ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

page85.

Sattamasikkhapadam [101] Tena samayena buddho bhagava sakkesu viharati kapilavatthusmim nigrodharame . tena kho pana samayena chabbaggiya bhikkhu bhikkhunihi elakalomani dhovapentipi rajapentipi vijatapentipi . bhikkhuniyo elakalomani dhovantiyo rajantiyo vijatentiyo rincanti uddesam paripuccham adhisilam adhicittam adhipannam . athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . ekamantam thitam kho mahapajapatim gotamim bhagava etadavoca kacci gotami bhikkhuniyo appamatta atapiniyo pahitatta viharantiti . kuto bhante bhikkhuninam appamado ayya chabbaggiya [1]- bhikkhunihi elakalomani dhovapentipi rajapentipi vijatapentipi bhikkhuniyo elakalomani dhovantiyo rajantiyo vijatentiyo rincanti uddesam paripuccham adhisilam adhicitatam adhipannanti. {101.1} Athakho bhagava mahapajapatim gotamim dhammiya kathaya sandassesi samadapesi samuttejesi sampahamsesi . athakho mahapajapati gotami bhagavata dhammiya kathaya sandassita samadapita samuttejita sampahamsita bhagavantam abhivadetva padakkhinam katva pakkami. Athakho bhagava @Footnote: 1 ito param sabbattha bhikkhuti patho dissati. so atirekoti datthabbo.

--------------------------------------------------------------------------------------------- page86.

Etasmim nidane etasmim pakarane bhikkhusangham sannipatapetva chabbaggiye bhikkhu patipucchi saccam kira tumhe bhikkhave bhikkhunihi elakalomani dhovapethapi rajapethapi vijatapethapiti . saccam bhagavati. Natikayo tumhakam bhikkhave annatikayoti . annatikayo bhagavati . annataka 1- moghapurisa annatikanam na jananti patirupam va appatirupam va pasadikam va apasadikam va tattha nama tumhe moghapurisa annatikahi bhikkhunihi elakalomani dhovapessathapi rajapessathapi vijatapessathapi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {101.2} yo pana bhikkhu annatikaya bhikkhuniya elakalomani dhovapeyya va rajapeyya va vijatapeyya va nissaggiyam pacittiyanti. [102] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . Annatika nama matito va pitito va yava sattama pitamahayuga asambaddha . bhikkhuni nama ubhatosanghe upasampanna . Dhovati anapeti apatti dukkatassa dhotani nissaggiyani honti . Rajati anapeti apatti dukkatassa rattani nissaggiyani honti . Vijatehiti anapeti apatti dukkatassa vijatitani nissaggiyani honti nissajjitabbani sanghassa va ganassa va puggalassa va . @Footnote: 1 Ma. annatika.

--------------------------------------------------------------------------------------------- page87.

Evanca pana bhikkhave nissajjitabbani .pe. imani me bhante elakalomani annatikaya bhikkhuniya dhovapitani nissaggiyani imanaham sanghassa nissajjamiti .pe. dadeyyati .pe. dadeyyunti .pe. Ayasmato dammiti. [103] Annatikaya annatikasanni elakalomani dhovapeti nissaggiyam pacittiyam . annatikaya annatikasanni elakalomani dhovapeti rajapeti nissaggiyena apatti dukkatassa . annatikaya annatikasanni elakalomani dhovapeti vijatapeti nissaggiyena apatti dukkatassa . annatikaya annatikasanni elakalomani dhovapeti rajapeti vijatapeti nissaggiyena apatti dvinnam dukkatanam. {103.1} Annatikaya annatikasanni elakalomani rajapeti nissaggiyam pacittiyam . annatikaya annatikasanni elakalomani rajapeti vijatapeti nissaggiyena apatti dukkatassa . annatikaya annatikasanni elakalomani rajapeti dhovapeti nissaggiyena apatti dukkatassa . annatikaya annatikasanni elakalomani rajapeti vijatapeti dhovapeti nissaggiyena apatti dvinnam dukkatanam. {103.2} Annatikaya annatikasanni elakalomani vijatapeti nissaggiyam pacittiyam . annatikaya annatikasanni elakalomani vijatapeti dhovapeti nissaggiyena apatti dukkatassa . annatikaya annatikasanni elakalomani vijatapeti rajapeti nissaggiyena

--------------------------------------------------------------------------------------------- page88.

Apatti dukkatassa . annatikaya annatikasanni elakalomani vijatapeti dhovapeti rajapeti nissaggiyena apatti dvinnam dukkatanam. {103.3} Annatikaya vematiko .pe. annatikaya natikasanni .pe. annassa elakalomani dhovapeti apatti dukkatassa . Ekato upasampannaya dhovapeti apatti dukkatassa . natikaya annatika- sanni apatti dukkatassa . natikaya vematiko apatti dukkatassa. Natikaya natikasanni anapatti. [104] Anapatti natikaya dhovantiya annatika dutiya hoti avutta dhovati aparibhuttam katabhandam dhovapeti sikkhamanaya samaneriya ummattakassa adikammikassati. Sattamasikkhapadam nitthitam. -------


             The Pali Tipitaka in Roman Character Volume 2 page 85-88. http://www.84000.org/tipitaka/pitaka_item/roman_item_s.php?book=2&item=101&items=4&pagebreak=1&modeTY=2              Classified by [Item Number] :- http://www.84000.org/tipitaka/pitaka_item/roman_item_s.php?book=2&item=101&items=4&pagebreak=1&modeTY=2&mode=bracket              Compare with The Pali Tipitaka in Thai Character :- http://www.84000.org/tipitaka/read/pali_item_s.php?book=2&item=101&items=4&pagebreak=1&modeTY=2              Compare with The Royal Version of Thai Tipitaka :- http://www.84000.org/tipitaka/read/byitem_s.php?book=2&item=101&items=4&pagebreak=1&modeTY=2              Study Atthakatha :- http://www.84000.org/tipitaka/attha/attha.php?b=2&i=101              The Pali Atthakatha in Thai :- http://www.84000.org/tipitaka/atthapali/read_th.php?B=2&A=4705              The Pali Atthakatha in Roman :- http://www.84000.org/tipitaka/atthapali/read_rm.php?B=2&A=4705              Contents of The Tipitaka Volume 2 http://www.84000.org/tipitaka/read/?index_2

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :