittiyassa  .  ukkhittake vematiko
sambhunjati  va  samvasati  va  saha  va  seyyam kappeti apatti dukkatassa.
Ukkhittake   anukkhittakasanni   sambhunjati   va   samvasati   va   saha  va
seyyam   kappeti   anapatti   .   anukkhittake   ukkhittakasanni  apatti
dukkatassa  .  anukkhittake  vematiko  apatti  dukkatassa  .  anukkhittake
anukkhittakasanni anapatti.
     [672]   Anapatti   anukkhittoti  janati  ukkhitto  osaritoti
janati   ukkhitto   1-  tam  ditthim  patinissatthoti  janati  ummattakassa
adikammikassati.
                   Navamasikkhapadam nitthitam.
                        -------
@Footnote: 1 Ma. ayam patho natthi.



             The Pali Tipitaka in Roman Character Volume 2 page 438-440. http://84000.org/tipitaka/pitaka_item/roman_item_s.php?book=2&item=669&items=4&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=2&item=669&items=4&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=669&items=4&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=669&items=4&modeTY=2              Study Atthakatha :- http://84000.org/tipitaka/attha/attha.php?b=2&i=669              The Pali Atthakatha in Thai :- http://84000.org/tipitaka/atthapali/read_th.php?B=2&A=9826              The Pali Atthakatha in Roman :- http://84000.org/tipitaka/atthapali/read_rm.php?B=2&A=9826              Contents of The Tipitaka Volume 2 http://84000.org/tipitaka/read/?index_2

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :