paliTIPITAKA Volume 16 - Sutta Pitaka 8

Kalarakhattiyavaggo catuttho [98] Ekam samayam bhagava savatthiyam viharati ... Tatra kho bhagava ayasmantam sariputtam amantesi vuttamidam sariputta parayane ajitapanhe ye ca sankhatadhammase ye ca sekkha puthu idha tesamme nipako iriyam puttho ca ^1- bruhi marisati imassa nu kho sariputta sankhittena bhasitassa katham vittharena attho datthabboti. [99] Evam vutte ayasma sariputto tunhi ahosi . Dutiyampi kho bhagava ayasmantam sariputtam amantesi .pe. Dutiyampi kho ayasma sariputto tunhi ahosi . tatiyampi kho bhagava ayasmantam sariputtam amantesi vuttamidam sariputta parayane ajitapanhe ye ca sankhatadhammase ye ca sekkha puthu idha tesamme nipako iriyam puttho ca bruhi marisati imassa nu kho sariputta sankhittena bhasitassa katham vittharena attho datthabboti . evam vutte ^2- tatiyampi kho ayasma sariputto tunhi ahosi. [100] Bhutamidanti sariputta passasiti . bhutamidanti bhante @Footnote: ¹ Ma. casaddo natthi. Yu. me. evamuparipi . ² Ma. Yu. idam pathadvayam natthi. Yathabhutam sammappannaya passati bhutamidanti yathabhutam sammappannaya disva bhutassa nibbidaya viragaya nirodhaya patipanno hoti tadahara sambhavanti yathabhutam sammappannaya passati tadahara sambhavanti yathabhutam sammappannaya disva aharasambhavassa nibbidaya viragaya nirodhaya patipanno hoti tadaharanirodha yam bhutam tam nirodhadhammanti yathabhutam sammappannaya passati tadaharanirodha yam bhutam tam nirodhadhammanti yathabhutam sammappannaya disva nirodhadhammassa nibbidaya viragaya nirodhaya patipanno hoti . evam kho bhante sekkho hoti. [101] Kathanca bhante sankhatadhammo hoti . bhutamidanti bhante yathabhutam sammappannaya passati bhutamidanti yathabhutam sammappannaya disva bhutassa nibbida viraga nirodha anupada vimutto hoti tadahara sambhavanti yathabhutam sammappannaya passati tadahara sambhavanti yathabhutam sammappannaya disva aharasambhavassa nibbida viraga nirodha anupada vimutto hoti tadaharanirodha yam bhutam tam nirodhadhammanti yathabhutam sammappannaya passati tadaharanirodha yam bhutam tam nirodhadhammanti yathabhutam sammappannaya disva nirodhadhammassa nibbida viraga nirodha anupada vimutto hoti . evam kho bhante sankhatadhammo hoti . Iti kho bhante yam tam vuttam parayane ajitapanhe Ye ca sankhatadhammase ye ca sekkha puthu idha tesamme nipako iriyam puttho ca bruhi marisati imassa khoham bhante sankhittena bhasitassa evam vittharena attham ajanamiti. [102] Sadhu sadhu sariputta bhutamidanti sariputta yathabhutam sammappannaya passati bhutamidanti yathabhutam sammappannaya disva bhutassa nibbidaya viragaya nirodhaya patipanno hoti tadahara sambhavanti yathabhutam sammappannaya passati tadahara sambhavanti yathabhutam sammappannaya disva aharasambhavassa nibbidaya viragaya nirodhaya patipanno hoti tadaharanirodha yam bhutam tam nirodhadhammanti yathabhutam sammappannaya passati tadaharanirodha yam bhutam tam nirodhadhammanti yathabhutam sammappannaya disva nirodhadhammassa nibbidaya viragaya nirodhaya patipanno hoti . evam kho sariputta sekkho hoti. [103] Kathanca sariputta sankhatadhammo hoti . bhutamidanti sariputta yathabhutam sammappannaya passati bhutamidanti yathabhutam sammappannaya disva bhutassa nibbida viraga nirodha anupada vimutto hoti tadahara sambhavanti yathabhutam sammappannaya passati tadahara sambhavanti yathabhutam sammappannaya disva aharasambhavassa nibbida viraga nirodha anupada vimutto hoti Tadaharanirodha yam bhutam tam nirodhadhammanti yathabhutam sammappannaya passati tadaharanirodha yam bhutam tam nirodhadhammanti yathabhutam sammappannaya disva nirodhadhammassa nibbida viraga nirodha anupada vimutto hoti . evam kho sariputta sankhatadhammo hoti. Iti kho sariputta yam tam vuttam parayane ajitapanhe ye ca sankhatadhammase ye ca sekkha puthu idha tesamme nipako iriyam puttho ca bruhi marisati imassa kho sariputta sankhittena bhasitassa evam vittharena attho datthabboti. Pathamam.

The Pali Tipitaka in Roman Character Volume 16 page 56-59. http://84000.org/tipitaka/pitaka_item/roman_item_s.php?book=16&item=98&items=6&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=16&item=98&items=6&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=98&items=6&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=98&items=6&modeTY=2 Study Atthakatha :- http://84000.org/tipitaka/attha/attha.php?b=16&i=98 The Pali Atthakatha in Thai :- http://84000.org/tipitaka/atthapali/read_th.php?B=12&A=1525 The Pali Atthakatha in Roman :- http://84000.org/tipitaka/atthapali/read_rm.php?B=12&A=1525 Contents of The Tipitaka Volume 16 http://84000.org/tipitaka/read/?index_16