บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1703] Savatthi . cattarimani bhikkhave ariyasaccani . Katamani cattari . dukkham ariyasaccam .pe. dukkhanirodhagaminipatipada ariyasaccam . imani kho bhikkhave cattari ariyasaccani . Imesam kho bhikkhave catunnam ariyasaccanam yathabhutam abhisambuddhatta tathagato araham sammasambuddhoti vuccati . tasma tiha bhikkhave idam dukkhanti yogo karaniyo .pe. ayam dukkhanirodhagamini patipadati yogo karaniyoti. [1704] Savatthi . ye hi keci bhikkhave atitamaddhanam arahanto sammasambuddha yathabhutam abhisambujjhimsu sabbe te cattari ariyasaccani yathabhutam abhisambujjhimsu . yepi 1- hi keci bhikkhave anagatamaddhanam arahanto sammasambuddha yathabhutam abhisambujjhissanti sabbe te cattari ariyasaccani yathabhutam abhisambujjhissanti . yepi hi keci bhikkhave etarahi arahanto sammasambuddha yathabhutam abhisambujjhanti @Footnote: 1 Po. Ma. ye hi keci. evamuparipi. Sabbe te cattari ariyasaccani yathabhutam abhisambujjhanti . katamani cattari . dukkham ariyasaccam dukkhasamudayo ariyasaccam dukkhanirodho ariyasaccam dukkhanirodhagaminipatipada ariyasaccam . yepi hi keci bhikkhave atitamaddhanam arahanto sammasambuddha yathabhutam abhisambujjhimsu abhisambujjhissanti abhisambujjhanti sabbe te imani cattari ariyasaccani yathabhutam abhisambujjhanti . tasma tiha bhikkhave idam dukkhanti yogo karaniyo .pe. ayam dukkhanirodhagamini patipadati yogo karaniyoti. [1705] Janato aham bhikkhave passato asavanam khayam vadami no ajanato apassato . kinca bhikkhave janato kim 1- passato asavanam khayo hoti . idam dukkhanti bhikkhave janato passato asavanam khayo hoti ayam dukkhasamudayoti janato passato asavanam khayo hoti ayam dukkhanirodhoti janato passato asavanam khayo hoti ayam dukkhanirodhagamini patipadati janato passato asavanam khayo hoti . evam kho bhikkhave janato evam passato asavanam khayo hoti . tasma tiha bhikkhave idam dukkhanti yogo karaniyo .pe. Ayam dukkhanirodhagamini patipadati yogo karaniyoti. [1706] Ye hi keci bhikkhave anukampeyyatha ye ca sotabbam manneyyum mitta va amacca va nati va salohita va te vo bhikkhave catunnam ariyasaccanam yathabhutam abhisamayaya samadapetabba @Footnote: 1 Ma. Yu. ayam patho natthi. Nivesetabba patitthapetabba . katamesam catunnam . dukkhassa ariyasaccassa dukkhasamudayassa ariyasaccassa dukkhanirodhassa ariyasaccassa dukkhanirodhagaminipatipadaya ariyasaccassa . ye hi keci bhikkhave anukampeyyatha ye ca sotabbam manneyyum mitta va amacca va nati va salohita va .pe. te vo bhikkhave imesam catunnam ariyasaccanam yathabhutam abhisamayaya samadapetabba nivesetabba patitthapetabba . tasma tiha bhikkhave idam dukkhanti yogo karaniyo .pe. Ayam dukkhanirodhagamini patipadati yogo karaniyoti.The Pali Tipitaka in Roman Character Volume 19 page 543-545. http://84000.org/tipitaka/pitaka_item/roman_item_s.php?book=19&item=1703&items=4&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1703&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1703&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1703&items=4&modeTY=2 Study Atthakatha :- http://84000.org/tipitaka/attha/attha.php?b=19&i=1703 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]