paliTIPITAKA Volume 19 - Sutta Pitaka 11

Dutiyavaggo dutiyo [1285] Ekam samayam ayasma anuruddho savatthiyam viharati jetavane anathapindikassa arame . atha kho sambahula bhikkhu yenayasma anuruddho tenupasankamimsu upasankamitva ayasmata anuruddhena .pe. ekamantam nisinna kho te bhikkhu ayasmantam anuruddham etadavocum katamesam ayasma anuruddho dhammanam bhavitatta bahulikatatta mahabhinnattam pattoti. [1286] Catunnam khvaham avuso satipatthananam bhavitatta bahulikatatta mahabhinnattam patto . katamesam catunnam . idhaham avuso kaye kayanupassi viharami . vedanasu citte dhammesu dhammanupassi viharami atapi sampajano satima vineyya loke abhijjhadomanassam . imesam khvaham avuso catunnam satipatthananam bhavitatta bahulikatatta mahabhinnattam patto . imesanca panaham avuso catunnam satipatthananam bhavitatta bahulikatatta kappasahassam anussaramiti. [1287] Imesanca panaham avuso catunnam satipatthananam bhavitatta bahulikatatta anekavihitam iddhividham paccanubhomi ekopi hutva bahudha homi .pe. Yava brahmalokapi kayena vasam vattemiti. [1288] Imesanca panaham avuso catunnam satipatthananam bhavitatta bahulikatatta dibbaya sotadhatuya visuddhaya atikkantamanusikaya ubho sadde sunami dibbe ca manuse ca ye dure santike cati. [1289] Imesanca panaham avuso catunnam satipatthananam bhavitatta bahulikatatta parasattanam parapuggalanam cetasa ceto paricca janami saragam va cittam saragam cittanti pajanami .pe. Vimuttam cittanti pajanamiti. [1290] Imesanca panaham avuso catunnam satipatthananam bhavitatta bahulikatatta thananca thanato atthananca atthanato yathabhutam pajanamiti. [1291] Imesanca panaham avuso catunnam satipatthananam bhavitatta bahulikatatta atitanagatapaccuppannanam kammasamadananam thanaso hetuso vipakam yathabhutam pajanamiti. [1292] Imesanca panaham avuso catunnam satipatthananam bhavitatta bahulikatatta sabbatthagaminipatipadam yathabhutam pajanamiti. [1293] Imesanca panaham avuso catunnam satipatthananam bhavitatta bahulikatatta anekadhatunanadhatulokam yathabhutam pajanamiti. [1294] Imesanca panaham avuso catunnam satipatthananam bhavitatta bahulikatatta sattanam nanadhimuttikatam yathabhutam pajanamiti. [1295] Imesanca panaham avuso catunnam satipatthananam bhavitatta bahulikatatta parasattanam parapuggalanam indriyaparopariyattam yathabhutam pajanamiti. [1296] Imesanca panaham avuso catunnam satipatthananam bhavitatta bahulikatatta jhanavimokkhasamadhisamapattinam sankilesam vodanam vutthanam yathabhutam pajanamiti. [1297] Imesanca panaham avuso catunnam satipatthananam bhavitatta bahulikatatta anekavihitam pubbenivasam anussarami . Seyyathidam . ekampi jatim dvepi jatiyo .pe. Iti sakaram sauddesam anekavihitam pubbenivasam anussaramiti. [1298] Imesanca panaham avuso catunnam satipatthananam bhavitatta bahulikatatta dibbena cakkhuna visuddhena atikkantamanusakena satte passami cavamane upapajjamane .pe. iti dibbena cakkhuna visuddhena atikkantamanusakena .pe. Yathakammupage satte pajanamiti. [1299] Imesanca panaham avuso catunnam satipatthananam bhavitatta bahulikatatta asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharamiti. Dutiyo vaggo. Tassuddanam sahassam iddhi atha pana cetopariccatthanametini patidoliko nanadhimutti indriyam jananti tisso vijjati ^1-. Anuruddhasamyuttam nitthitam. ------- @Footnote: ¹ Ma. mahabhinnam iddhi dibbam ceto pariyam thanam kammam @ sabbattha dhatudhimutti jhanam tisso vijjati.

The Pali Tipitaka in Roman Character Volume 19 page 388-391. http://84000.org/tipitaka/pitaka_item/roman_item_s.php?book=19&item=1285&items=15&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1285&items=15&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1285&items=15&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1285&items=15&modeTY=2 Study Atthakatha :- http://84000.org/tipitaka/attha/attha.php?b=19&i=1285 The Pali Atthakatha in Thai :- http://84000.org/tipitaka/atthapali/read_th.php?B=13&A=7461 The Pali Atthakatha in Roman :- http://84000.org/tipitaka/atthapali/read_rm.php?B=13&A=7461 Contents of The Tipitaka Volume 19 http://84000.org/tipitaka/read/?index_19