TIPITAKA Volume 2 : PALI ROMAN
Vinaya Pitaka Vol 2 : Vinaya. Mahāvi (2)

page260.
                       Navamasikkhapadam
     [397]  Tena samayena buddho bhagava kosambiyam viharati ghositarame.
Tena   kho   pana   samayena  ayasmato  channassa  upatthako  mahamatto
ayasmato   channassa   viharam   karapeti  .  athakho  ayasma  channo
katapariyositam   viharam  punappunam  chadapesi  1-  punappunam  limpapesi  2-
atibhariko   3-   viharo  paripati  .  athakho  ayasma  channo  tinanca
katthanca   sankaddhanto   annatarassa   brahmanassa   yavakhettam  dusesi .
Athakho   so   brahmano   ujjhayati   khiyati   vipaceti  katham  hi  nama
bhaddanta amhakam yavakhettam dusessantiti.
     {397.1}   Assosum  kho  bhikkhu  tassa  brahmanassa  ujjhayantassa
khiyantassa   vipacentassa   .   ye   te  bhikkhu  appiccha  .pe.  te
ujjhayanti   khiyanti   vipacenti   katham   hi   nama   ayasma   channo
katapariyositam   viharam   punappunam   chadapessati   punappunam   limpapessati
atibhariko   viharo  paripatiti  .  athakho  te  bhikkhu  bhagavato  etamattham
arocesum   .pe.  saccam  kira  tvam  channa  katapariyositam  viharam  punappunam
chadapesi   punappunam   limpapesi   atibhariko   viharo   paripatiti  .
Saccam  bhagavati  .  vigarahi  buddho  bhagava  katham  hi  nama  tvam  moghapurisa
katapariyositam      viharam      punappunam      chadapessasi      punappunam
@Footnote: 1 Ma. Yu. chadapeti .  2 Ma. lepapeti. Yu. limpapeti. evamuparipi.
@3 Ma. Yu. atibharito. evamuparipi.
---------------------------------------------------------------------------------------------
page261.
Limpapessasi     atibhariko    viharo    paripati    netam    moghapurisa
appasannanam    va    pasadaya    .pe.    evanca    pana   bhikkhave
imam sikkhapadam uddiseyyatha
     {397.2}   mahallakam   pana   bhikkhuna  viharam  karayamanena  yava
dvarakosa    aggalatthapanaya    alokasandhiparikammaya    dvitticchadanassa
pariyayam   appaharite   thitena   adhitthatabbam   tato   ce   uttarim  1-
appaharitepi thito adhitthaheyya pacittiyanti.
     [398]  Mahallako  nama  viharo  sassamiko  vuccati  .  viharo
nama   ullitto   va   hoti  avalitto  va  ullittavalitto  va .
Karayamanenati  karonto  va  karapento  va . Yava dvarakosati
pitthisanghatassa    2-    samanta   hatthapasa   .   aggalatthapanayati
dvaratthapanaya     .     alokasandhiparikammayati    vatapanaparikammaya
setavannam     kalavannam    gerukavannam    3-    malakammam    latakammam
makaradantakam   pancapatthikam   4-   .   dvitticchadanassa  pariyayam  appaharite
thitena   adhitthatabbanti   haritam   nama   pubbannam   aparannam   .   sace
harite   thito   adhitthati   apatti  dukkatassa  .  maggena  chadentassa
dve   magge   adhitthahitva   tatiyam  maggam  anapetva  pakkamitabbam .
Pariyayena   chadentassa   dve   pariyaye  adhitthahitva  tatiyam  pariyayam
anapetva pakkamitabbam.
     [399]   Tato   ce   uttarim  appaharitepi  thito  adhitthaheyyati
@Footnote: 1 Ma. Yu. uttari .  2 Ma. pitthasanghatassa .  3 Ma. gerukaparikammam .  4 Ma.
@pancapatikam.
---------------------------------------------------------------------------------------------
page262.
Itthakaya    chadentassa    itthakitthakaya    apatti   pacittiyassa  .
Silaya   chadentassa   silaya   silaya  apatti  pacittiyassa  .  sudhaya
chadentassa    pinde    pinde    apatti   pacittiyassa   .   tinena
chadentassa    karale    karale   apatti   pacittiyassa   .   pannena
chadentassa panne panne apatti pacittiyassa.
     [400]  Atirekadvittipariyaye  1-  atirekasanni  adhitthati apatti
pacittiyassa   .   atirekadvittipariyaye   vematiko   adhitthati  apatti
pacittiyassa   .   atirekadvittipariyaye   unakasanni   adhitthati  apatti
pacittiyassa   .  unakadvittipariyaye  atirekasanni  apatti  dukkatassa .
Unakadvittipariyaye   vematiko  apatti  dukkatassa  .  unakadvittipariyaye
unakasanni anapatti.
     [401]   Anapatti   dvittipariyaye   unakadvittipariyaye   lene
guhaya    tinakutikaya    annassatthaya    attano    dhanena   vasagaram
thapetva sabbattha anapatti ummattakassa adikammikassati.
                   Navamasikkhapadam nitthitam.
                              -------
@Footnote: 1 Ma. atirekadvattipariyaye. evamidisesu pathesu.


             The Pali Tipitaka in Roman Character Volume 2 page 260-262.
http://84000.org/tipitaka/pitaka_item/roman_item_s.php?book=2&item=397&items=5&pagebreak=1&modeTY=2
             Classified by [Item Number] :-
http://84000.org/tipitaka/pitaka_item/roman_item_s.php?book=2&item=397&items=5&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=2&item=397&items=5&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=2&item=397&items=5&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=2&i=397
             The Pali Atthakatha in Thai :-
http://84000.org/tipitaka/atthapali/read_th.php?B=2&A=7312
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=7312
             Contents of The Tipitaka Volume 2
http://84000.org/tipitaka/read/?index_2