Anamataggasamyuttam
------
pathamavaggo pathamo
[421] Evamme sutam ekam samayam bhagava savatthiyam viharati
jetavane anathapindikassa arame . tatra kho .pe. etadavoca
anamataggoyam bhikkhave samsaro pubba koti na pannayati avijjanivarananam
sattanam tanhasannojananam sandhavatam samsaratam.
[422] Seyyathapi bhikkhave puriso yam imasmim jambudipe
tinakatthasakhapalasam tacchetva ekajjham samhareyya ekajjham samharitva
caturangulam caturangulam ghatikam karitva nikkhipeyya ayam me mata
tassa me matu ayam matati . apariyadinna ca bhikkhave tassa
purisassa matu mataro assu atha imasmim jambudipe tinakatthasakhapalasam
parikkhayam pariyadanam gaccheyya tam kissa hetu anamataggoyam bhikkhave
samsaro pubba koti na pannayati avijjanivarananam sattanam
tanhasannojananam sandhavatam samsaratam evam digharattam kho 1-
bhikkhave dukkham paccanubhutam tippam paccanubhutam byasanam paccanubhutam
katasi 2- vaddhita . yavancidam bhikkhave alameva sabbasankharesu
nibbinditum alam virajjitum alam vimuccitunti. Pathamam.
[423] Savatthiyam viharati ... tatra kho bhagava ... Anamataggoyam
@Footnote: 1 Ma. Yu. vo. evamuparipi . 2 Po. Yu. katasi.
Bhikkhave samsaro pubba koti na pannayati avijjanivarananam
sattanam tanhasannojananam sandhavatam samsaratam.
[424] Seyyathapi bhikkhave puriso imam mahapathavim kolatthimattam
kolatthimattam gulikam 1- karitva nikkhipeyya ayam [2]- me pita tassa
me pitu ayam pitati . apariyadinna ca bhikkhave tassa purisassa
pitu pitaro assu athayam mahapathavi parikkhayam pariyadanam gaccheyya
tam kissa hetu anamataggoyam bhikkhave samsaro pubba koti na
pannayati avijjanivarananam sattanam tanhasannojananam sandhavatam
samsaratam evam digharattam kho bhikkhave dukkham paccanubhutam tippam paccanubhutam
byasanam paccanubhutam katasi vaddhita . yavancidam bhikkhave alameva
sabbasankharesu nibbinditum alam virajjitum alam vimuccitunti. Dutiyam.
[425] Savatthiyam viharati ... tatra kho bhagava ... Anamataggoyam
bhikkhave samsaro .pe. tam kim mannatha bhikkhave katamam nu kho bahutaram
yam va vo imina dighena addhuna sandhavatam samsaratam
amanapasampayoga manapavippayoga kandantanam rodantanam
assu pasandam paggharitam yam va catusu mahasamuddesu udakanti .
Yatha kho mayam bhante bhagavata dhammam desitam ajanama etadeva
bhante bahutaram yam no imina dighena addhuna sandhavatam samsaratam
amanapasampayoga manapavippayoga kandantanam rodantanam
assu pasandam paggharitam na tveva catusu mahasamuddesu udakanti.
@Footnote: 1 Ma. Yu. mattikagulikam . 2 Yu. kho.
[426] Sadhu sadhu bhikkhave sadhu kho me tumhe bhikkhave
evam dhammam desitam ajanatha etadeva bhikkhave bahutaram yam vo
imina dighena addhuna sandhavatam samsaratam amanapasampayoga
manapavippayoga kandantanam rodantanam assu pasandam paggharitam na
tveva catusu mahasamuddesu udakam . digharattam vo bhikkhave matumaranam
paccanubhutam tesam vo matumaranam paccanubhontanam amanapasampayoga
manapavippayoga kandantanam rodantanam assu pasandam paggharitam na
tveva catusu mahasamuddesu udakam . digharattam vo bhikkhave pitumaranam
paccanubhutam ... bhatumaranam paccanubhutam ... bhaginimaranam paccanubhutam ...
Puttamaranam paccanubhutam ... dhitumaranam paccanubhutam ... natibyasanam
paccanubhutam ... bhogabyasanam paccanubhutam ... digharattam vo bhikkhave
rogabyasanam paccanubhutam tesam vo rogabyasanam paccanubhontanam
amanapasampayoga manapavippayoga kandantanam rodantanam
assu pasandam paggharitam na tveva catusu mahasamuddesu udakam tam
kissa hetu anamataggoyam bhikkhave samsaro .pe. yavancidam
bhikkhave alameva sabbasankharesu nibbinditum alam virajjitum alam
vimuccitunti. Tatiyam.
[427] Savatthiyam viharati ... tatra kho bhagava ... Anamataggoyam
bhikkhave samsaro .pe. tam kim mannatha bhikkhave katamam nu kho
bahutaram yam va vo imina dighena addhuna sandhavatam samsaratam matu
thannam pitam yam va catusu mahasamuddesu udakanti . yatha kho
Mayam bhante bhagavata dhammam desitam ajanama etadeva bhante
bahutaram yam no imina dighena addhuna sandhavatam samsaratam matu
thannam pitam na tveva catusu mahasamuddesu udakanti.
[428] Sadhu sadhu bhikkhave sadhu kho me tumhe bhikkhave
evam dhammam desitam ajanatha etadeva bhikkhave bahutaram yam vo
imina dighena addhuna sandhavatam samsaratam matu thannam pitam na
tveva catusu mahasamuddesu udakam tam kissa hetu anamataggoyam
bhikkhave samsaro .pe. Alam vimuccitunti. Catuttham.
[429] Savatthiyam viharati ... atha kho annataro bhikkhu yena
bhagava tenupasankami upasankamitva .pe. ekamantam nisinno
kho so bhikkhu bhagavantam etadavoca kivadigho nu kho bhante
kappoti . digho kho bhikkhu kappo so na sukaro sankhatum
ettakani vassani iti va ettakani vassasatani iti va
ettakani vassasahassani iti va ettakani vassasatasahassani
iti vati. Sakka pana bhante upama 1- katunti.
[430] Sakka bhikkhuti bhagava avoca seyyathapi bhikkhu mahaselo
pabbato yojanam ayamena yojanam vittharena yojanam ubbedhena
acchiddo asusiro ekaghano tamenam puriso vassasatassa vassasatassa
accayena kasikena vatthena sakim sakim parimajjeyya khippataram kho
so bhikkhu mahaselo pabbato imina upakkamena parikkhayam pariyadanam
@Footnote: 1 Ma. upamam. evamuparipi.
Gaccheyya na tveva kappo evam digho kho 1- bhikkhu kappo .
Evam dighanam kho bhikkhu kappanam neko kappo samsito nekam
kappasatam samsitam nekam kappasahassam samsitam nekam kappasatasahassam
samsitam tam kissa hetu anamataggoyam bhikkhu samsaro .pe. yavancidam
bhikkhu alameva sabbasankharesu nibbinditum alam virajjitum alam
vimuccitunti. Pancamam.
[431] Savatthiyam viharati ... atha kho annataro bhikkhu yena
bhagava .pe. ekamantam nisinno kho so bhikkhu bhagavantam etadavoca
kivadigho nu kho bhante kappoti . digho kho bhikkhu kappo
so na sukaro sankhatum ettakani vassani iti va .pe.
Ettakani vassasatasahassani iti vati . sakka pana bhante
upama katunti.
[432] Sakka bhikkhuti bhagava avoca seyyathapi bhikkhu ayasam
nagaram yojanam ayamena yojanam vittharena yojanam ubbedhena punnam
sasapanam gulikabandham 2- tato puriso vassasatassa vassasatassa accayena
ekamekam sasapam uddhareyya khippataram kho so bhikkhu mahasasaparasi
imina upakkamena parikkhayam pariyadanam gaccheyya na tveva kappo
evam digho kho bhikkhu kappo . evam dighanam kho bhikkhu kappanam neko
kappo samsito nekam kappasatam samsitam nekam kappasahassam samsitam
nekam kappasatasahassam samsitam tam kissa hetu anamataggoyam bhikkhu
@Footnote: 1 Ma. Yu. khosaddo natthi . 2 Ma. gulikabaddham. Yu. culikabaddham.
Samsaro .pe. Alam vimuccitunti. Chattham.
[433] Savatthiyam viharati ... atha kho sambahula bhikkhu yena
bhagava .pe. ekamantam nisinna kho te bhikkhu bhagavantam etadavocum
kivabahuka nu kho bhante kappa abbhatita atikkantati . bahuka
kho bhikkhave kappa abbhatita atikkanta te na sukara sankhatum
ettaka kappa iti va ettakani kappasatani iti va
ettakani kappasahassani iti va ettakani kappasatasahassani
iti vati. Sakka pana bhante upama katunti.
[434] Sakka bhikkhaveti bhagava avoca idhassu bhikkhave
cattaro savaka vassasatayuka vassasatajivino te ce 1- divase
divase kappasatasahassam kappasatasahassam anussareyyum . ananussaritava 2-
bhikkhave tehi kappa assu . atha kho me 3- cattaro savaka
vassasatayuka vassasatajivino vassasatassa vassasatassa accayena
kalam kareyyum . evam bahuka kho bhikkhave kappa abbhatita atikkanta
te na sukara sankhatum ettaka kappa iti va ettakani kappasatani
iti va ettakani kappasahassani iti va ettakani kappasatasahassani
iti va 4- tam kissa hetu anamataggoyam bhikkhave samsaro .pe. Alam
vimuccitunti. Sattamam.
[435] Ekam samayam bhagava rajagahe viharati veluvane kalandakanivape.
Atha kho annataro brahmano yena bhagava tenupasankami
@Footnote: 1 Ma. Yu. cesaddo natthi . 2 Yu. anussaritava . 3 Ma. atha kho te.
@Yu. atha te . 4 Ma. vati.
Upasankamitva bhagavata saddhim sammodi sammodaniyam katham saraniyam
vitisaretva ekamantam nisidi . ekamantam nisinno kho so
brahmano bhagavantam etadavoca kivabahuka nu kho bho gotama
kappa abbhatita atikkantati . bahuka kho brahmana kappa
abbhatita atikkanta te na sukara sankhatum ettaka kappa
iti va ettakani kappasatani iti va ettakani kappasahassani
iti va ettakani kappasatasahassani iti vati .
Sakka pana bho gotama upama katunti.
[436] Sakka brahmanati bhagava avoca seyyathapi brahmana
yato cayam ganganadi pahoti yattha ca mahasamuddam appeti ya
etasmim 1- antare valika sa na sukara sankhatum ettaka valika
iti va ettakani valikasatani iti va ettakani valikasahassani
iti va ettakani valikasatasahassani iti va 2- . tato bahutara
kho brahmana kappa abbhatita atikkanta te na sukara sankhatum
ettaka kappa iti va ettakani kappasatani iti va ettakani
kappasahassani iti va ettakani kappasatasahassani iti va tam
kissa hetu anamataggoyam brahmana samsaro pubba koti na
pannayati avijjanivarananam sattanam tanhasannojananam
sandhavatam samsaratam evam digharattam kho brahmana dukkham paccanubhutam
tippam paccanubhutam byasanam paccanubhutam katasi vaddhita .
@Footnote: 1 Yu. ya ca tasmim . 2 Ma. vati.
Yavancidam brahmana alameva sabbasankharesu nibbinditum
alam virajjitum alam vimuccitunti.
[437] Evam vutte so brahmano bhagavantam etadavoca
abhikkantam bho gotama abhikkantam bho gotama upasakam mam bhavam
gotamo dharetu ajjatagge panupetam saranangatanti. Atthamam.
[438] Savatthiyam viharati ... tatra kho bhagava ... Anamataggoyam
bhikkhave samsaro pubba koti na pannayati avijjanivarananam
sattanam tanhasannojananam sandhavatam samsaratam .pe.
[439] Seyyathapi bhikkhave dando uparivehasam khitto sakimpi
mulena nipatati sakimpi majjhena nipatati sakimpi aggena 1- nipatati
evameva kho bhikkhave avijjanivarana satta tanhasannojana
sandhavanta samsaranta sakimpi asma loka param lokam gacchanti
sakimpi parasma loka imam lokam agacchanti tam kissa hetu
anamataggoyam bhikkhave samsaro .pe. Alam vimuccitunti. Navamam.
[440] Ekam samayam bhagava rajagahe viharati gijjhakute pabbate.
Tatra kho bhagava bhikkhu amantesi bhikkhavoti . bhadanteti te
bhikkhu bhagavato paccassosum.
[441] Bhagava etadavoca anamataggoyam bhikkhave samsaro .pe.
Ekassa puggalassa bhikkhave kappam sandhavato samsarato siya evam
maha atthikankalo atthipunjo atthirasi yathayam vepullo pabbato
@Footnote: 1 Ma. antena.
Sace samharako assa sambhatanca na vinasseyya tam kissa hetu
anamataggoyam bhikkhave samsaro .pe. Alam vimuccitunti.
[442] Idamavoca bhagava idam vatvana sugato athaparam
etadavoca sattha
ekassekena kappena puggalassatthisancayo
siya pabbatasamo rasi iti vuttam mahesina
so kho panayam akkhato vepullo pabbato maha
uttaro gijjhakutassa magadhanam giribbaje 1-
yato ca ariyasaccani sammappannaya passati
dukkham dukkhasamuppadam dukkhassa ca atikkamam
ariyancatthangikam maggam dukkhupasamagaminam
sattakkhattuparamam 2- sandhavitvana puggalo
dukkhassantakaro hoti sabbasannojanakkhayati. Dasamam.
Pathamavaggo pathamo.
Tassa uddanam
tinakatthanca pathavi assu khiranca pabbatam
sasapa savako ganga dando ca puggalena cati.
---------
@Footnote: 1 Yu. giribbajo . 2 Ma. Yu. sasattakkhattum paramam.
Dutiyavaggo dutiyo
[443] Ekam samayam bhagava savatthiyam viharati .pe. tatra
kho bhagava ... anamataggoyam bhikkhave samsaro pubba koti na
pannayati avijjanivarananam sattanam tanhasannojananam sandhavatam
samsaratam . yam bhikkhave passeyyatha duggatam durupetam nitthamettha
gantabbam amhehi 1- evarupam paccanubhutam imina dighena addhunati
tam kissa hetu anamataggoyam bhikkhave samsaro .pe. alam
vimuccitunti. Pathamam.
[444] Savatthiyam viharati ... tatra kho bhagava ... Anamataggoyam
bhikkhave samsaro ... yam bhikkhave passeyyatha sukhitam susajjitam nitthamettha
gantabbam amhehi 1- evarupam paccanubhutam imina dighena addhunati
tam kissa hetu anamataggoyam bhikkhave samsaro pubba koti na
pannayati .pe. Alam vimuccitunti. Dutiyam.
[445] Rajagahe viharati veluvane ... Atha kho timsamatta paveyyaka
bhikkhu sabbe arannika sabbe pindapatika sabbe pamsukulika
sabbe tecivarika sabbe sasannojana yena bhagava tenupasankamimsu
upasankamitva bhagavantam abhivadetva ekamantam nisidimsu.
[446] Atha kho bhagavato etadahosi ime kho timsamatta
paveyyaka bhikkhu sabbe arannika sabbe pindapatika sabbe
@Footnote: 1 Ma. Yu. amhehipi.
Pamsukulika sabbe tecivarika sabbe sasannojana yannunaham imesam
tatha dhammam deseyyam yatha nesam imasmimyeva asane anupadaya
asavehi cittani vimucceyyunti . atha kho bhagava bhikkhu amantesi
bhikkhavoti. Bhadanteti te bhikkhu bhagavato paccassosum.
[447] Bhagava etadavoca anamataggoyam bhikkhave samsaro
pubba koti na pannayati avijjanivarananam sattanam tanhasannojananam
sandhavatam samsaratam . tam kim mannatha bhikkhave katamam nu
kho bahutaram yam va vo bhikkhave 1- imina dighena addhuna sandhavatam
samsaratam sisacchinnanam lohitam pasandam paggharitam yam va catusu
mahasamuddesu udakanti . yatha kho mayam bhante bhagavata dhammam
desitam ajanama etadeva bhante bahutaram yam no imina
dighena addhuna sandhavatam samsaratam sisacchinnanam lohitam pasandam
paggharitam na tveva catusu mahasamuddesu udakanti.
[448] Sadhu sadhu bhikkhave sadhu kho me tumhe bhikkhave
evam dhammam desitam ajanatha etadeva bhikkhave bahutaram yam vo
imina dighena addhuna sandhavatam samsaratam sisacchinnanam lohitam
pasandam paggharitam na tveva catusu mahasamuddesu udakam . digharattam
vo bhikkhave gunnam satam gobhutanam sisacchinnanam lohitam pasandam
paggharitam na tveva catusu mahasamuddesu udakam . digharattam vo
bhikkhave mahisanam satam mahisabhutanam sisacchinnanam lohitam pasandam
@Footnote: 1 Ma. Yu. bhikkhaveti natthi.
Paggharitam . digharattam vo bhikkhave urabbhanam satam urabbhabhutanam
.pe. ajanam satam ajabhutanam .pe. miganam satam migabhutanam
.pe. sukaranam satam sukarabhutanam .pe. kukkutanam satam kukkutabhutanam 1-
.pe. digharattam vo bhikkhave cora gamaghatakati gahetva
sisacchinnanam lohitam pasandam paggharitam . digharattam vo bhikkhave
cora paripanthakati gahetva .pe. cora paradarikati gahetva
sisacchinnanam lohitam pasandam paggharitam na tveva catusu mahasamuddesu
udakam tam kissa hetu anamataggoyam bhikkhave samsaro .pe.
Alam vimuccitunti.
[449] Idamavoca bhagava attamana te bhikkhu bhagavato bhasitam
abhinandum 2- . imasminca pana veyyakaranasmim bhannamane
timsamattanam paveyyakanam bhikkhunam anupadaya asavehi cittani
vimuccimsuti. Tatiyam.
[450] Savatthiyam viharati ... tatra kho bhagava ... Anamataggoyam
bhikkhave samsaro .pe. na so bhikkhave satto sulabharupo yo na
mata bhutapubbo imina dighena addhuna tam kissa hetu anamataggoyam
bhikkhave samsaro .pe. Alam vimuccitunti. Catuttham.
[sabbesam evam peyyalo]
[451] Savatthiyam viharati ... tatra kho bhagava ... Anamataggoyam
bhikkhave samsaro .pe. na so bhikkhave satto sulabharupo yo
@Footnote: 1 Ma. Yu. kukkuta ... sukara ... . 2 Po. Ma. Yu. abhinandunti.
Na pita bhutapubbo .pe. Pancamam.
[452] Savatthiyam viharati ... tatra kho bhagava ... Anamataggoyam
bhikkhave samsaro .pe. na so bhikkhave satto sulabharupo yo
na bhata bhutapubbo .pe. Chattham.
[453] Savatthiyam viharati ... tatra kho bhagava ... Anamataggoyam
bhikkhave samsaro .pe. na so bhikkhave satto sulabharupo yo
na bhagini bhutapubbo .pe. Sattamam.
[454] Savatthiyam viharati ... tatra kho bhagava ... Anamataggoyam
bhikkhave samsaro .pe. na so bhikkhave satto sulabharupo yo
na putto bhutapubbo .pe. Atthamam.
[455] Savatthiyam viharati ... tatra kho bhagava ... Anamataggoyam
bhikkhave samsaro pubba koti na pannayati avijjanivarananam
sattanam tanhasannojananam sandhavatam samsaratam . na so bhikkhave
satto sulabharupo yo na dhita bhutapubbo imina dighena addhuna
tam kissa hetu anamataggoyam bhikkhave samsaro pubba koti na
pannayati avijjanivarananam sattanam tanhasannojananam sandhavatam
samsaratam . evam digharattam vo bhikkhave dukkham paccanubhutam
tippam paccanubhutam byasanam paccanubhutam katasi vaddhita . yavancidam
bhikkhave alameva sabbasankharesu nibbinditum alam virajjitum alam
vimuccitunti. Navamam.
[456] Ekam samayam bhagava rajagahe viharati gijjhakute pabbate.
Tatra kho bhagava bhikkhu amantesi bhikkhavoti . bhadanteti te
bhikkhu bhagavato paccassosum.
[457] Bhagava etadavoca anamataggoyam bhikkhave samsaro
pubba koti na pannayati avijjanivarananam sattanam tanhasannojananam
sandhavatam samsaratam . bhutapubbam bhikkhave imassa vepullassa
pabbatassa pacinavamsotveva samanna udapadi . tena kho pana
bhikkhave samayena manussanam tivaratveva samanna udapadi .
Tivaranam bhikkhave manussanam cattalisavassasahassani ayuppamanam
ahosi . tivara bhikkhave manussa pacinavamsam pabbatam catuhena
arohanti catuhena orohanti . tena kho pana bhikkhave samayena
kakusandho bhagava araham sammasambuddho loke uppanno hoti .
Kakusandhassa bhikkhave bhagavato arahato sammasambuddhassa vidhurasanjivannama
savakayugam ahosi aggam bhaddayugam . passatha bhikkhave
sa cevimassa pabbatassa samanna antarahita te ca manussa
kalakata so ca bhagava parinibbuto . evam anicca bhikkhave
sankhara evam addhuva bhikkhave sankhara evam anassasika bhikkhave
sankhara . yavancidam bhikkhave alameva sabbasankharesu nibbinditum
alam virajjitum alam vimuccitum.
[458] Bhutapubbam bhikkhave imassa vepullassa pabbatassa
Vankatotveva samanna udapadi . tena kho pana bhikkhave samayena
manussanam rohitassatveva samanna udapadi . rohitassanam
bhikkhave manussanam timsavassasahassani ayuppamanam ahosi .
Rohitassa bhikkhave manussa vankatam pabbatam tihena arohanti tihena
orohanti . tena kho pana bhikkhave samayena konagamano bhagava
araham sammasambuddho loke uppanno hoti . konagamanassa bhikkhave
bhagavato arahato sammasambuddhassa bhiyyosuttaram nama savakayugam
ahosi aggam bhaddayugam . passatha bhikkhave sa cevimassa pabbatassa
samanna antarahita te ca manussa kalakata so ca bhagava
parinibbuto. Evam anicca bhikkhave sankhara .pe. Alam vimuccitum.
[459] Bhutapubbam bhikkhave imassa vepullassa pabbatassa
supassotveva samanna udapadi . tena kho pana bhikkhave samayena
manussanam suppiyatveva samanna udapadi . suppiyanam bhikkhave
manussanam visativassasahassani ayuppamanam ahosi . suppiya
bhikkhave manussa supassam pabbatam dvihena arohanti dvihena
orohanti . tena kho pana bhikkhave samayena kassapo bhagava araham
sammasambuddho loke uppanno hoti . kassapassa bhikkhave bhagavato
arahato sammasambuddhassa tissa bharadvajam nama savakayugam ahosi
aggam bhaddayugam . passatha bhikkhave sa cevimassa pabbatassa samanna
antarahita te ca manussa kalakata so ca bhagava parinibbuto. Evam
Anicca bhikkhave sankhara evam addhuva bhikkhave sankhara evam
.pe. Alam vimuccitum.
[460] Etarahi kho pana bhikkhave imassa vepullassa pabbatassa
vepullotveva samanna udapadi . etarahi kho pana bhikkhave
imesam manussanam magadhakatveva samanna udapadi . magadhakanam
bhikkhave manussanam appakam ayuppamanam parittakam lahukam yo ciram
jivati so vassasatam appam va bhiyyo va . Magadhaka bhikkhave manussa
vepullam pabbatam muhutteneva arohanti muhuttena orohanti .
Etarahi kho panayam bhikkhave araham sammasambuddho loke uppanno.
Mayham kho pana bhikkhave sariputtamoggallanam nama savakayugam
aggam bhaddayugam . bhavissati bhikkhave so samayo ya ayancevimassa
pabbatassa samanna antaradhayissati ime ca manussa kalam
karissanti ahanca parinibbayissami . evam anicca bhikkhave
sankhara evam addhuva bhikkhave sankhara evam anassasika
bhikkhave sankhara . yavancidam bhikkhave alameva sabbasankharesu
nibbinditum alam virajjitum alam vimuccitunti.
[461] Idamavoca bhagava idam vatvana sugato athaparam
etadavoca sattha
pacinavamso tivaranam rohitassana vankato
suppiyanam supassopi 1- magadhananca vepulo
@Footnote: 1 Ma. supassoti. Yu. supassati.
Anicca vata sankhara uppadavayadhammino
uppajjitva nirujjhanti tesam vupasamo sukhoti. Dasamam.
Dutiyavaggo dutiyo.
Tassa uddanam
duggatam sukhitanceva timsamata pitena ca
bhata bhagini putto ca dhita vepullapabbatam.
Anamataggasamyuttam tatiyam samattam.
---------
The Pali Tipitaka in Roman Character Volume 16 page 212-228.
http://84000.org/tipitaka/pitaka_item/roman_item_s.php?book=16&item=421&items=41&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=16&item=421&items=41&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=16&item=421&items=41&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=16&item=421&items=41&modeTY=2
Study Atthakatha :-
http://84000.org/tipitaka/attha/attha.php?b=16&i=421
The Pali Atthakatha in Thai :-
http://84000.org/tipitaka/atthapali/read_th.php?B=12&A=3923
The Pali Atthakatha in Roman :-
http://84000.org/tipitaka/atthapali/read_rm.php?B=12&A=3923
Contents of The Tipitaka Volume 16
http://84000.org/tipitaka/read/?index_16
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
