paliTIPITAKA Volume 19 - Sutta Pitaka 11

[773] Ekam samayam ayasma ca anando ayasma ca bhaddo pataliputte viharanti kukkutarame . atha kho ayasma bhaddo sayanhasamayam patisallana vutthito yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho ayasma bhaddo ayasmantam anandam etadavoca [774] Ko nu kho avuso ananda hetu ko paccayo yena saddhammaparihanam hoti . ko nu kho avuso ananda hetu ko paccayo yena saddhammaaparihanam hotiti . sadhu sadhu avuso bhadda bhaddako kho te avuso bhadda ummaggo bhaddakam patibhanam kalyani paripuccha . evanhi tvam avuso bhadda pucchasi ko nu kho avuso ananda hetu ko paccayo yena Saddhammaparihanam hoti . ko panavuso ananda hetu ko paccayo yena saddhammaaparihanam hotiti. Evamavusoti. [775] Catunnam kho avuso satipatthananam abhavitatta abahulikatatta saddhammaparihanam hoti . catunnam ca kho avuso satipatthananam bhavitatta bahulikatatta saddhammaaparihanam hoti . Katamesam catunnam . idhavuso bhikkhu kaye kayanupassi viharati atapi sampajano satima vineyya loke abhijjhadomanassam . vedanasu citte dhammesu dhammanupassi viharati atapi sampajano satima vineyya loke abhijjhadomanassam . imesam kho avuso catunnam satipatthananam abhavitatta abahulikatatta saddhammaparihanam hoti . Imesam ca kho avuso catunnam satipatthananam bhavitatta bahulikatatta saddhammaaparihanam hotiti.

The Pali Tipitaka in Roman Character Volume 19 page 230-231. http://84000.org/tipitaka/pitaka_item/roman_item_s.php?book=19&item=773&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=773&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=773&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=773&items=3&modeTY=2 Study Atthakatha :- http://84000.org/tipitaka/attha/attha.php?b=19&i=773 The Pali Atthakatha in Thai :- http://84000.org/tipitaka/atthapali/read_th.php?B=13&A=6623 The Pali Atthakatha in Roman :- http://84000.org/tipitaka/atthapali/read_rm.php?B=13&A=6623 Contents of The Tipitaka Volume 19 http://84000.org/tipitaka/read/?index_19